१ यूहन्‍ना 3:18 - ह्योल्‍मो

¹⁸ ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।

१ यूहन्‍ना 3:18 Referans Kwoze

रोमी 12:9

ख्‍याया़गी निङज्‍यी पेहक्‍योदी मिहया़ला तेन्‍ज्‍येगी तेहन्‍दाला मिहम्‍बा यिहॱनाङ ओ़ह निङज्‍यी तेहन्‍दाम ओहङ कोहएँ। ल़ेह चोक्‍पाया़ क्‍युर्ती या़हबु ल़ेहला स्‍य़ूहदोङ।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

गलाती 5:13

आदा-नो़ह दाङ आज्‍यी-नुहमुया़, ख्‍यानी राहङवाङगी तेहन्‍दाला क़े क्‍याहप्‍क्‍यो यिहम्‍बा। यिहॱनाङ दि राहङवाङला तिहक्‍पाकी ल़ेहया़की तेहन्‍दाला चाल माहती। यिहॱनाङ चेवा पेहती च्‍यी़गी च्‍यी़ला या़हबु स्‍याहप्‍तो स्‍यी़हदोङ।

एफिसी 4:15

तोहरोङ चेवा लाहमले तेहन्‍दामकी ताम माएँराङ ना थाम्‍ज्‍यीला ओहराङ मिहरो थुराङ पे यिहॱनाङ मास्‍यीका थुराङ याहरक्‍यी पेहती डो कोहएँ, मिह-रो़हराङ गो़ छ्येस्‍यो यिहन।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

१ यूहन्‍ना 2:1

ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

२ यूहन्‍ना 1:1

ङाह छेन्‍छोककी एल्‍डर, किन्‍ज्‍योगी दाम नाङग्‍यो पी़हमी-पेहजा दाङ मोहगी पुह पोहमोया़ला दि यिहगी प्रुहएँॱराङ येहबा। ङाह खुङया़ला तेहम्‍बाराङ चेवा पेहकें, ओ़ह ङाहगी च्‍यी़राङ मिहम्‍बा, यिहॱनाङ तेहन्‍दामला ङोह स्‍य़ेगे थाम्‍ज्‍यीगीराङ चेवा पेहकें।

यूहन्‍ना 17:19

खुङॱआङ तेहन्‍दामला नाम्‍पार-ताहक्‍पा डो ख़ूज्‍यु म़ेदी खुङया़गी तेहन्‍दाला ङाह राहङगी राहङला चाङमा ज़ोएँ।

१ यूहन्‍ना 3:7

ए ङाहगी च्‍याहम्‍बु पेहजाया़, सुज्‍यीगीॱआङ ख्‍याला चिहन क्‍याहप माहङ्युहङज्‍यु। मास्‍यीका टाहङबु येहकें ल़ेहमुराङ काहदी मिहगी राहङगी डोलु-तेहलुया़ टाहङबु पेहकें, खो मिह टाहङबु यिहम्‍बा

३ यूहन्‍ना 1:1

ङाह छेन्‍छोककी एल्‍डर लाहमले, ङाहगी चेवा पेहक्‍योकी रो़ह गायस ख्‍येला दि यिहगी प्रुहएँॱराङ येहबा, ङाहगी ख्‍येला तेहम्‍बाराङ चेवा पेहती येह।

लूका 7:5

च्‍यिबेमाना खोगी ङ्यिहगी क्‍यिहपाला चेवा पेहकें, ओहले खोगी ङ्यिहगी तेहन्‍दाला छो़खाङ च्‍यी़ॱआङ जे तेर्ती येह” म़ेदी स्‍युहसीन।