१ कोरिन्‍थी 9:5 - ह्योल्‍मो

⁵ च्‍यि लेहमेन ल़ेह-पेनया़ ल़ेहमुराङ, चो़वोगी नो़ह दाङ केफासला ल़ेहमुराङ ङ्यिहलाॱआङ किन्‍ज्‍योला यिह छ्य़ेक्‍योगी पी़हमी थो़दी डोएँ ओङ म़ेहबा ले?

१ कोरिन्‍थी 9:5 Referans Kwoze

यूहन्‍ना 1:42

अन्‍द्रियासगी सिमोनला येशूसाला ख्‍येर्सीन। ओहले येशूगी सिमोनला ज़ी़दी सुङ नाङसीन, “ख्‍ये योआनेसकी पुह सिमोन यिहन, ख्‍येला केफास म़ेदी माज्‍ये येह।” (दिला ग्रीक तामला पत्रुस म़ेदी माएँ।)

मत्ती 8:14

ओहले येशू पत्रुसकी खाङबाला फेप नाङसीन। ओ़हला येशूगी पत्रुसकी क्‍यू़हमु छावा क्‍ये़दी ङ्याहल्‍साला छ्यिक्‍यो ज़ी़ नाङसीन।

हिब्रू 13:4

पा़हमा, मिह थाम्‍ज्‍यीगी ची़नाङ पेहच्‍ये सी़हगेन्‍दी ओहङ कोहएँ, ख्‍योवागी राहङगी पी़हमी क्‍याहपला लेहमेन पी़हमी छोल्‍ज्‍ये मेहयोहङगे, पी़हमीगीॱआङ राहङगी ख्‍योवा क्‍याहपला लेहमेन ख्‍योवा छोल्‍ज्‍ये मेहयोहङगे। च्‍यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्‍ज्‍योगी ङ्य़ेहबा काल नाङज्‍ये येह।

गलाती 1:19

यिहॱनाङ ओ़हला ङाहगी चो़वो छ्येवागी नो़ह याकूबला मिहम्‍बा लेहमेन ल़ेह-पेन सुॱलाङ माह-थु।

१ कोरिन्‍थी 7:39

ख्‍योवा येहकें थु पी़हमी राहङवाङ मेहयोहङगे। का़हलेॱआङ ख्‍योवा स्‍यिसीमाना मोह येहपाराङ राहङगी सेम थेप्‍क्‍यो मिह ङ्याम्‍बु पा़हमा पेह ख़ूएँ, यिहॱनाङ खोदी चो़वोला यिह-छ्य़े पेहकेन्‍गी मिहराङ ओहङ कोहएँ।

१ कोरिन्‍थी 7:7

यिहन्‍ज्‍येनी मिह थाम्‍ज्‍यीराङ ङाह ल़ेहमु पा़हमा माहबेबा पेहती तेहच्‍यु माएँ ङाहती सेम्‍बा येह। यिहॱनाङ मिह थाम्‍ज्‍यीगी किन्‍ज्‍यो लाहमले नामे नाजो काबापया़ ज्‍योर्ती येहबा। च्‍यी़ ङ्याम्‍बु ना च्‍यी़गी काबाप येहबा मासीमाना लेहमेन ङ्याम्‍बु लेहमेनॱराङ काबाप येहबा।

ल़ेह-पेन 1:14

ओहले खुङ फ़ेबेॱया लेहमेन आज्‍यी-नुहमुया़ ओहले येशूगी आमा मरियम दाङ, येशूगी नो़हया़ ङ्याम्‍बु जोम्‍दी सेम च्‍यी़ डी़दी नाहम्‍माॱनाङ किन्‍ज्‍योला सोल्‍वाङ ताप्‍ती तेहको येहकें।

तीतस 1:6

छेन्‍छोककी एल्‍डरया़ला सुज्‍यीगीॱआङ क्‍येन ता-माहखू़ज्‍यू, ओहले खोगी पी़हमी च्‍यी़ ङ्याम्‍बु च्‍यी़राङ पा़हमा पेहक्‍यो ओहङ कोहकें, ओहले खोती पुह पोहमोया़गी चो़वोला यिह छ्य़ेक्‍यो ओहङ कोहकें, डोलु-तेहलुया़ या़हबु ओहङ कोहकें, ओहले माक्‍योकी तामया़ ङ्यिहन्‍गेन्‍दी ओहङ कोहकें।

१ तिमोथी 5:2

ओहले ओ़ह ल़ेहमुराङ पेहती क़ेहमु मिहया़ला राहङगी आमाला ल़ेहमुराङ ओहले राहङ म़ेदी फेमा पी़हमी पेहजाया़लाती राहङगी नुहमुला ल़ेहमु पेहती च्‍याहङज्‍यु सेम्‍बा थो़दी लोप्‍ताम क्‍याहप्‍तोङ।

१ तिमोथी 3:2

ओ़ह सोङबे छेन्‍छोककी लोबेनला च्‍यिॱआङ ङ्य़ेहबा फो़क्‍यो ओहङज्‍ये मेहयोहङगे। ओहले खोदी पी़हमी च्‍यी़मे च्‍यी़राङ ओहङ कोहएँ। खो राहङगी राहङला थिला ज़्‍या़ ख़ूएँदी ओहङ कोहएँ, ना़स्‍यीङ छ्यिम्‍बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्‍बोया़ला ता़हनाङ-ताहम्‍जी पेह स्‍य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ

१ कोरिन्‍थी 7:15

यिहॱनाङ किन्‍ज्‍योला यिह-छ्य़े मेहबेकें ख्‍योवागी यिहॱनाङ पी़हमीगी यिहॱनाङ खा फ़ेगे सेम पेहसीनमाॱनाङ खा फ़ेज्‍यु। ओ़ह ती़हजी यिहन्‍ज्‍यु किन्‍ज्‍योला यिह-छ्य़े पेहकें ख्‍योवा यिहॱनाङ पी़हमी यिहॱनाङ राहङवाङ ओहङज्‍ये येह। च्‍यिबेमाना किन्‍ज्‍योगी ओहराङला सेम लो तेहमु पेहती तेहच्‍येला क़े क्‍याहप नाङग्‍यो यिहम्‍बा।

१ कोरिन्‍थी 1:12

ङाहगी माज्‍ये छोल्‍ग्‍योकी ताम दिराङ यिहम्‍बा ख्‍या नाहङले लाहलागी “ङाह पावलती यिहम्‍बा” लाहलागी “ङाह अपोल्‍लोसती यिहम्‍बा” लाहलागी “ङाह केफासती यिहम्‍बा” ओहले लाहलागीती “ङाह मास्‍यीकाती यिहम्‍बा” म़ेदी माउ दु लो।

रोमी 16:1

ता़ह ङाह ख्‍याया़ला ओहराङगी आज्‍यी फिबी ज्‍यिबुराङ या़हबु येह म़ेदी माउ येहबा। ओ़ह आज्‍यीदी किंक्रिया क्‍याहसाकी छेन्‍छोकला स्‍याहप्‍तो स्‍युहउ येहबा।

यूहन्‍ना 2:12

ओ़ह तिङले येशू राहङगी आमा, नो़हया़ दाङ स्‍याहप्‍च्‍यीया़ ङ्याम्‍बु कफर्नहुमला फेप नाङसीन, ओहले स्‍याहक्‍पु तोबाज्‍यी ओ़हलाराङ ज़्‍य़ू नाङसीन।

लूका 6:15

मत्ती, थोमा, अल्‍फयसकी पुह याकूब, देशभक्त माएँगी सिमोन,

मर्कूस 6:3

दि खो ओ़ह मरियमगी पुह स्‍यिङसो ख़ेबा मिहम्‍बा ले? च्‍यि दि याकूब, योसेफ, यहूदा दाङ सिमोनगी आदा मिहन ले? खोगी नोहमोॱया़ङ ओहराङ ङ्याम्‍बु देलाराङ येहबा!” दि ल़ेहमु म़ेदी खुङया़गी येशूला यिह मा़हछ्ये।

मर्कूस 1:30

सिमोनगी क्‍यू़हमु छावा क्‍ये़दी ङ्याहल्‍सालाराङ छ्यिती येहकें। येशू लेप-लुहङ मे़हबाराङ खुङया़गी दि केच्‍या येशूला स्‍य़ेसीन।

मत्ती 13:55

दि खोराङ ओ़ह स्‍यिङसो खे़बागी स़ेबु मिहन ले? च्‍यि खोगी आमागी छेन मरियम, ओहले खोगी नो़हया़ याकूब, योसेफ, सिमोन दाङ यहूदा मिहन ले?

१ तिमोथी 4:3

ओहले खुङया़गी पा़हमा पेहच्‍ये मेहयोहङगे ओहले काहजे से़हया़ साहज्‍येॱआङ मेहयोहङगे म़ेदी लोप्‍कें। यिहॱनाङ यिह-छ्य़े दाङ तेहन्‍दामकी स्‍याहलला ङोह स्‍य़ेगेया़गी थुज्‍यी-छ्ये़ फुल्‍दी दि साहज्‍ये से़हया़ साहज्‍ये ओहङगे च्‍यिबेमाना किन्‍ज्‍योगीॱराङ दि थाम्‍ज्‍यी ज़ो नाङग्‍यो यिहम्‍बा।

१ कोरिन्‍थी 7:8

यिहॱनाङ ताहन्‍दा पा़हमा माहबेबा दाङ ह्‍युग्‍मोया़ला ङाह माएँ, ख्‍याया़ ङाह ल़ेहमुराङ पा़हमा माहबेबा पेहती तेह ख़ूसीमाना ख्‍याया़गी तेहन्‍दाला ओ़ह ज्‍यिबुराङ या़हबु यिहम्‍बा।

लूका 8:20

ओहले मिह च्‍यी़गी येशूला स्‍युहसीन, “राहङगी आमा दाङ नो़हया़ राहङला थू़ज्‍ये म़ेदी फिला क़ूह तेहती येह!”