१ यूहन्‍ना 2:11 - ह्योल्‍मो

¹¹ ओहले का़हन्‍दीगी राहङगी आदा-नो़ह आज्‍यी-नुहमुया़ला ङेन्‍ज्‍येन पेहकें, खो ना़-जुबेला ओहङगे, ओहले खो ना़-जुबेलाराङ डोएँ। खो काहल डोॱराङ येहबा माएँ ताम खो राहङलाराङ क्‍यी़ह मेहयोहङगे, च्‍यिबेमाना ना़-जुबेगी खोला मी़ काना ज़ोक्‍यो ओहङगे।

१ यूहन्‍ना 2:11 Referans Kwoze

यूहन्‍ना 12:35

येशूगी खुङया़ला सुङ नाङसीन, “क्‍या-साङे तोहरोङॱआङ तोबा थु ख्‍याया़गी पाहरक्‍यीलाराङ तेहच्‍ये येह। क्‍या-साङे ख्‍या ङ्याम्‍बु लिहकें थु राहङगी लाहमला स्‍य़ूहदोङ मिहन्‍सीमाना ना़-जुबेगी ख्‍याया़ला उप्‍च्‍ये येह। ना़-जुबेला डोएँया़गी राहङ का़हला डोॱराङ येहबा म़ेदी क्‍यी़ह मेहन्‍ज्‍योर्कें।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

ज्‍याल्‍गा 3:17

ङाह छ्युक्‍पु येह, ओहले ङाह ङ्याम्‍बु क्‍युह-नोहर येह, ओहले ङाहला च्‍यि से़हदीॱआङ कोम्‍बु म़ेह म़ेदी ख्‍येगी माएँ, यिहॱनाङ ख्‍ये काहजे थाप-तुहक्‍पा, निङ-च्‍योहवा, प्राङबु, स्‍याहर्ना दाङ च्‍येहन्‍डामु दु। यिहॱनाङ ख्‍येगी छोरॱटाङ मेहछोर दु।

१ यूहन्‍ना 1:6

का़हलेॱआङ ओहराङगी छोक्‍पा किन्‍ज्‍यो ङ्याम्‍बु येह म़ेदी माएँ, यिहॱनाङ ओहराङदी ना़-जुबेलाराङ डे़दी तेहसीमानानी ओहराङगी स्‍योप क्‍याहप्‍क्‍यो ओहङगे ओहले ओहराङगी तेहन्‍दामगी मिहजी ताङग्‍यो मेहयोहङगे।

१ यूहन्‍ना 2:9

सुज्‍यीगी ङाह क्‍या-साङेला येह म़ेदी माज्‍येनी माएँ यिहॱनाङ खोगी राहङगी आदा-नो़ह दाङ आज्‍यी-नुहमुया़ला ङेन्‍ज्‍येन पेहसीनमाना खो तोहरोङॱआङ ना़-जुबेलाराङ येहबा।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

यूहन्‍ना 12:40

“किन्‍ज्‍योगी खुङया़गी मी़ मेहथोङगेन ज़ो नाङदी येह, ओहले खुङया़गी सेम सान्‍दी ज़ो नाङदी येह। दि ल़ेहमु पेहती खुङया़गी मी़ माहथोङज्‍यु, ओहले सेमगी ह्‍अ माहकोहज्‍यु, मिहन्‍सीमाना खुङया़ लो़हज्‍ये येहकें ओहले ङाहगी खुङला टा़ह च्‍य़ूज्‍ये येहकें।”

२ कोरिन्‍थी 3:14

यिहॱनाङ खुङगी सेम ज्‍यिबुराङ सान्‍दी काहल्‍दी येहकें, च्‍यिबेमाना ताहन्‍दा ङ्यिहमा थु निङबा छ्य़े टा़हगेमु ओ़ह योल्‍सेनगी खुङया़गी नावा का ज़्‍या़दी येहबा, ओहले मास्‍यीकाला यिह-छ्य़े पेहती च्‍यी़राङ ओ़ह योल्‍सेन खा फे़ ख़ूएँ।

२ पत्रुस 1:9

ओहले का़हन्‍दी मिहया़ ङ्याम्‍बु दि गीनया़ म़ेहबा खुङगी था़-रिहङबुगी से़हया़ थोङज्‍ये म़ेह ओ़ह सोङबे खुङ मी़ मेहथोङगेन्‍गी मिहया़ ल़ेहमुराङ यिहम्‍बा। खुङगी राहङगी तिहक्‍पा ता़हक्‍योगी तामया़ॱआङ टेहम्‍बा च्‍येह सिहन्‍ग्‍यो ओहङगे।

१ यूहन्‍ना 2:10

का़हन्‍दीगी राहङगी आदा-नो़ह दाङ आज्‍यी-नुहमुया़ला चेवा पेहकें, खो क्‍या-साङेला ओहङगे, ओहले लेहमेन मिहया़गी ल़ेहया़ला का़गेन्‍गी तामया़ खो ङ्याम्‍बु च्‍यिॱआङ मेहयोहङगे।

१ यूहन्‍ना 3:15

का़हन्‍दी मिहगी राहङगी आदा-नो़ह दाङ आज्‍यी-नुहमुया़ला ङेन्‍ज्‍येन पेहकें खो, मिह सेकें मिह यिहम्‍बा। ओ़ह सोङबे ओ़ह ल़ेहमु मिह ङ्याम्‍बु था़ म़ेहबा मिहली मेहयोहङगे माएँ ताम ख्‍याया़ला क्‍यी़हराङ येह।

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?