१ यूहन्‍ना 4:19 - ह्योल्‍मो

¹⁹ तोहङस्‍यो किन्‍ज्‍योगीॱराङ ओहराङला चेवा जे नाङग्‍यो सोङबे ओहराङॱआङ चेवा पेहकें।

१ यूहन्‍ना 4:19 Referans Kwoze

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।

यूहन्‍ना 15:16

ख्‍याया़गी ङाहला मा़हदाम यिहॱनाङ ङाहगी ख्‍याया़ला दाम्‍सीन, ओहले ख्‍या काहल्‍दी सेदो या़ह च्‍य़ूदोङ ओहले ख्‍याया़गी सेदो नाहम-माना या़हदे तेहच्‍यु म़ेदी ङाहगी ख्‍याला कुल्‍सीन। ओ़ह सोङबे ख्‍यागी ङाहगी मिहनला याहप ङ्याम्‍बु च्‍यि लाङगे ओ़हदी याहपगी ख्‍याला नाङज्‍ये येह।

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

लूका 7:47

मोहगी च्‍यिबे दि ल़ेहमु पेहक्‍यो माएँ ताम ङाह ख्‍येला माएँ, मोहती माहङबुराङ तिहक्‍पाया़ ता़ह सिहन्‍दी येह। ओ़ह सोङबे मोहगी ङाहला चेवा तेन्‍सीन। ओहले ङ्ये़हमु तिहक्‍पा येहकें मिहगीदी ङ्ये़हमुराङ चेवा पेहकें” म़ेदी येशूगी सुङ नाङसीन।

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?