१ यूहन्‍ना 1:7 - ह्योल्‍मो

⁷ यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

१ यूहन्‍ना 1:7 Referans Kwoze

एफिसी 5:8

च्‍यिबेमाना लेहमा च्‍यी़ ख्‍याया़ ना़-जुबेला येहकें, यिहॱनाङ ता़ह ख्‍याया़ चो़वोकी पुह-पोहमो काहल्‍ग्‍यो सोङबे क्‍या-साङेला येहबा। ओ़ह सोङबे ख्‍याया़ क्‍या-साङेकी पुह पोहमोया़ ल़ेहमुराङ पेहती राहङगी डोलु-तेहलुया़ या़हबु पेहतोङ।

ज्‍याल्‍गा 1:5

ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।

रोमी 13:12

नुहप टाहल सिहन्‍सीन, ओहले ङ्यिहमा पोहलाराङ लेप सिहन्‍दी येह। ओ़ह सोङबे ना़-जुबेकी ल़ेहया़ क्‍युर्ती ता़ह ओहराङ येहसेरकी छेन्‍ज्‍याया़ थो़ कोहएँ।

एफिसी 1:7

किन्‍ज्‍योगी काटीन था़ म़ेहबा येहकें सोङबे मास्‍यीकाकी ठा़ लाहमले ओहराङगी येशूला थार्पा ज्‍योर सिहन्‍दी येहबा ओहले ओहराङगी पेहक्‍यो तिहक्‍पाया़ थाम्‍ज्‍यीराङ ता़ह सिहन्‍दी येह।

हिब्रू 9:14

मास्‍यीकाकी ठा़गीनी जेन माहङबु ख्‍यागी नोम्‍साङला तिहक्‍पाकी ल़ेहया़लेगी चाङमा ज़ोज्‍ये येह, ओहले ख्‍यागी सोम्‍बो ज़्‍य़ू नाङगेन किन्‍ज्‍योला स्‍याहप्‍तो स्‍युह ख़ूज्‍ये येह। च्‍यिबेमाना मिहरोगी नाहम्‍स्‍यी किन्‍दु ज़्‍य़ू नाङगे किन्‍ज्‍योगी थु लाहमले च्‍यिॱआङ क्‍येन म़ेहबा पेहती राहङगी राहङला किन्‍ज्‍योला मार्च्‍ये फुल नाङसीन।

ज्‍याल्‍गा 7:14

ओहले ङाहगी खोला मासीन, “लाहसो, ङाहला क्‍यी़ह म़ेह लाह। ओ़हनी राहङगीराङ ङोह ख्‍येन नाङगे।” ओहले खोगी ङाहला मासीन, “खुङ तुहक्‍पु छ्यिम्‍बु ना़दे ओहङग्‍योगी मिहया़ यिहम्‍बा ओहले खुङगी राहङ-राहङगी काप्‍च्‍याया़ ल़ूह स्‍ये़बुकी ठा़गी ठी़दी कार्पु जे़दी येह।”

१ यूहन्‍ना 1:5

ता़ह ङ्यिहगी किन्‍ज्‍योकी स़ेबु येशू लाहमले थे़क्‍योकी लेहङगु ख्‍याया़ला प्रा साल्‍गो येह, ओ़ह दिराङ यिहम्‍बा– किन्‍ज्‍योॱराङ येहसेर यिहम्‍बा, किन्‍ज्‍यो ङ्याम्‍बु ना़-जुबे माएँदी सिपाज्‍यीॱआङ म़ेह।

१ कोरिन्‍थी 6:11

ख्‍या नाहङला लाहला ओ़ह ल़ेहमुराङ येहकें, यिहॱनाङ ताहन्‍दा चो़वो येशू मास्‍यीका लाहमले ख्‍याया़ चाङमा दाङ नाम्‍पार-ताहक्‍पा काहल्‍सीन ओहले किन्‍ज्‍योकी थु लाहमले ख्‍याला च्‍यिॱआङ क्‍येन म़ेहबा सी़ह ख़ूसीन।

१ पत्रुस 1:19

यिहॱनाङ च्‍यिॱआङ क्‍येन म़ेहबा दाङ ओङबु छाङबु येहकेन्‍की ल़ूह स्‍ये़बुदी ल़ेहमुराङ मास्‍यीकाकी नाङ छ्यिम्‍बु ठा़ लाहमले रिहन च्‍याल्‍दी खा फे़ नाङदी येह।

यूहन्‍ना 12:35

येशूगी खुङया़ला सुङ नाङसीन, “क्‍या-साङे तोहरोङॱआङ तोबा थु ख्‍याया़गी पाहरक्‍यीलाराङ तेहच्‍ये येह। क्‍या-साङे ख्‍या ङ्याम्‍बु लिहकें थु राहङगी लाहमला स्‍य़ूहदोङ मिहन्‍सीमाना ना़-जुबेगी ख्‍याया़ला उप्‍च्‍ये येह। ना़-जुबेला डोएँया़गी राहङ का़हला डोॱराङ येहबा म़ेदी क्‍यी़ह मेहन्‍ज्‍योर्कें।

१ यूहन्‍ना 5:6

येशू मास्‍यीका छ्यु दाङ ठा़ लाहमले फेप नाङसीन, मिहरो छ्यु लाहमले च्‍यी़राङ मिहम्‍बा, ठा़ लाहमलेॱआङ फेप नाङसीन। दि तेहन्‍दाम यिहन सुङदी नाम्‍पार-ताहक्‍पा थुगी पाङबु नाङगे, च्‍यिबेमाना नाम्‍पार-ताहक्‍पा थु तेहम्‍बा-तेहन्‍सुम यिहन।

१ यूहन्‍ना 1:3

ओहले ख्‍यागीॱआङ ङ्यिह ङ्याम्‍बुराङ छोक्‍पा पेहच्‍यु म़ेदी ङ्यिहगी च्‍यि थोङबा ओहले च्‍यि थे़बा, ओ़ह ख्‍याला स्‍येको येहबा। ङ्यिहगी छोक्‍पाती किन्‍ज्‍यो याहप दाङ मिह-रो़हगी स़ेबु येशू मास्‍यीका ङ्याम्‍बु येहबा।

ज्‍याल्‍गा 12:11

ल़ूह स्‍ये़बुकी ठा़गी, खुङया़गी प्रा साल्‍ग्‍यो तेहन्‍दामकी सुङगी ओहले खुङया़ स्‍यिज्‍येलाॱआङ ठाबे काहल्‍ग्‍यो सोङबे खुङया़गी खोला क्‍याहल सिहन्‍दी येह।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

१ यूहन्‍ना 5:8

ओ़हदी नाम्‍पार-ताहक्‍पा थु, छ्यु, दाङ ठा़ यिहम्‍बा। दि सुमगी येशू मास्‍यीकागी तेहन्‍दाला ना च्‍यी़राङ पाङबु तेर्के।

याकूब 1:17

ना थाम्‍ज्‍यी या़हबु दाङ याहङ-ताहक्‍पा काबाप स्‍यिहङगामलेगी ओहङगे। नामला येहकेन्‍गी रेबेॱराङ येहसेरया़ छ्या़ च्‍य़ू नाङगे किन्‍ज्‍यो याहप लाहमलेॱराङ दि काबापया़ ओहङगे यिहम्‍बा। मिहरो नाहमॱआङ ग्‍युर मेहनाङगे ओहले मिहरोगी लो़हदे येहपाराङ ना़-जुबे ज़ो मेहनाङगे।

यूहन्‍ना 1:29

नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!

३ यूहन्‍ना 1:4

राहङदी पुह पोहमोया़ तेहन्‍दामकी लाहमला स्‍य़ूहदीॱराङ दु माएँ ताम थ़े ङ्युहङगे ल़ेहमु काहसो लेहमेन ताम च्‍यि ओहङ ख़ूएँ ले?

२ यूहन्‍ना 1:4

ख्‍येगी पुह पोहमोया़ नाहङला लाहलाला किन्‍ज्‍योगी ङ्यिहला नाङग्‍यो काया़ ल़ेहमुराङ तेहन्‍दामगी लाहमला डोलु-तेहलु पेहक्‍यो थोङगेमु ङाहगी सेम ज्‍यिबुराङ काहसो काहल्‍दी येह।

मत्ती 6:12

ङ्यिहगी पेहक्‍यो तिहक्‍पाया़ स्‍या़बा नाङदोङ, ओ़हठी पेहतीराङ ङ्यिहगीॱआङ ङ्यिहला टाह पेहकेनया़ला स्‍या़बा तेर्ती येह।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

यूहन्‍ना 5:4

च्‍यिबे मासीमाना, नाहम-नाहम चो़वोगी स्‍याहप्‍च्‍यी च्‍यी़ माहर फेप्‍ती कोल्‍मुगी छ्यु युङ नाङगो येहकें। ओहले छ्यु युहङ फान्‍ज्‍यो तोहङस्‍यो छ्यु नाहङला स्‍य़ूहगेन नेहपादी काहन्‍डुमु नाहजा क्‍याहप्‍क्‍यो येहॱनाङ टा़हउ येहकें।]