१ यूहन्‍ना 2:12 - ह्योल्‍मो

¹² ए ङाहगी च्‍याहम्‍बु पेहजाया़, येशूगी छेनला ख्‍या थाम्‍ज्‍यीगी तिहक्‍पा ता़हक्‍यो सोङबे ङाह ख्‍याया़ला दि ताम प्रुहएँ राङ येहबा।

१ यूहन्‍ना 2:12 Referans Kwoze

ल़ेह-पेन 10:43

येशूला यिह-छ्य़े पेहकें मिहया़गी येशूगी छेनला तिहक्‍पा ता़हज्‍ये येह म़ेदी थाम्‍ज्‍यी लुहङतेम्‍बाया़गी येशूगी तेहन्‍दाला स्‍येती येह।”

ल़ेह-पेन 13:38

ओ़ह सोङबे आदा-नो़हया़ सेन नाङदोङ, ओ़ह येशू लाहमलेॱराङ तिहक्‍पा ता़हगे माएँ ताम राहङ फे़बेया़ला मोशागी छ्य़े-ठिमगी म़ेदी येहबा।

एफिसी 1:7

किन्‍ज्‍योगी काटीन था़ म़ेहबा येहकें सोङबे मास्‍यीकाकी ठा़ लाहमले ओहराङगी येशूला थार्पा ज्‍योर सिहन्‍दी येहबा ओहले ओहराङगी पेहक्‍यो तिहक्‍पाया़ थाम्‍ज्‍यीराङ ता़ह सिहन्‍दी येह।

ल़ेह-पेन 4:12

चो़वो येशू च्‍यी़गी मिहम्‍बा लेहमेन सुगीॱआङ थार्पा थोप च्‍य़ू मी़हखुएँ। किन्‍ज्‍योगी येशूगी छेन मिहम्‍बानी जाम्‍बुलीङला लेहमेन च्‍यिॱआङ मिहन नाङदी म़ेह।”

कलस्‍सी 1:14

किन्‍ज्‍योगी राहङगी स़ेबु लाहमले ओहराङला थार्पा नाङसीन ओहले ओहराङगी तिहक्‍पाया़ कोहङदा नाङसीन।

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

१ यूहन्‍ना 1:4

ओहले ङ्यिहगी सेम लो तेहमु तेहन्‍दा डुप ख़ूज्‍यु म़ेदीराङ दि ताम प्रुहएँॱराङ येहबा।

लूका 24:47

ओहले यरूशलेम यिहन्‍ज्‍यु छ़ूदी थाम्‍ज्‍यीराङ क्‍यिहपाया़ला येशूगी छेनला राहङगी सेमगी स्‍या़बा पेहती तिहक्‍पा पाङसीन माना तिहक्‍पागी स्‍या़बा ज्‍योर्च्‍ये येह माएँ तामगी तेहन्‍दाला स्‍येॱराङ कोहच्‍ये येह।

लूका 5:20

ओहले येशूगी खुङगी दि रोहवा यिह-छ्य़े पेहक्‍यो ज़ी़दी, “ख्‍येगी तिहक्‍पा ता़हसीन” म़ेदी नेहपाला सुङ नाङसीन।

१ यूहन्‍ना 2:21

ख्‍यागी तेहन्‍दामगी स्‍याहलला ङोह मा़हस्‍येबा सोङबे ङाहगी दि ताम प्रुहक्‍यो मिहम्‍बा, यिहॱनाङ ख्‍यागी तेहन्‍दामकी स्‍याहलला ङोह स्‍ये़उ दु म़ेदीराङ प्रुहक्‍यो यिहम्‍बा। तेहन्‍दामकी स्‍याहललेगी चिहन क्‍याहप्‍केन्‍गी तामया़ च्‍यिॱआङ मेहथेन्‍गे माएँ ताम ख्‍याया़ला क्‍यी़हराङ येह।

१ यूहन्‍ना 2:7

ए ङाहगी च्‍याहम्‍बु आदा-नो़ह दाङ आज्‍यी-नुहमुया़, ख्‍याया़ला प्रुहक्‍योकी दि काया़ साम्‍बा मिहन। यिहॱनाङ दि छ़ूगे यिहन्‍ज्‍युराङ ची़दे ओहङग्‍योगी निङबा काया़ यिहम्‍बा। दि निङबा काया़ ख्‍याया़गी थ़े सिहन्‍ग्‍योगी लोप्‍च्‍युया़ॱराङ यिहन।

१ यूहन्‍ना 2:1

ए ङाहगी च्‍याहम्‍बु पेहजाया़, ख्‍यागी तिहक्‍पा माहबे म़ेदी ङाह ख्‍याया़ला दि यिहगी प्रुहएँॱराङ येहबा। यिहॱनाङ सुज्‍यीगी तिहक्‍पा पेहसीमाना याहप ङ्याम्‍बु ओहराङ छ्यो़ले स्‍याहल सुङ तेर्के मेहन्‍दा च्‍यी़ येहबा, ओ़ह टाहङबु येशू मास्‍यीका यिहम्‍बा।

१ यूहन्‍ना 1:9

का़हलेॱआङ ओहराङगी “ङाहगी तिहक्‍पा पेहक्‍यो येह” म़ेदी किन्‍ज्‍योगी दिनला मासीमाना किन्‍ज्‍योगी ओहराङगी तिहक्‍पा कोहङदा नाङज्‍ये येह, ओहले ओहराङगी पेहक्‍यो ना थाम्‍ज्‍यीराङ टाहङबु म़ेहबाकी ल़ेहया़ लाहमले ओहराङला चाङमा ज़ो नाङज्‍ये येह, च्‍यिबेमाना किन्‍ज्‍योनी यिह-छ्य़े सी़हएँदी यिहन ओहले टाहङबु यिहन।

एफिसी 4:32

सेम ङ्येम्‍बु पेहती च्‍यी़गी च्‍यी़ला निङज्‍यी पेहतोङ। काह-ठि पेहती किन्‍ज्‍योगी मास्‍यीका लाहमले ख्‍याया़ला कोहङदा नाङबा, ओ़हठीॱराङ पेहती ख्‍याया़गीॱआङ च्‍यी़गी च्‍यी़ला कोहङदा तेर।

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।