१ कोरिन्‍थी 9:16 - ह्योल्‍मो

¹⁶ ङाहगी या़हबु लेहङगु स्‍येकेमु छ्य़ेन्‍दो तेन्‍ज्‍येला ङाहला च्‍यिॱआङ ओङ म़ेह च्‍यिबेमाना दि ङाहगी मिहया़ला स्‍येॱराङ कोहएँ। का़हलेॱआङ ङाहगी या़हबु लेहङगु मे़हस्‍येसीमाना ङाह काहजे थाप-तुहक्‍पा!

१ कोरिन्‍थी 9:16 Referans Kwoze

रोमी 1:14

च्‍यिबेमाना ग्रीक क्‍यिहपा यिहॱना़ यिहन, ग्रीक म़ेदी लेहमेन क्‍यिहपा यिहॱना़ यिहन, ख्‍येम्‍बा-ताहक्‍पु यिहॱना़ यिहन, उल्‍दुम्‍बा यिहॱना़ यिहन खुङ थाम्‍ज्‍यीला या़हबु लेहङगु स्‍येच्‍येला ङाहला ठाल फो़दी येह।

कलस्‍सी 4:17

“ख्‍येगी चो़वो लाहमले ज़्‍योरक्‍योगी स्‍याहप्‍तो स्‍युहएँगी ल़ेह ता़ह छाङबु पेह” म़ेदी अर्खिप्‍पसला म़े तेर।

लूका 9:62

ओहले येशूगी सुङ नाङसीन, “लाङगो मोएँ मिह क्‍याहप्‍लो लो़हदी त़ेदी तेहसीमाना लाङगो मो मी़हखुएँ। ओ़ह ल़ेहमुराङ, ङाहगी तिङदा तिङ ओहङगेन मिह क्‍याहप्‍लो लो़हदी त़ेदी तेहसीमाना किन्‍ज्‍योगी क्‍याहल्‍सीकी तेहन्‍दाला खो फेन मे़हथोएँ!” म़ेदी येशूगी सुङ नाङसीन।

ल़ेह-पेन 4:20

च्‍यिबेमाना ङ्यिहगी थोङग्‍यो दाङ थे़क्‍योगी तामया़ मा़हमेबा पेहतीनी तेहॱराङ मी़हखुएँ।”

रोमी 15:17

ङाह मास्‍यीका येशू ङ्याम्‍बु च्‍यी़राङ काहल्‍ग्‍यो सोङबे ङाह ङाहती किन्‍ज्‍योकी स्‍याहप्‍तो स्‍युहएँगी ल़ेहला छ्य़ेन्‍दो तेन्‍गे।

ल़ेह-पेन 9:15

यिहॱनाङ चो़वो छ्येवागी हननिया़ला सुङ नाङसीन, “ख्‍ये सोङ, च्‍यिबेमाना लेहमेन क्‍यिहपाया़ला, क्‍याहल्‍बुया़ला ओहले इस्राएली छार्क्‍यीनया़गी दिनला ङाहगी मिहन ङोह स्‍य़े च्‍य़ूज्‍येला ङाहगी खोला दाम्‍दी येह।

ल़ेह-पेन 9:6

यिहॱनाङ लाहङदी क्‍याहसाला सोङ, ख्‍येगी पेह कोहकेन्‍गी ल़ेह ओ़हला ख्‍येला स्‍येच्‍ये येह।”

रोमी 4:2

का़हलेॱआङ अब्राहाम ल़ेह लाहमले टाहङबु सी़हक्‍यो यिहनानी खोला छ्य़ेन्‍दो तेन्‍गेन्‍की ग्‍या़ ओहङज्‍ये येहकें, यिहॱनाङ किन्‍ज्‍योकी दिनलानी मिहम्‍बा।

१ कोरिन्‍थी 4:15

च्‍यिबेमाना मास्‍यीकाला ख्‍याला चारा पेहकेन्‍की लोबेनया़ तोङरा तोङराॱराङ येहनाॱआङ ख्‍याती आबानी च्‍यी़राङ येहबा। च्‍यिबेमाना ङाहगी ख्‍याला या़हबु लेहङगु लाहमले मास्‍यीका येशूला ङोह स्‍य़े च्‍य़ूदी ङाह ख्‍याया़गी आबा काहल्‍सीन।

१ कोरिन्‍थी 9:12

ख्‍याया़गी लेहमेनया़लानी रो़हराम पेहसीनमाना च्‍यि ओ़ह म़ेदीॱआङ माहङबु ङ्यिहला रो़हराम पेह मेहकोहएँ ले? ङ्यिह ङ्याम्‍बु ओङ येहकें यिहॱनाङ ङ्यिहगी च्‍यिॱआङ मा़हमे। मास्‍यीकाकी या़हबु लेहङगु स्‍येकेमु च्‍यि से़हज्‍यीगीॱआङ मा़हकाज्‍यु म़ेदीराङ ङ्यिहगी थाम्‍ज्‍यी ना़दे तेहसीन।

१ कोरिन्‍थी 9:14

ओ़ह ल़ेहमुराङ पेहती या़हबु लेहङगु स्‍य़ेकेया़गीॱआङ या़हबु लेहङगु लाहमलेॱराङ साहज्‍ये थुङज्‍ये दाङ केहन ङ्युहङ कोहएँ सुङदी चो़वोगी का नाङसीन।

२ कोरिन्‍थी 2:12

मास्‍यीकाकी लेहङगु या़हबु स्‍येच्‍येला त्रोआस क्‍याहसाला ओहङगेमु चो़वोगीॱराङ ङाहला मिहरोगी छ्या़ले पेहकेन्‍गी लोहङ नाङसीन।

मत्ती 25:16

सेर-टाङ कोहर्मु ङा ज्‍योर्केन्‍दीगी लाहम्‍साङराङ काहल्‍दी छोङ क्‍याहप्‍ती लेहमेन सेर-टाङ कोहर्मु ङा ख्‍येप्‍साङ तेन्‍सीन।