१ यूहन्‍ना 2:17 - ह्योल्‍मो

¹⁷ जाम्‍बुलीङ दाङ जाम्‍बुलीङगी चोक्‍पा सेम्‍बाया़ थाम्‍ज्‍यीराङ तोङदी डोज्‍ये येह, यिहॱनाङ किन्‍ज्‍योगी थु ङ्ये़बाकी ल़ेह पेहकें मिहया़ नाहम्‍स्‍यी किन्‍दुॱराङ लिहच्‍ये येह।

१ यूहन्‍ना 2:17 Referans Kwoze

मत्ती 24:35

नाम दाङ जाम्‍बुलीङ तोङदी डोज्‍ये येह, यिहॱनाङ ङाहगी माक्‍योगी केच्‍याया़ नाहमॱआङ तोङदी डोज्‍ये म़ेह।”

रोमी 12:2

ख्‍या जाम्‍बुलीङकी मिहया़ला पे त़ेदी खुङ ल़ेहमुराङ पेहच्‍ये माहछोल, यिहॱनाङ ख्‍या राहङ सेमला साम्‍बा काहल्‍दी सेम तिहङ यिहन्‍ज्‍युराङ किन्‍ज्‍यो ङो़ले ग्‍युर्तोङ। ओहले किन्‍ज्‍योकी ज़ी़लुला च्‍यि या़हबु यिहम्‍बा, च्‍यि से़हगी किन्‍ज्‍योकी थु काहसो ज़ोएँ ओहले किन्‍ज्‍योकी याहङ-ताहक्‍पा थु-सेम च्‍यि यिहम्‍बा, ओ़ह ख्‍याया़गी ङ्याहम च्‍ये ख़ूज्‍यु।

१ कोरिन्‍थी 7:31

ओहले दि जाम्‍बुलीङकी क्‍युह-नोहर थो़ला खाम्‍साङ-ङ्याहम्‍साङ पेहकेनया़ला त़ेदी राहङॱआङ ओ़ह ल़ेहमुराङ पेहच्‍ये माहछोल्‍ज्‍यु ओ़हला राहङदी च्‍यिॱआङ च्‍योल्‍दो म़ेहबा रोहवा पेहती तेहच्‍यु, च्‍यिबेमाना जाम्‍बुलीङगी ताहन्‍दागी ती़हजी ता़ह माहङबु थु लिहच्‍ये म़ेह।

१ पत्रुस 4:2

दि ल़ेहमु पेहती खोगी राहङगी मिहलीकी ओहङगेन ती़हजीया़ला येहपाराङ मिहगी सेमला ने़जेबाकी चोक्‍पा लाहमया़ला खो स्‍य़ूहदी डोज्‍ये म़ेह, यिहॱनाङ खोगी किन्‍ज्‍योगी थु ङ्ये़बाकी मिहजी ताङज्‍ये येह।

हिब्रू 10:36

किन्‍ज्‍योकी थु-सेम छाङबु पेहच्‍येला ओहले मिहरोगी ताहम्‍ज्‍या ज़्‍या़ नाङग्‍योकी केच्‍याया़ ज्‍योर्च्‍येला ख्‍या थिक-चि पेहती कू़हदी तेहतोङ।

मर्कूस 3:35

च्‍यिबेमाना किन्‍ज्‍योगी थु ङ्ये़बागी ल़ेह पेहकेनया़ॱराङ ङाहगी नो़ह, नुहमु दाङ आमा यिहन” म़ेदी सुङ नाङसीन।

१ पत्रुस 1:5

तिङमा ती़हजीला ओहङज्‍ये पेहक्‍योगी थार्पागी तेहन्‍दाला ख्‍या तेहपा लाहमले किन्‍ज्‍योगी ओङ लाहमले जेम्‍बु जेती ज़्‍या़ नाङदी येह।

१ थेसलोनिकी 4:3

ख्‍या फ़ेबे-म़ेहमेॱया नाम्‍पार-ताहक्‍पा ओहङ कोहकें म़ेदी किन्‍ज्‍योगी थुसेम जे नाङगे, ओ़ह सोङबे ख्‍या फ़ेबे-म़ेहमेॱया छ्येउ-छ्येंमु ङो़ले था़-रिहङबुराङ ज़्‍य़ू नाङदोङ।

यूहन्‍ना 4:14

यिहॱनाङ का़हन्‍दीगी ङाहगी तेर्केन्‍गी छ्यु थुङगे खो नाहमॱआङ कोम्‍ज्‍ये म़ेह च्‍यिबेमाना ङाहगी तेर्केन्‍गी छ्यु खो नाहङला नाहम्‍माॱनाङ क्‍ये़दी तेहकेन्‍गी छ्यु क्‍येज्‍यु ओहङज्‍ये येह ओहले दिगी खोला था़ म़ेहबा मिहली ज़ाङबु तेर्च्‍ये येह।”

मत्ती 7:21

“ओहले ङाहला, ‘ओ़ चो़वो, ओ़ चो़वो’ माएँगी मिहया़ थाम्‍ज्‍यीराङ किन्‍ज्‍योगी क्‍याहल्‍सीला स्‍य़ूह ङ्युहङज्‍ये म़ेह, स्‍यिहङगामला ज़्‍य़ू नाङगेन्‍गी याहपकी थु ङ्ये़हएँगी ल़ेह पेहकेनया़ च्‍यी़राङ स्‍य़ूह ङ्युहङज्‍ये येह।

याकूब 4:14

नाहङबारनी च्‍यि ओहङगे म़ेदी ख्‍यागी ङोह स्‍य़े मी़हखुएँ। ख्‍यागी मिहजीनी याहम्‍बीज्‍यी थोङगेन दाङ तोर्ती डोएँगी हु-रुङमा ल़ेहमु यिहम्‍बा

यूहन्‍ना 6:58

स्‍यिहङगामले ओहङग्‍योगी खुरानी ख्‍यागी आख्‍ये मे़हमेया़गी साहक्‍योगी खुरा ल़ेहमु मिहम्‍बा। ओ़ह खुरा ख्‍यागी आख्‍ये मे़हमेया़गी साहसीन ओहले स्‍यिसीन। यिहॱनाङ दि खुरा साहएँया़दी नाहमॱआङ स्‍यिज्‍ये म़ेह।”

मत्ती 21:31

ता़ह ओ़ह पुह पिन ङ्यी़ नाहङला का़हन्‍दीगी आबागी ताङग्‍योगी केपाला ङ्यिहम्‍बा?” म़ेदी येशूगी टी़ह नाङसीन। “आदादीगी!” म़ेदी खुङया़गी ल़ेहन क्‍याहप्‍सीन। ओहले येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, ठाल तुहएँया़ दाङ बान्‍डन पेहकेया़ ख्‍याया़ म़ेदी तोहङले किन्‍ज्‍योगी क्‍याहल्‍सीला स्‍य़ूहज्‍ये येह।

१ थेसलोनिकी 5:18

काह-ठि क्‍यिदु-तुहक्‍पु ओहङॱनाङ नाहम-माना थुज्‍यी-छ्ये़ फुल्‍दोङ, च्‍यिबेमाना मास्‍यीका येशूला ख्‍या फे़बेया़गी तेहन्‍दाला किन्‍ज्‍योगी थु-सेम जे नाङगेन्‍दीॱआङ दिराङ यिहम्‍बा।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

कलस्‍सी 1:9

दि केच्‍या थ़े यिहन्‍ज्‍यु ङ्यिह ख्‍यागी तेहन्‍दाला किन्‍ज्‍यो ङ्याम्‍बु नाहम-माना सोल्‍वाङ ताप्‍ती ओहर-छ्य़े स्‍युहएँराङ येहबा। नाम्‍पार-ताहक्‍पा थुगी नाङगे थाम्‍ज्‍यीराङ येहन्‍देन दाङ ह्‍अ कोह ख़ूएँगी ओङ लाहमले ख्‍यागी किन्‍ज्‍योकी थु-सेम ङोह स्‍य़े ख़ूज्‍यु म़ेदी ङ्यिहगी सोल्‍वाङ ताप्‍को येहबा।

यूहन्‍ना 7:17

किन्‍ज्‍योकी थु ङ्य़ेबु ल़ेह पेहच्‍ये छोल्‍गेया़गी दि सुङदेन किन्‍ज्‍यो लाहमले ओहङग्‍यो यिहम्‍बानी ङाह राहङ लाहमलेॱराङ ओहङग्‍यो यिहम्‍बा माएँ ताम ङोह स्‍ये़ज्‍ये येह।