१ कोरिन्‍थी 6:12 - ह्योल्‍मो

¹² सुज्‍यीगी मारो, “ङाहगी च्‍यि पेहॱनाङ ओहङगे।” यिहॱनाङ थाम्‍ज्‍यी से़हगी ख्‍याया़ला या़हबु मेहबेएँ। ङाहगीॱआङ मा ख़ूज्‍ये येहकें, “ङाहगीॱआङ च्‍यि पेहॱनाङ ओहङगे।” यिहॱनाङ ङाह च्‍यि से़हगीॱआङ लाबु डोज्‍ये सेम म़ेह।

१ कोरिन्‍थी 6:12 Referans Kwoze

१ कोरिन्‍थी 9:27

यिहॱनाङ ङाह राहङगी ज़ुबुला ज्‍यिबुराङ तुहक्‍पु तेर्ती च्‍याहङदार पेहकें ओहले ङाह राहङगी ज़ुबु दाङ सेमला थिला ज़्‍या़गे, मिहन्‍सीमानानी लेहमेनया़ला या़हबु लेहङगु स्‍येती ङाह राहङती च्‍याहगा ज्‍योर्च्‍येगी तेहन्‍दाला सी़हज्‍ये म़ेह।

२ थेसलोनिकी 3:9

रो़हराम ज्‍योर्च्‍येला ङ्यिहती ओङ म़ेहबा सोङबे मिहम्‍बा, यिहॱनाङ ङ्यिहगी डोलु-तेहलु ख्‍याया़गी तेहन्‍दाला पे च्‍यी़ ओहङ ख़ूज्‍यु म़ेदी ङ्यिहगी ओ़ह ल़ेहमु पेहसीन।

यहूदा 1:12

ख्‍या फे़बे मे़हमेया़की चेवाकी डेनला दि मिहया़ ङ्योहक्‍तोङया़ यिहम्‍बा। खुङ लेहमेन मिहया़ला ताॱराङ मा़हतेबा पेहती राहङगी फोवा च्‍यी़राङ क्‍योङज्‍ये छोल्‍गे। खुङनी ल्‍हा़बागी क्‍या़दी ख्‍येर्केन नाम मेहक्‍याहप्‍केन्‍गी मुक्‍पा ल़ेहमु यिहम्‍बा। खुङ सेर्का दावाकी सेदो मे़हयाहगेन्‍गी तोहङबो ल़ेहमु यिहम्‍बा, ओ़ह चार्ङ्यी यिहन्‍ज्‍युराङ पो़ सिहन्‍ग्‍यो ओहङगे ओहले लेहमा ङ्यी़ स्‍यि सिहन्‍ग्‍यो ओहङगे।

१ कोरिन्‍थी 8:4

कुला छ्येपा फुल्‍ग्‍योगी साहएँ से़हया़ साहज्‍ये ओहङगेनी मेहयोहङगे माएँ ताम ओहराङला क्‍यी़ह येहबा, जाम्‍बुलीङला कु च्‍यिॱआङ मिहम्‍बा, किन्‍ज्‍यो च्‍यी़ मिहम्‍बा लेहमेन सुॱआङ म़ेह।

रोमी 7:14

छ्य़े-ठिम यिहक्‍तेन यिहम्‍बा म़ेदीनी ओहराङला क्‍यी़हराङ येह, यिहॱनाङ ङाहती यिहक्‍तेन मिहम्‍बा ओहले ङाह तिहक्‍पाकी योक्‍पु काहल्‍दी चोङ सिहन्‍दी येह।

१ कोरिन्‍थी 9:12

ख्‍याया़गी लेहमेनया़लानी रो़हराम पेहसीनमाना च्‍यि ओ़ह म़ेदीॱआङ माहङबु ङ्यिहला रो़हराम पेह मेहकोहएँ ले? ङ्यिह ङ्याम्‍बु ओङ येहकें यिहॱनाङ ङ्यिहगी च्‍यिॱआङ मा़हमे। मास्‍यीकाकी या़हबु लेहङगु स्‍येकेमु च्‍यि से़हज्‍यीगीॱआङ मा़हकाज्‍यु म़ेदीराङ ङ्यिहगी थाम्‍ज्‍यी ना़दे तेहसीन।

यूहन्‍ना 5:10

ओ़ह सोङबे यहूदी गोबाया़गी ओ़ह टा़हक्‍यो मिहला मासीन, “तिहरीङनी थाङ सोएँगी ङ्यिहमा यिहम्‍बा, ख्‍येगी तेङगो खुर मिहङ्युहङगे।”