१ यूहन्‍ना 3:17 - ह्योल्‍मो

¹⁷ जाम्‍बुलीङगी क्‍युह-नोहर येहकेया़गी राहङगी आदा-नो़ह दाङ आज्‍यी-नुहमुया़ तुहक्‍पुला छ्यिक्‍यो थोङगेमुॱआङ राहङगी सेम सान्‍दी पेहसीनमाना ओ़ह ल़ेहमु मिहया़गी किन्‍ज्‍योला काह-ठि पेहती चेवा पेह ख़ूज्‍ये ले?

१ यूहन्‍ना 3:17 Referans Kwoze

हिब्रू 13:16

च्‍यी़गी च्‍यी़ला या़हबु ल़ेह दाङ रो़हराम पेहच्‍येला टेहम्‍बा माहच्‍येह। च्‍यिबेमाना किन्‍ज्‍योला थु ङ्ये़एँगी मार्च्‍ये दिराङ यिहम्‍बा।

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?

लूका 3:11

“छ्युबा ङ्यी़ येहकेन मिहगी छ्युबा म़ेहबा मिहला च्‍यी़ तेर्च्‍यु, ओहले तोप्‍च्‍या येहकेन मिहगी तोप्‍च्‍या म़ेहबा मिहला तोप्‍च्‍या तेर्च्‍यु” म़ेदी यूहन्‍नागी मासीन।

याकूब 2:15

का़हलेॱआङ ख्‍याया़गी पाहरक्‍यीला आदा-नो़ह दाङ आज्‍यी-नुहमुया़ला काप्‍च्‍या केहन्‍ज्‍ये दाङ ङ्यिहमा टाहङमागी साहप्‍च्‍याया़ कोम्‍बु काहल्‍ग्‍यो येहसीमाना

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

याकूब 2:16

यिहॱनाङ ख्‍याया़ नाहङला सुज्‍यीगी खुङला, “सेम लो तेहमु पेहती सोङ, काप्‍च्‍या क्‍यिपु केहन्‍दी तेहतोङ ओहले टेहपा काहङगे थु सोह” च्‍यी़राङ माएँ, यिहॱनाङ खुङ ज़ुबुगी तेहन्‍दाला कोहकेन्‍गी से़हया़दी मेहतेर्सीमाना, ओ़ह मिहया़ला च्‍यि फेन थोएँ ले?