१ यूहन्‍ना 2:6 - ह्योल्‍मो

⁶ किन्‍ज्‍यो ङ्याम्‍बुराङ येह म़ेदी माएँ मिहगी मास्‍यीकाती ल़ेहमुराङ राहङगी डोलु-तेहलुया़ पेह कोहएँ।

१ यूहन्‍ना 2:6 Referans Kwoze

१ पत्रुस 2:21

च्‍यिबेमाना दिगी तेहन्‍दालाराङ ख्‍याया़ला क़े क्‍याहप नाङग्‍यो यिहम्‍बा। मास्‍यीकागीॱआङ ख्‍याया़गी तेहन्‍दाला तुहक्‍पु खुर नाङसीन, ओहले ख्‍याया़गी तेहन्‍दाला पे च्‍यी़ तेन नाङसीन, ओ़ह सोङबे ख्‍याया़ मिहरोगी फेप-लाहमलाॱराङ डोएँ कोहएँ।

यूहन्‍ना 13:15

च्‍यिबेमाना ङाहगी ख्‍याया़ला पे च्‍यी़ तेन्‍सीन, ओहले ङाहगी ख्‍याया़गी तेहन्‍दाला काहन्‍डुमु पेहक्‍यो येहबा ओ़हठीॱराङ ख्‍याया़गीॱआङ पेहतोङ।

१ कोरिन्‍थी 11:1

ओ़ह सोङबे ङाहगी मास्‍यीकाती पे ताक्‍यो ल़ेहमुराङ ख्‍याया़गीॱआङ ङाहती पे त़ेदोङ।

१ यूहन्‍ना 3:6

ओ़ह सोङबे मास्‍यीकाला क्‍याप्‍ती तेहकें मिहगी तिहक्‍पा पेहतीराङ मेहतेहकें। तिहक्‍पा पेहतीराङ तेहकें मिहगी नाह मास्‍यीका थोङग्‍यो ओहङगे नाह ङोह स्‍य़ेक्‍योॱराङ ओहङगे।

एफिसी 5:2

ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।

मत्ती 11:29

ङाहगी ङ्यास्‍यीङ खुर्तोङ ओहले ङाह ङ्याम्‍बु लोप्‍तोङ च्‍यिबेमाना ङाह च्‍याहम्‍बु दाङ ङ्येम्‍ज्‍युङ येह, ओहले ख्‍याया़गी राहङगी सेमगी थाङ सो ङ्युहङज्‍ये येह।

१ यूहन्‍ना 2:4

सुज्‍यीगी ङाह चो़वोला ङोह स्‍य़ेएँ म़ेदी माएँ यिहॱनाङ चो़वोगी नाङग्‍यो काया़ मी़हचीसी माना खोगी स्‍योप क्‍याहप्‍क्‍यो ओहङगे ओहले खो ङ्याम्‍बु तेहन्‍दाम मेहयोहङगे।

१ यूहन्‍ना 2:28

ए ङाहगी पेहजाया़, ख्‍या मास्‍यीकाला क्‍याप्‍ती तेहतोङ, ओहले मास्‍यीका फेप नाङगेमु ओहराङला स्‍युक क्‍येज्‍ये येह, ओहले मास्‍यीका फेप नाङगेमु मिहरोगी दिनला ओहराङ ङोह-छारी डोज्‍ये म़ेह।

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

१ यूहन्‍ना 3:24

किन्‍ज्‍योगी का ङ्यिहन्‍गे मिह थाम्‍ज्‍यी किन्‍ज्‍यो ङ्याम्‍बुराङ ओहङज्‍ये येह ओहले किन्‍ज्‍यो खुङ ङ्याम्‍बु ज़्‍य़ू नाङज्‍ये येह। किन्‍ज्‍योगी ओहराङला नाङग्‍यो नाम्‍पार-ताहक्‍पा थु लाहमले किन्‍ज्‍यो ओहराङ ङ्याम्‍बु ज़्‍य़ू नाङगे माएँ ताम ङोह स्‍य़े ख़ूएँ।

१ यूहन्‍ना 4:17

दि ल़ेहमु पेहतीराङ ओहराङ ङ्याम्‍बु येहकेन्‍गी चेवा छाङबु काहल्‍ग्‍यो ओहङगे ओहले ठिम ताङ नाङगे ङ्यिहमाला ओहराङ ज्‍यी़ मेहकोहएँ च्‍यिबेमाना दि जाम्‍बुलीङला ओहराङ मास्‍यीका ल़ेहमुराङ येहबा।