१ कोरिन्‍थी 7:16 - ह्योल्‍मो

¹⁶ ए पी़हमी, ख्‍येला च्‍यि क्‍यी़ह! का़हलेॱआङ ख्‍येगी राहङगी ख्‍योवाला थार च्‍य़ू ख़ूएँ गा यिहम्‍बानी? ए ख्‍योवा, ख्‍येला च्‍यि क्‍यी़ह! का़हलेॱआङ ख्‍येगी राहङगी पी़हमीला थार च्‍य़ू ख़ूएँ गा यिहम्‍बानी?

१ कोरिन्‍थी 7:16 Referans Kwoze

१ कोरिन्‍थी 9:22

मा-फाम्‍बु मिहया़ला मास्‍यीकाला ख्‍योङ ख़ूज्‍यु म़ेदी ङाह राहङॱआङ मा-फाम्‍बु पेहती तेहसीन। काह-ठि पेहती यिहॱनाङ मिहया़ला मास्‍यीकाला थार च्‍य़ू ख़ूज्‍यु म़ेदी नामे नाजो छ्याप्‍स्‍यीया़ पेहती ङाहॱआङ खुङ ल़ेहमुराङ काहल्‍सीन।

रोमी 11:14

दि ल़ेहगी पेहती ङाहती राहङदीराङ क्‍यिहपाकी मिहया़गीॱआङ ख्‍या ङ्याम्‍बु ठादो पेहती लाहला किन्‍ज्‍यो ङो़ले ग्‍युर्के गा यिहम्‍बानी माएँ ङाहला रेहवा येहबा।

१ तिमोथी 4:16

राहङगी तेहन्‍दाला ओहले राहङगी लुहङगी तेहन्‍दाला जेम्‍बु पेहती तेह। दि तामया़ला तिङ ङ्या़दीॱराङ तेह। दि ल़ेहमु पेहसीमाना ख्‍ये दाङ ख्‍येगी ताम ङ्यिहन्‍गे ख्‍या ङ्यिकागीराङ थार्पा ज्‍योर्च्‍ये येह।

लूका 15:10

ङाहगी ख्‍याला माएँ, ओ़ह ल़ेहमुराङ पेहती राहङगी सेमगी स्‍या़बा डुप्‍के तिहक्‍च्‍येम्‍बा मेहन्‍दा च्‍यी़गी तेहन्‍दाला किन्‍ज्‍योकी स्‍यिहङगामकी स्‍याहप्‍च्‍यीया़गी दिनला काहसो पेहकें।”