१ यूहन्‍ना 1:5 - ह्योल्‍मो

⁵ ता़ह ङ्यिहगी किन्‍ज्‍योकी स़ेबु येशू लाहमले थे़क्‍योकी लेहङगु ख्‍याया़ला प्रा साल्‍गो येह, ओ़ह दिराङ यिहम्‍बा– किन्‍ज्‍योॱराङ येहसेर यिहम्‍बा, किन्‍ज्‍यो ङ्याम्‍बु ना़-जुबे माएँदी सिपाज्‍यीॱआङ म़ेह।

१ यूहन्‍ना 1:5 Referans Kwoze

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

याकूब 1:17

ना थाम्‍ज्‍यी या़हबु दाङ याहङ-ताहक्‍पा काबाप स्‍यिहङगामलेगी ओहङगे। नामला येहकेन्‍गी रेबेॱराङ येहसेरया़ छ्या़ च्‍य़ू नाङगे किन्‍ज्‍यो याहप लाहमलेॱराङ दि काबापया़ ओहङगे यिहम्‍बा। मिहरो नाहमॱआङ ग्‍युर मेहनाङगे ओहले मिहरोगी लो़हदे येहपाराङ ना़-जुबे ज़ो मेहनाङगे।

यूहन्‍ना 1:9

मिह थाम्‍ज्‍यीला क्‍या-साङे नाङगेन्‍गी तेहन्‍दामकी येहसेर जाम्‍बुलीङला फेप नाङगेराङ येहकें।

यूहन्‍ना 1:4

मिहरो ङ्याम्‍बु मिहली येहकें, ओहले ओ़ह मिहली मिहया़गी येहसेर येहकें।

यूहन्‍ना 9:5

ङाह जाम्‍बुलीङला तेहकें थु ङाहराङ जाम्‍बुलीङगी क्‍या-साङे यिहन।”

ज्‍याल्‍गा 22:5

ओ़हला येहपाराङ नाहम से़ज्‍ये म़ेह, ओ़हला लो दाङ ङ्यिहमाकी क्‍या-साङे कोहच्‍ये म़ेह, च्‍यिबेमाना चो़वो छ्येवा किन्‍ज्‍योॱराङ खुङया़गी क्‍या-साङे ओहङज्‍ये येह ओहले खुङया़गी नाहम्‍स्‍यी किन्‍दुॱराङ ओङ छ्य़ेज्‍ये येह।

ज्‍याल्‍गा 21:23

ओ़ह क्‍याहसाला क्‍या-साङे ज़ोज्‍येला ङ्यिहमा दाङ दायुम मेहकोहएँ च्‍यिबेमाना किन्‍ज्‍योकी ज़िज्‍यिदॱराङ ओ़ह क्‍याहसाती क्‍या-साङे यिहम्‍बा। ओहले ओ़ह क्‍याहसाती लो़दी ल़ूह स्‍ये़बु राहङराङ यिहम्‍बा।

१ तिमोथी 6:16

नाहमॱआङ टोहङ मेहनाङगेन्‍दीनी किन्‍ज्‍यो च्‍यी़राङ यिहम्‍बा ओहले मिहरो सुॱआङ लेप मी़हखुएँगी क्‍या-साङेला ज़्‍य़ू नाङगे। मिहरोला सुज्‍यीगीॱआङ नाहरे थु थोङदी म़ेह ओहले थोङॱआङ मी़हखुएँ। नाहम माॱनाङ ज़्‍य़ू नाङगेन्‍गी ओङ दाङ चा़ मिहरो ङ्याम्‍बुराङ ज़्‍य़ू नाङज्‍यु। आमेन।

१ यूहन्‍ना 3:11

ख्‍याया़गी छ़ूगे यिहन्‍ज्‍युराङ थे़क्‍योकी लेहङगु दिराङ यिहम्‍बा, “ओहराङगी च्‍यी़गी च्‍यी़ला चेवा पेह कोहएँ।”

१ कोरिन्‍थी 11:23

च्‍यिबेमाना ङाहगी ख्‍याला तेरक्‍योगी लोप्‍च्‍युङ चो़वो लाहमलेॱराङ ङाहगी ज़्‍योरक्‍यो यिहम्‍बा। चो़वो येशूला मिहया़गी ज़ुङगे कुहङमु चो़वो येशूगी खुरा नोम नाङसीन।

यूहन्‍ना 1:19

यरूशलेमकी यहूदी गोबाया़गी पूजाहारीया़ दाङ लेवीया़ला “यूहन्‍ना सु यिहम्‍बा नि?” म़ेदी टी़हज्‍येला खोसाला ताङसीन।