१ कोरिन्‍थी 7:8 - ह्योल्‍मो

⁸ यिहॱनाङ ताहन्‍दा पा़हमा माहबेबा दाङ ह्‍युग्‍मोया़ला ङाह माएँ, ख्‍याया़ ङाह ल़ेहमुराङ पा़हमा माहबेबा पेहती तेह ख़ूसीमाना ख्‍याया़गी तेहन्‍दाला ओ़ह ज्‍यिबुराङ या़हबु यिहम्‍बा।

१ कोरिन्‍थी 7:8 Referans Kwoze

१ कोरिन्‍थी 7:32

ख्‍या सुज्‍यीॱआङ तुहङाल माहबेबा पेहती तेहच्‍यु माएँ ङाहगी सेम येहबा। पा़हमा माहबेबा मिहगी चो़वोला काह-ठि पेहती चो़वोकी थु काहसो ज़ोज्‍ये म़ेदी चो़वोगी तेहन्‍दालाराङ तुहङाल पेहकें।

१ कोरिन्‍थी 7:7

यिहन्‍ज्‍येनी मिह थाम्‍ज्‍यीराङ ङाह ल़ेहमु पा़हमा माहबेबा पेहती तेहच्‍यु माएँ ङाहती सेम्‍बा येह। यिहॱनाङ मिह थाम्‍ज्‍यीगी किन्‍ज्‍यो लाहमले नामे नाजो काबापया़ ज्‍योर्ती येहबा। च्‍यी़ ङ्याम्‍बु ना च्‍यी़गी काबाप येहबा मासीमाना लेहमेन ङ्याम्‍बु लेहमेनॱराङ काबाप येहबा।

१ कोरिन्‍थी 7:1

ता़हनी ङाह ख्‍याया़गी प्रुहक्‍योकी तामकी तेहन्‍दाला माउ येह। पा़हमा माहबेबा पेहती तेहक्‍योॱराङ या़हबु यिहम्‍बा।

१ कोरिन्‍थी 9:5

च्‍यि लेहमेन ल़ेह-पेनया़ ल़ेहमुराङ, चो़वोगी नो़ह दाङ केफासला ल़ेहमुराङ ङ्यिहलाॱआङ किन्‍ज्‍योला यिह छ्य़ेक्‍योगी पी़हमी थो़दी डोएँ ओङ म़ेहबा ले?