१ यूहन्‍ना 1:8 - ह्योल्‍मो

⁸ का़हलेॱआङ ओहराङगी राहङला तिहक्‍पा च्‍यिॱआङ म़ेह म़ेदी मासीमाना राहङगी राहङला गो़ कोर च्‍य़ूगे, ओहले ओहराङ ङ्याम्‍बु तेहन्‍दाम मेहयोहङगे।

१ यूहन्‍ना 1:8 Referans Kwoze

रोमी 3:23

च्‍यिबेमाना मिह थाम्‍ज्‍यीगी तिहक्‍पा पेहती येह, ओहले किन्‍ज्‍योकी ज़िज्‍यिद यिहन्‍ज्‍यु था़-रिहङबु काहल्‍दी येह।

याकूब 3:2

च्‍यिबेमाना ओहराङ थाम्‍ज्‍यीगी जोल्‍गे। का़हन्‍दी मिहगी ताम माएँमु मेहजोल्‍गे खो तेहम्‍बाराङ याहङ-ताहक्‍पा मिह यिहम्‍बा। ओ़ह ल़ेहमु मिहगीराङ राहङ ज़ुबुला टिहला ज़्‍या़ ख़ूएँ।

१ यूहन्‍ना 2:4

सुज्‍यीगी ङाह चो़वोला ङोह स्‍य़ेएँ म़ेदी माएँ यिहॱनाङ चो़वोगी नाङग्‍यो काया़ मी़हचीसी माना खोगी स्‍योप क्‍याहप्‍क्‍यो ओहङगे ओहले खो ङ्याम्‍बु तेहन्‍दाम मेहयोहङगे।

१ यूहन्‍ना 1:10

का़हलेॱआङ ओहराङगी ङाहगी तिहक्‍पा पेहती म़ेह म़ेदी मासीमाना ओहराङगी किन्‍ज्‍योला स्‍योप क्‍याहप्‍क्‍यो ओहङगे ओहले ओहराङ ङ्याम्‍बु किन्‍ज्‍योगी सुङ मेहयोहङगे।

गलाती 6:3

का़हलेॱआङ सुज्‍यीगी राहङगी राहङला ङाहराङ यिहन म़ेदी ठासक तेन्‍गे यिहॱनाङ यिहन्‍ज्‍येदी खो च्‍यिॱआङ मिहम्‍बा यिहन्‍सीमानानी खो राहङगी राहङलाराङ गो़ कोर च्‍य़ूगे।

याकूब 1:26

का़हलेॱआङ सुज्‍यीगी राहङगी राहङला ङाह मिह टाहङबु यिहन म़ेदी ने़गे यिहॱनाङ खोगी राहङ च्‍येलेला टिहला मे़हज़्‍यासी माना खोगी राहङला गो़ कोर च्‍य़ूगे ओहले खोगी छ्य़े पेहक्‍योदी थोरो फुङे डोएँ।

१ तिमोथी 6:5

ओ़ह ल़ेहमु मिहया़गी नावा नोहङग्‍योया़ दाङ तेहन्‍दामकी लाहमलेगी लो़हक्‍यो मिहया़की पाहरक्‍यीला ठ़ूस्‍यी सिहङदा च्‍यी़राङ ख्‍योङगे, ओहले किन्‍ज्‍योला म़ेहबा पेहक्‍योदी छ्युक्‍पु डोज्‍येगी तेहन्‍दाला यिहम्‍बा म़ेदी नोम्‍साङ ताङगे।

१ कोरिन्‍थी 3:18

सुज्‍यीगीॱआङ राहङगी राहङला चिहन माह-क्‍याहप्‍च्‍यु! ख्‍या पाहरक्‍यीला सुज्‍यीगी दि काल्‍बाला ङाहराङ ख्‍येम्‍बा-ताहक्‍पु यिहन म़ेदी नेसीनमाना खो उल्‍दुम्‍बा डोज्‍यु। ओहले च्‍यी़राङ खो ख्‍येम्‍बा-ताहक्‍पु डो ख़ूज्‍ये येह।

२ यूहन्‍ना 1:2

च्‍यिबेमाना तेहन्‍दाम ङ्यिह ङ्याम्‍बुराङ ज़्‍य़ू नाङदी येह ओहले मिहरो नाहम्‍स्‍यी किन्‍दुॱराङ ओहराङ ङ्याम्‍बु ज़्‍य़ू नाङज्‍ये येह।

१ यूहन्‍ना 1:6

का़हलेॱआङ ओहराङगी छोक्‍पा किन्‍ज्‍यो ङ्याम्‍बु येह म़ेदी माएँ, यिहॱनाङ ओहराङदी ना़-जुबेलाराङ डे़दी तेहसीमानानी ओहराङगी स्‍योप क्‍याहप्‍क्‍यो ओहङगे ओहले ओहराङगी तेहन्‍दामगी मिहजी ताङग्‍यो मेहयोहङगे।

याकूब 1:22

किन्‍ज्‍योगी सुङला ख्‍यागी ची़दोङ, ङ्यिहन्‍दी च्‍यी़राङ पेहसीनमाना ख्‍यागी राहङगी राहङला गो़ कोर च्‍य़ूगे।

२ तिमोथी 3:13

यिहॱनाङ मिह ङ्येहम्‍बाया़ दाङ ठाग तिएँया़गी लेहमेन मिहया़ला गो़ कोर च्‍य़ूज्‍ये येह ओहले खुङ राहङॱआङ गो़ ली़ज्‍ये येह ओहले खुङ जेन-जेन नोहङदी डोज्‍ये येह।

३ यूहन्‍ना 1:3

ख्‍ये तेहन्‍दामगी लाहमला स्‍य़ूहदी नाहम-माना राहङगी डोलु-तेहलुया़ या़हबु पेहकु दु माएँ ताम किन्‍ज्‍योला यिह-छ्य़े पेहक्‍यो काहजे मिहया़ ङाहसाला ओहङदी स्‍य़ेसीन। दि केच्‍या थ़े ङ्युहङगेमु ङाह ज्‍यिबुराङ क़ेहनाङ लाहङसीन।

२ पत्रुस 2:13

खुङया़गी लेहमेन मिहया़ला तुहक्‍पु तेरक्‍यो सोङबे खुङ राहङगीॱआङ तुहक्‍पु खुर कोहच्‍ये येह। ओहले ङ्यिहमालाराङ राहङ सेमला ने़जेबा खाम्‍साङ-ङ्याहम्‍साङ पेहती डोएँदीॱराङ क़ेहनाङगी स़ेह यिहम्‍बा म़ेदी खुङगी नोम्‍साङ ताङगे। खुङ ङ्याम्‍बु छो़दी साहएँ थुङगेन्‍दीॱराङ ख्‍याया़गी तेहन्‍दाला ङोह छाएँ दाङ स्‍याहम्‍डेन तेन्‍गेन्‍गी ताम यिहम्‍बा। खुङ नाहम्‍माॱनाङ मिहया़ला चिहन क्‍याहप्‍ती से़हदी, थुङदी, खाम्‍साङ-ङ्याहम्‍साङ च्‍यी़राङ पेहच्‍ये सेम्‍बा पेहकें।

यूहन्‍ना 8:44

ख्‍या राहङगी आबा दियाबलस यिहम्‍बा, ओहले ख्‍या आबागी सेम्‍बा छाङबु पेहच्‍येला ख्‍यागी सेमला ऩे सिहन्‍दी येह। खोगीनी तोहङ यिहन्‍ज्‍युराङ मिहया़ सेको येहकें, ओहले तेहन्‍दाम ङ्याम्‍बु खोला च्‍यिॱआङ नाङदा म़ेह। च्‍यिबेमाना खोला तेहन्‍दाम च्‍यिॱआङ म़ेह। खोगी राहङगी पेहताङला ते़बे नाहम-माना स्‍योप क्‍याहप्‍के च्‍यिबेमाना खो स्‍योप्‍केर यिहम्‍बा ओहले खो स्‍योप क्‍याहप्‍केनया़गी आबा यिहम्‍बा।

रोमी 3:10

छ्य़ेला दि ल़ेहमु प्री़हदी येहबा, “मिह टाहङबु सुॱआङ म़ेह, मेहन्‍दा च्‍यी़ॱआङ म़ेह,

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?