१ यूहन्‍ना 1:9 - ह्योल्‍मो

⁹ का़हलेॱआङ ओहराङगी “ङाहगी तिहक्‍पा पेहक्‍यो येह” म़ेदी किन्‍ज्‍योगी दिनला मासीमाना किन्‍ज्‍योगी ओहराङगी तिहक्‍पा कोहङदा नाङज्‍ये येह, ओहले ओहराङगी पेहक्‍यो ना थाम्‍ज्‍यीराङ टाहङबु म़ेहबाकी ल़ेहया़ लाहमले ओहराङला चाङमा ज़ो नाङज्‍ये येह, च्‍यिबेमाना किन्‍ज्‍योनी यिह-छ्य़े सी़हएँदी यिहन ओहले टाहङबु यिहन।

१ यूहन्‍ना 1:9 Referans Kwoze

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

हिब्रू 10:23

ओहराङगी सेम तिहङ यिहन्‍ज्‍युराङ यिह छ्य़ेक्‍यो रेहवाला ओहराङ सेम माहयाहङबा पेहती सान्‍दी पेहती ज़ुङदी ज़्‍या़ कोहएँ, च्‍यिबेमाना ताहम्‍ज्‍या ज़्‍या़ नाङगेन्‍गी किन्‍ज्‍यो यिह-छ्य़ेबु ज़्‍य़ू नाङदी येह।

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।

१ कोरिन्‍थी 1:9

किन्‍ज्‍यो यिह-छ्य़ेबु यिहम्‍बा। मिहरोगीॱराङ राहङगी स़ेबु ओहराङगी चो़वो येशू मास्‍यीकाकी छोक्‍पाला ख्‍याया़ला क़े क्‍याहप नाङसीन।

ल़ेह-पेन 19:18

यिह-छ्य़े पेहक्‍योगी मिह माहङबुराङ ओहङदी खुङया़ राहङ-राहङगी पेहक्‍योगी ल़ेह ङ्येहम्‍बाया़ थाम्‍ज्‍यीराङ मिहया़गी दिनला स्‍या़बा डुप्‍सीन।

मर्कूस 1:5

ओहले यहूदीया लुहङबा दाङ यरूशलेम क्‍याहसागी मिह थाम्‍ज्‍यीराङ यूहन्‍नासाला काहल्‍सीन। ओहले खुङया़ राहङ-राहङगी पेहक्‍योगी तिहक्‍पाया़ पाङदी यूहन्‍ना लाहमले यर्दन चाङबुला बप्‍तिस्‍मा लेहन्‍सीन।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।

ज्‍याल्‍गा 15:3

खुङया़गी दि ल़ेहमु म़ेदी किन्‍ज्‍योला स्‍याहप्‍तो स्‍युहएँ मोशा दाङ ल़ूह स्‍ये़बुकी लु लेहन्‍गेनॱराङ येहकें, “ए वाङज्‍या छ्यिम्‍बु नोम नाङगेन्‍गी चो़वो छ्येवा किन्‍ज्‍यो, राहङगी जे नाङगेन्‍गी छ्या़लेया़ काहजे छ्यिम्‍बु दाङ याहम्‍जेन छ्येवाच्‍यी दु! काल्‍बा-काल्‍बा थुराङ ज़्‍य़ू नाङगेन्‍गी थाम्‍ज्‍यी म़ेदी चा छ्यिम्‍बुगी क्‍याहल्‍बु, राहङगी फेप-लाहमया़ टाहङदेन दाङ तेहन्‍दाम येह।

हिब्रू 11:11

अब्राहाम केहपु काहल सिहन्‍दी येहकें ओहले साराॱआङ छार्क्‍यीन म़ेहबा पेहतीराङ क़ेहमु काहल सिहन्‍दी येहकें यिहॱनाङ किन्‍ज्‍योगी राहङगी ज़्‍या़ नाङग्‍योगी तोहदाम तेहन्‍दा डुप्‍च्‍यु नाङगे म़ेदी अब्राहामगी तेहपा पेहसीन।

मत्ती 3:6

ओहले राहङ-राहङगी तिहक्‍पा स्‍या़बा डुप्‍केनया़ला यूहन्‍नागी यर्दन चाङबुला बप्‍तिस्‍मा तेर्सीन।

एफिसी 5:26

च्‍यिबेमाना मास्‍यीकागी छेन्‍छोकला नाम्‍पार-ताहक्‍पा ज़ो नाङज्‍येला राहङगी सुङ लाहमले ओहले छ्युगी ठु नाङदी चाङमा ज़ो नाङसीन।

रोमी 3:26

किन्‍ज्‍यो राहङ टाहङबु ज़्‍य़ू नाङदी येह ओहले येशू थो़ला तेहपा पेहकेया़ला मिहरोगी टाहङबु सी़ह च्‍य़ू नाङज्‍ये येह माएँ तामकी दास्‍यी तेर्च्‍येला मिहरोगी ताहन्‍दागी ती़हजीला दि छ्या़ले जे नाङसीन।

यूहन्‍ना 17:25

ए ठिम टाहङबु ताङ नाङगेन्‍गी याहप, जाम्‍बुलीङगी राहङला ङोह मे़हस्‍येएँ, यिहॱनाङ ङ्यिहगी राहङला ङोह स्‍य़ेएँ, ओहले राहङगी ङाहला ताङ नाङग्‍यो यिहन म़ेदी खुङया़गी ङोह स्‍ये़ज्‍ये येह।

लूका 22:57

ओहले पत्रुसगी, “मिहम्‍बा नुहमु, ङाहगीनी खोला ङोह मे़हस्‍येएँ!” म़ेदी मासीन।