१ कोरिन्‍थी 4:4 - ह्योल्‍मो

⁴ ङाहला च्‍यिरा क्‍येन येहबा ल़ेहमुनी ङाहला म़ेह ऩे दु यिहॱनाङ ओ़हगी ङाह नाम्‍पार-ताहक्‍पा येह म़ेदीनी दास्‍यी तेर मी़हखुएँ। ङाहला ठिम ताङ नाङगेनी चो़वोॱराङ यिहम्‍बा।

१ कोरिन्‍थी 4:4 Referans Kwoze

२ कोरिन्‍थी 1:12

ङ्यिह दि जाम्‍बुलीङला च्‍यी़राङ मिहम्‍बा यिहॱनाङ ख्‍याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्‍ज्‍योगी थु-ङ्य़ेबुगी मिहजी ताङदी येहबा दि तामला ङ्यिह ख्‍याया़ला छ्य़ेन्‍दो तेन्‍दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्‍बुलीङगी रिहक्‍स्‍यी लाहमले मिहम्‍बा, यिहॱनाङ दि किन्‍ज्‍योगी काटीन लाहमले यिहम्‍बा।

२ कोरिन्‍थी 5:10

च्‍यिबेमाना ङ्यिहमा च्‍यी़ ओहराङ थाम्‍ज्‍यीला मास्‍यीकागी ठिम ताङ नाङज्‍ये येह ओ़ह ती़हजीला ओहराङ थाम्‍ज्‍यी मास्‍यीकागी दिनला लाहङ कोहच्‍ये येह। ओहराङगी दि मिहजीला ल़ेह या़हबु, चोक्‍पा च्‍यि च्‍यि पेहक्‍यो येहबा ओ़हला ते़बे सेदो ज्‍योर्च्‍ये येह।

१ कोरिन्‍थी 4:5

ओ़ह सोङबे किन्‍ज्‍योकी ठाबे जे नाङग्‍योकी ती़हजी म़ेदी तोहङले ठिम माहताङ, चो़वो फेप नाङगे ती़हजी थु कू़हदोङ। मिहरोगी ना़-जुबेला यिहप्‍ती तेहक्‍योकी से़हया़ क्‍या-साङेला नोम फेन नाङज्‍ये येह, ओहले मिहकी सेम नाहङकी तामया़ छ्यिसाल-नाहङसाल पेहती तेन नाङज्‍ये येह। ओ़ह ती़हजीला मिह थाम्‍ज्‍यीगी राहङगी ज्‍योर कोहएँकी स्‍याबास किन्‍ज्‍यो लाहमले ज्‍योर्च्‍ये येह।

रोमी 2:13

च्‍यिबेमाना छ्य़े-ठिम ङ्यिहन्‍गेया़ किन्‍ज्‍योकी दिनला टाहङबु मी़हसीहएँ, यिहॱनाङ छ्य़े-ठिम ची़गेया़ टाहङबु सी़हज्‍ये येह।

ल़ेह-पेन 23:1

पावलगी छो़बागी छ्यो़ ज़्‍यिलाराङ त़ेदी मासीन, “आदा-नो़हया़, तिहरीङगी ङ्यिहमा थु किन्‍ज्‍योगी ज़ी़लुला ङाहगी नावा चाङमा पेहती मिहजी ताङदे येह”

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

रोमी 4:2

का़हलेॱआङ अब्राहाम ल़ेह लाहमले टाहङबु सी़हक्‍यो यिहनानी खोला छ्य़ेन्‍दो तेन्‍गेन्‍की ग्‍या़ ओहङज्‍ये येहकें, यिहॱनाङ किन्‍ज्‍योकी दिनलानी मिहम्‍बा।

१ कोरिन्‍थी 4:3

यिहॱनाङ ख्‍याया़ दाङ ठिम-खाङगी ङाहला फातुर च़ूॱनाङ ओ़हगी तुहङाल ङाहला सिपाज्‍यीॱआङ म़ेह, ङाह राहङॱआङ राहङदी ठिम ताङ मी़हखुएँ।