१ कोरिन्‍थी 6:4 - ह्योल्‍मो

⁴ ओ़ह ल़ेहमु ठुक्‍पाया़ ख्‍याया़गी पाहरक्‍यीला येहसीमानानी च्‍यिबे ख्‍याया़ छेन्‍छोकगी लोला मेहन्‍डोएँ मिहया़साला काहल्‍दी “ङाहगी ठुक्‍पा डी़ च्‍यु नाङदोङ लाह” म़ेदी ओहर-छ्य़े स्‍युह डोएँ?

१ कोरिन्‍थी 6:4 Referans Kwoze

१ कोरिन्‍थी 5:12

किन्‍ज्‍योला ङोह मा़हस्‍येबाकी मिहया़ला ठिम ताङगेन ल़ेह ङाहती मिहन। यिहॱनाङ ख्‍याया़गी छेन्‍छोक नाहङगी मिहया़ला ठिम ताङॱराङ कोहएँ, मिहम्‍बा ले?

१ कोरिन्‍थी 6:3

ङ्यिहगी स्‍यिहङगामकी स्‍याहप्‍च्‍यीॱलाङ ठिम ताङगे माएँ ताम च्‍यि ख्‍याला क्‍यी़ह म़ेहबा? ओ़हठी यिहन्‍सीमानानी च्‍यि दि मिहलीला ओहङगेन्‍की तामया़ छ्यिम्‍बु यिहम्‍बा ले?

१ कोरिन्‍थी 6:5

दिनी ख्‍याया़ला ङोह छा कोहएँकी ताम यिहम्‍बा। ख्‍या नाहङदुङ ठुक्‍पा स्‍योर्केमु ठुक्‍पा डी़ च्‍य़ूगे ख्‍याया़गी पाहरक्‍यीला मास्‍यीकापा आदा-नो़ह च्‍यी़ॱआङ म़ेहबा ले?