१ यूहन्‍ना 3:20 - ह्योल्‍मो

²⁰ का़हलेॱआङ ओहराङला राहङदीराङ सेमगी क्‍येन ता़सीन माना किन्‍ज्‍योनी ओहराङगी सेम म़ेदी ज्‍यिबुराङ छ्यिम्‍बु येहबा, मिहरोगी ना थाम्‍ज्‍यीराङ ङोह ख्‍येन नाङगे माएँ ताम क्‍यी़ह ज्‍योर कोहएँ।

१ यूहन्‍ना 3:20 Referans Kwoze

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

१ कोरिन्‍थी 4:4

ङाहला च्‍यिरा क्‍येन येहबा ल़ेहमुनी ङाहला म़ेह ऩे दु यिहॱनाङ ओ़हगी ङाह नाम्‍पार-ताहक्‍पा येह म़ेदीनी दास्‍यी तेर मी़हखुएँ। ङाहला ठिम ताङ नाङगेनी चो़वोॱराङ यिहम्‍बा।

१ यूहन्‍ना 4:4

ङाहगी च्‍याहम्‍बु पेहजाया़, ख्‍याया़नी किन्‍ज्‍योदी यिहम्‍बा, ख्‍यागी चिहन क्‍याहप्‍केन लुहङतेम्‍बाया़ला क्‍याहल्‍दी येहबा, च्‍यिबेमाना ख्‍याया़ ङ्याम्‍बु ज़्‍य़ू नाङगेन किन्‍ज्‍यो दि जाम्‍बुलीङला येहकेन्‍गी ती़ह म़ेदी ज्‍यिबुराङ ओङ छ्यिम्‍बु येहबा।

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।

तीतस 3:11

ओ़ह ख्‍याला क्‍यी़हराङ येह, ओ़ह ल़ेहमु मिहया़ नोहङग्‍यो दाङ तिहक्‍च्‍येम्‍बा ओहङगे ओहले खो राहङ तिहक्‍पागी राहङलाराङ ङ्य़ेहबा फो़गे।

यूहन्‍ना 8:9

दि स्‍याहल थे़दे खुङया़ तोहङस्‍यो के़हङगेनया़ यिहन्‍ज्‍यु छ़ूदी पेहजाया़ थु राहप-ताङ रिहम्‍बा पेहती ओ़ह ग्‍या़ले थेन्‍दी काहल्‍सीन। ओहले येशू दाङ ओ़ह पी़हमी च्‍यी़राङ ओ़हला लिहसीन, ओहले ओ़ह पी़हमी येशूगी दिनला लाहङदी तेहसीन।

हिब्रू 6:13

किन्‍ज्‍योगी अब्राहाम ङ्याम्‍बु तोहदाम ज़्‍या़ नाङगेमु राहङ म़ेदी छ्येस्‍यो लेहमेन सुॱआङ म़ेहबा सोङबे मिहरोगी राहङगी छेनला दि ल़ेहमु सुङदी ना क्‍याल नाङसीन,

ल़ेह-पेन 5:33

दि ताम थे़दी गोबाया़ स्‍यिहताङगी मी़राङ माहथोङ, ओहले ल़ेह-पेनया़ला सेच्‍ये छोल्‍सीन।

रोमी 8:34

ता़ह खुङला सुगी ङ्य़ेहबा काल ख़ूज्‍ये? मास्‍यीका येशू टोहङ नाङसीन यिहॱनाङ टोहङग्‍योया़ नाहङला मिहरो येहपाराङ सोम्‍बो ज़्‍याङ नाङसीन, ओहले ताहन्‍दा मिहरो किन्‍ज्‍योकी योबा ङो़ले ज़्‍य़ू नाङदी येहबा, ओहले मिहरोगी ओहराङगी तेहन्‍दाला किन्‍ज्‍यो ङ्याम्‍बु ओहर-छ्य़े स्‍युह नाङगे।

१ यूहन्‍ना 3:19

दि लाहमलेॱराङ ओहराङ तेहन्‍दामकी मिहया़ यिहम्‍बा म़ेदी क्‍यी़ह ज्‍योर ख़ूएँ। ओहले ओहराङ किन्‍ज्‍योगी दिनला स्‍युक क्‍ये ख़ूएँ।

१ यूहन्‍ना 3:21

ए ङाहगी च्‍याहम्‍बु रो़हया़, ओहराङगी सेमगी राहङला क्‍येन मेहकेन्‍सीमाना किन्‍ज्‍योगी दिनला डोज्‍येला ओहराङला च्‍यिॱआङ ज्‍यी़सु मेहयोहङगे।