१ यूहन्‍ना 3:24 - ह्योल्‍मो

²⁴ किन्‍ज्‍योगी का ङ्यिहन्‍गे मिह थाम्‍ज्‍यी किन्‍ज्‍यो ङ्याम्‍बुराङ ओहङज्‍ये येह ओहले किन्‍ज्‍यो खुङ ङ्याम्‍बु ज़्‍य़ू नाङज्‍ये येह। किन्‍ज्‍योगी ओहराङला नाङग्‍यो नाम्‍पार-ताहक्‍पा थु लाहमले किन्‍ज्‍यो ओहराङ ङ्याम्‍बु ज़्‍य़ू नाङगे माएँ ताम ङोह स्‍य़े ख़ूएँ।

१ यूहन्‍ना 3:24 Referans Kwoze

१ कोरिन्‍थी 3:16

ख्‍या किन्‍ज्‍योकी छ्योखाङ यिहम्‍बा ओहले किन्‍ज्‍योकी थु ख्‍या नाहङला ज़्‍य़ू नाङगे। च्‍यि दि ताम ख्‍याया़ला क्‍यी़ह म़ेहबा?

२ तिमोथी 1:14

ख्‍येला चि क्‍याहप्‍क्‍योगी तेहन्‍दामकी तामया़ ओहराङ नाहङला ज़्‍य़ू नाङगेन नाम्‍पार-ताहक्‍पा थु लाहमले सी़दे ज़्‍या़दोङ।

१ यूहन्‍ना 2:6

किन्‍ज्‍यो ङ्याम्‍बुराङ येह म़ेदी माएँ मिहगी मास्‍यीकाती ल़ेहमुराङ राहङगी डोलु-तेहलुया़ पेह कोहएँ।

१ कोरिन्‍थी 6:19

च्‍यि ख्‍याया़गी ज़ुबु नाम्‍पार-ताहक्‍पा थुगी छ्योखाङ यिहम्‍बा म़ेदी ख्‍याया़ला क्‍यी़ह म़ेहबा? किन्‍ज्‍योगी नाङग्‍योकी नाम्‍पार-ताहक्‍पा थुराङ ख्‍याया़गी ज़ुबु नाहङला ज़्‍य़ू नाङगे। ओ़ह सोङबे ख्‍याया़ राहङॱआङ राहङदी मिहम्‍बा।

१ यूहन्‍ना 4:7

ए ङाहगी च्‍याहम्‍बु रो़हया़, ओहराङगी च्‍यी़गी च्‍यी़ला चेवा पेह कोहएँ च्‍यिबेमाना चेवा किन्‍ज्‍यो लाहमले ओहङग्‍यो यिहम्‍बा। का़हन्‍दीगी चेवा पेहकें खो किन्‍ज्‍यो लाहमले क्‍येक्‍यो ओहङगे, खोगी किन्‍ज्‍योला ङोह स्‍य़ेएँ।

यूहन्‍ना 17:21

खुङ थाम्‍ज्‍यी च्‍यी़राङ डो ख़ूज्‍यु म़ेदी ङ्यिह राहङला ओहर-छ्य़े स्‍युहएँ। ओ़ याहप, ङाह राहङ ङ्याम्‍बु ओहले राहङ ङाह ङ्याम्‍बु ज़्‍य़ूदी ओहराङ च्‍यी़राङ काहल्‍ग्‍यो ल़ेहमु खुङॱआङ ओहराङ ङ्याम्‍बु डी़दी च्‍यी़राङ ओहङ ख़ूज्‍यु ओहले राहङगीराङ ङाहला ताङ नाङग्‍यो यिहन म़ेदी जाम्‍बुलीङगी यिह-छ्य़े ख़ूज्‍यु।

१ यूहन्‍ना 3:22

ओहराङगी किन्‍ज्‍योगी काया़ ची़क्‍यो दाङ मिहरोगी थु ङ्ये़एँगी ल़ेहया़ पेहक्‍यो सोङबे ओहराङगी च्‍यि लाङगे ओ़ह मिहरोगी नाङगे।

२ कोरिन्‍थी 6:16

किन्‍ज्‍योगी छ्योखाङ ङ्याम्‍बु कुया़दी च्‍यि च्‍योल्‍दो ले? च्‍यिबेमाना ओहराङ सोम्‍बो ज़्‍य़ू नाङगेन किन्‍ज्‍योगी छ्योखाङ यिहम्‍बा। किन्‍ज्‍योगी दि ल़ेहमु सुङ नाङदी येहबा, “ङाह खुङया़ ङ्याम्‍बु तेहच्‍ये येह, ओहले खुङया़गी पाहरक्‍यीले फार छुर डोज्‍ये येह, ओहले ङाह खुङया़गी किन्‍ज्‍यो ओहङज्‍ये येह, ओहले खुङ ङाहती मिहया़ ओहङज्‍ये येह।”

यूहन्‍ना 10:38

ङाहनी याहपकी छ्या़लेया़ पेहको येह। ख्‍याया़गी ङाहला यिह मेहछ्ये़ॱनाङ ङाहगी पेहक्‍योकी ल़ेहया़ला यिह छ्य़ेदोङ ओहले ख्‍याया़गी, ‘याहप ङाह ङ्याम्‍बु ज़्‍य़ू नाङदी येह ओहले ङाह याहप ङ्याम्‍बु येह’ माएँ ताम क्‍यी़ह ज्‍योर्च्‍ये येह ओहले ङोह स्‍ये़ज्‍ये येह।”

यूहन्‍ना 14:17

मिहरो तेहन्‍दामकी थु यिहन। यिहॱनाङ जाम्‍बुलीङगी मिहरोला लोक पेह मी़हखुएँ च्‍यिबेमाना दि जाम्‍बुलीङगी मिहरोला नाह थोङगे नाह ङोह स्‍य़ेगे। यिहॱनाङ ख्‍यागी मिहरोला ङोह स्‍य़ेएँ, च्‍यिबेमाना मिहरो ख्‍या ङ्याम्‍बु ज़्‍य़ू नाङगे, ओहले मिहरो ख्‍याया़गी पाहरक्‍यीला ज़्‍य़ू नाङज्‍ये येह।

१ थेसलोनिकी 4:8

ओ़ह सोङबे का़हन्‍दीगी दि लुहङला मी़हचीएँ ओ़हदीगी मिहला मिहम्‍बा, किन्‍ज्‍योलाॱराङ मी़हचीएँ, ओ़ह किन्‍ज्‍योगीॱराङ ख्‍या फ़ेबे-म़ेहमेया़ला नाम्‍पार-ताहक्‍पा थु नाङसीन।

१ यूहन्‍ना 2:3

ओहराङगी मिहरोगी काया़ ङ्यिहन्‍सीन माना तेहम्‍बाराङ ओहराङगी मिहरोला ङोह स्‍य़ेक्‍यो दु म़ेदी ह्‍अ कोह ख़ूएँ।

१ यूहन्‍ना 2:5

यिहॱनाङ काहदी मिहगी चो़वोगी लुहङया़ ची़गे, खोगी तेहम्‍बा-तेहन्‍सुमॱराङ किन्‍ज्‍योला सेम तिहङ यिहन्‍ज्‍युराङ चेवा पेहक्‍यो ओहङगे। दि लाहमलेॱराङ ओहराङ किन्‍ज्‍यो ङ्याम्‍बु येहबा माएँ ताम क्‍यी़ह ज्‍योर ख़ूएँ।

१ यूहन्‍ना 2:24

ओ़ह सोङबे ख्‍याया़गी छ़ूगे यिहन्‍ज्‍युराङ थे़दे ओहङग्‍योकी लुहङया़ राहङगी सेमला ज़्‍या़दोङ। ख्‍यागी थे़क्‍योकी लुहङया़ राहङगी सेमला ज़्‍या़क्‍यो येहसीमाना ख्‍या किन्‍ज्‍यो याहप दाङ स़ेबु ङ्याम्‍बुराङ ओहङज्‍ये येह।