१ यूहन्‍ना 2:19 - ह्योल्‍मो

¹⁹ ओ़ह टाहया़ ओहराङ नाहङलेॱराङ थेन्‍दी काहल्‍सीन, च्‍यिबेमाना खुङ ओहराङदी मिहम्‍बा यिहन्‍गे। का़हलेॱआङ खुङया़ ओहराङदी यिहम्‍बा यिहनानी खुङ ओहराङ ङ्याम्‍बुराङ तेहच्‍ये येहकें। खुङ ओहराङदी मिहम्‍बा दु म़ेदी या़हबु पेहती क्‍यी़ह ज्‍योर्च्‍येला खुङया़गी ओहराङला क्‍युर ज़्‍या़दी काहल्‍सीन।

१ यूहन्‍ना 2:19 Referans Kwoze

ल़ेह-पेन 20:30

ओहले ख्‍याराङगी पाहरक्‍यीलेगीॱआङ चिहन क्‍याहप्‍ती लुहङ तेर्केन्‍गी मिहया़ थेन्‍ज्‍ये येह। खुङया़गी चो़वो छ्येवागी स्‍याहप्‍च्‍यीया़ला राहङगी चोक्‍पा लाहम ङो़ले ख्‍येर्च्‍ये छोल्‍ज्‍ये येह।

१ कोरिन्‍थी 11:19

यिहन्‍ज्‍येनी तेहन्‍दामकी मिह ङोह स्‍येच्‍येला ख्‍याया़ नाहङला ठ़ूस्‍यी ओहङॱराङ कोहएँ।

यहूदा 1:19

थिन मी़हच्‍युगेया़, जाम्‍बुलीङगी मिहया़ ओहले नाम्‍पार-ताहक्‍पा सेम म़ेहबाकी मिहया़ दिया़राङ यिहम्‍बा।

लूका 8:13

ओहले तोहरो खाया़ला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी सुङदेन ङ्यिहन्‍दी क़ेहनाङ पेहती यिह छ्य़ेगे। यिहॱनाङ खुङ चार्ङ्यी म़ेहबागी तोहङबो ल़ेहमुराङ यिहम्‍बा, खुङगी ङ्यिहमा तोबा च्‍यी़राङ किन्‍ज्‍योला यिह-छ्य़े पेहकें, ओहले च्‍यि रोहवा का़हबु ओहङसीमाना किन्‍ज्‍योलेगी तेहपा लो़हएँ।

मत्ती 24:24

च्‍यिबेमाना दि ल़ेहमु चिहन क्‍याहप्‍केन्‍गी मास्‍यीका दाङ लुहङतेम्‍बाया़ ओहङज्‍ये येह। खुङया़गी छ्यिम्‍बु-छ्यिम्‍बु ताक्‍छेनया़ दाङ याहम्‍जेम्‍बागी ल़ेहया़ तेन्‍दी ला़ खाजेबा किन्‍ज्‍योगी दाम्‍ग्‍यो मिहया़ॱलाङ गो़ कोर च्‍य़ूज्‍ये येह।”

ल़ेह-पेन 15:24

ङ्यिहगी पाहरक्‍यीले रेहरे मिहया़ ओहङदी राहङ फे़बेया़ला फिर्च्‍या लोप्‍च्‍युङया़ तेर्ते ज्‍यिबुराङ तुहक्‍पु तेर्सीन लो माएँ ताम ङ्यिहगी थ़ेसीन। यिहॱनाङ ओ़ह मिहया़ला ङ्यिहगी ताङग्‍यो मिहन।

मर्कूस 13:22

च्‍यिबेमाना गो़ कोर च्‍य़ूगेन्‍गी मास्‍यीका दाङ लुहङतेम्‍बाया़ थेन ओहङज्‍ये येह। खुङगी छ्यिम्‍बु-छ्यिम्‍बु ताक्‍छेनया़ दाङ याहम्‍जेम्‍बागी ल़ेहया़ तेन्‍दी ला़ खाजे दाम्‍ग्‍यो मिहया़ॱलाङ गो़ कोर च्‍य़ूज्‍ये छोल्‍ज्‍ये येह।

२ तिमोथी 2:19

यिहॱनाङ, किन्‍ज्‍यो राहङगी तिङ नाङग्‍योकी मिहरोकी ब्राम नाहम-माना सान्‍दीॱराङ ओहङज्‍ये येह। ओ़ह ब्रामला दि ल़ेहमु सुङदी पार क्‍याहप नाङदी येह, “चो़वोगी राहङगी क्‍यिपाया़ला ङोह ख्‍येन नाङगे,” ओहले “चो़वोकी छेन लेहन्‍गेया़गी ना थाम्‍ज्‍यीगी ल़ेह चोक्‍पाया़ ङो़ले था़-रिहङबुराङ तेहच्‍यु।”

हिब्रू 10:39

यिहॱनाङ ओहराङनी तेहपा लो़हदी तोङदी डोएँया़ नाहङदी मिहम्‍बा, यिहॱनाङ ओहराङनी यिह-छ्य़े पेहती थार्क्‍योया़ नाहङदी गा यिहम्‍बा।

२ तिमोथी 2:10

ओ़ह सोङबे किन्‍ज्‍योगी दाम नाङग्‍योकी मिहया़गी तेहन्‍दाला ङाह च्‍यि स़ेह माना ना़गे, ओ़हगी पेहती खुङया़गीॱआङ था़ म़ेहबा ज़िज्‍यिद ङ्याम्‍बु मास्‍यीका येशू थो़ला येहकेन्‍गी थार्पा ज्‍योर ख़ूज्‍यु।

रोमी 9:6

यिहॱनाङ किन्‍ज्‍योकी सुङ तेहन्‍दा माहन्‍डुपानी मिहम्‍बा। च्‍यिबेमाना इस्राएल क्‍यिहपाला क्‍येक्‍योगी मिह थाम्‍ज्‍यी किन्‍ज्‍योगी छार्क्‍यीन मिहम्‍बा,

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

यहूदा 1:1

ङाह येशू मास्‍यीकाकी लाबु, याकूबकी नो़ह यहूदा लाहमले– पाहङज्‍येन क्‍याहप्‍क्‍योया़, पे यिहॱना़ किन्‍ज्‍यो याहपकी चेवा जे नाङग्‍योया़ दाङ येशू मास्‍यीकाकी जेम्‍बु जेती ज़्‍या़ नाङग्‍योया़ला दि यिहगी प्रुहएँॱराङ येहबा।

२ तिमोथी 3:9

यिहॱनाङ खुङया़गी नाहम माॱनाङ दि ल़ेहमु पेहती तेह मी़हखुएँ च्‍यिबेमाना यान्‍नेस ताङ याम्‍ब्रेसदी ल़ेहमुराङ खुङगी उल्‍दुम्‍बा, मिह थाम्‍ज्‍यीगी क्‍यी़ह ज्‍योर्च्‍ये येह।

यूहन्‍ना 15:2

सेदो मे़हयाहएँगी याहल्‍गा थाम्‍ज्‍यी मिहरोगी तुप्‍ती क्‍युर नाङगे, यिहॱनाङ सेदो याहगेन्‍की याहल्‍गाया़लाती जेन माहङबु याहज्‍यु म़ेदी मिहरोगी सील नाङगे।

२ यूहन्‍ना 1:7

“येशू मास्‍यीका मिहगी कुसो नोम्‍दे फेप माहनाङ” म़ेदी गो़ कोर्के मिहया़ माहङबुराङ जाम्‍बुलीङला ओहङ सिहन्‍दी येह। दि ल़ेहमु मिहया़राङ चिहन क्‍याहप्‍के दाङ मास्‍यीकाला टाह पेहकेनया़ यिहम्‍बा।