१ कोरिन्‍थी 4:12 - ह्योल्‍मो

¹² ओहले साहज्‍ये थुङज्‍येगी तेहन्‍दाला ङ्यिह राहङदीराङ लाहक्‍पागी कादुप च्‍येती ल़ेह पेहको येह। लेहमेन मिहया़गी मे़मु क्‍याहप्‍केमु ङ्यिहगी खुङला मेलाम क्‍याहप्‍को येह। ओहले मिहया़गी तुहक्‍पु तेर्केमु ङ्यिह ना़दी तेहको येह।

१ कोरिन्‍थी 4:12 Referans Kwoze

१ पत्रुस 3:9

सुज्‍यीगी चोक्‍पा पेहसीन म़ेदी खोलाॱआङ चोक्‍पा माहबे, खोगी मे़मु क्‍याहप्‍सीन म़ेदी ख्‍यागीॱआङ खोला मे़मु माहक्‍याहप यिहॱनाङ ओ़हगी छापला खोला मेलाम क्‍याहप्‍तोङ च्‍यिबेमाना दिगी तेहन्‍दालाराङ ख्‍याया़गीॱआङ मेलाम ल़ेहन ख़ूज्‍यु म़ेदी किन्‍ज्‍योगी ख्‍याला क़े क्‍याहप नाङग्‍यो यिहम्‍बा।

मत्ती 5:11

“ङाहला यिह-छ्य़े पेहक्‍यो सोङबे मिहया़गी ख्‍याया़ला तुहक्‍पु तेर्च्‍ये येह, ख्‍याया़ला स्‍ये़हन्‍डील पेहच्‍ये येह ओहले स्‍योप क्‍याहप्‍ती ख्‍याया़ला टाह पेहती यिहन्‍जेराङ ताम चोक्‍पाया़ केन्‍ज्‍ये येह ख्‍याया़ काहजे सोनाम-साक्‍पु!

रोमी 12:14

ख्‍याला तुहक्‍पु तेर्केन मिहला मे़मु माहक्‍याहप, खुङला मेलाम क्‍याहप्‍तोङ।

रोमी 12:20

तोहरोङ, “ख्‍येती टाह तो़क्‍यो येहसीमाना खोला साहज्‍ये तेर, खो कोम्‍ग्‍यो येहसीमाना खोला छ्यु तेर। दि ल़ेहमु पेहसीमाना ख्‍येगी खोती गो़ला मेहबुङ सोज्‍ये येह।”

ल़ेह-पेन 18:3

खुङया़गी पा़ल ज़ोएँगी ल़ेह पेहती राहङगी टेहपा सोउ येहकें। पावलॱआङ खुङया़ ङ्याम्‍बुराङ तेहसीन च्‍यिबेमाना खोगीॱआङ खुङया़गी ल़ेहमुराङ पा़ल ज़ोएँगी ल़ेह पेहती टेहपा सोउ येहकें।

लूका 6:28

ख्‍याला मे़मु क्‍याहप्‍केनया़ला मेलाम क्‍याहप्‍तोङ ओहले ख्‍याला सुगीॱआङ चोक्‍पा पेहसीमाना खोला या़हबु ओहङज्‍यु म़ेदी किन्‍ज्‍योला सोल्‍वाङ ताप्‍तोङ।

१ पत्रुस 3:14

यिहॱनाङ ल़ेह या़हबु पेहके पेहकेंमुॱआङ तुहक्‍पु खुर कोहसीनमाना ख्‍याया़ काहजे सोनाम-साक्‍पु। खुङया़गी ज्‍यी़-ङोर तेन्‍सीन म़ेदी ख्‍या मा़हन्‍ज्‍यी, ओहले का माहक्‍याहल।

१ पत्रुस 2:23

खुङया़गी मास्‍यीकाला स्‍ये़हन्‍डील पेहकेमुॱआङ मिहरोगी खुङला च्‍यिॱआङ ल़ेहन क्‍याहप माहनाङ। तुहक्‍पु खुर नाङगेमु मास्‍यीकागी खुङला क्‍यिम्‍बा च्‍याल्‍गेन्‍की ज्‍यी़-ङोर तेन माहनाङ। यिहॱनाङ सुलाॱआङ ङ्येम्‍बा-ङ्य़ेहरी जे माहनाङबा जेती ठिम ताङ नाङगेन किन्‍ज्‍यो थो़लाराङ मास्‍यीकागी म़ेहबा जे नाङसीन।

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

मत्ती 5:44

यिहॱनाङ ङाह ख्‍याया़ला माएँ, टाहया़लाॱआङ चेवा पेहतोङ। राहङला तुहक्‍पु तेर्केनया़गी तेहन्‍दाला सोल्‍वाङ ताप्‍तोङ,

ल़ेह-पेन 7:60

ओ़ह तिङले खोगी पी़मु च़ूदी क़े छ्यिम्‍बु च्‍यी़ तेन्‍दी मासीन, “ओ़ह चो़वो छ्येवा, दि तिहक्‍पागी ङ्य़ेहबा खुङया़ला माह फो़ज्‍यु!” देजे म़ेदी खो स्‍यिसीन।

यूहन्‍ना 15:20

ङाहगी ख्‍याला माक्‍यो ताम टेहम्‍बा साल्‍दी ज़्‍यो़, ‘योक्‍पु खाङबा ताहक्‍पु म़ेदी छ्यिम्‍बु ओहङ मी़हखुएँ।’ खुङगी ङाहला तुहक्‍पु तेर्सीमाना ख्‍याॱलाङ तुहक्‍पु तेर्च्‍ये येह। खुङगी ङाहती ताम ङ्यिहन्‍सीन माना ख्‍याती तामॱआङ ङ्यिहन्‍ज्‍ये येह।

यहूदा 1:9

यिहॱनाङ स्‍यिहङगामकी ल़ेह-पेन मिखाएलगीॱआङ मोशागी कुबुरकी तेहन्‍दाला दियाबलस ङ्याम्‍बु स्‍येपा तुहर्केमु खोला स्‍याहम्‍डेन तेन्‍दी क्‍येन माहता। “ख्‍येला चो़वोगी कप्‍क्‍येन नाङज्‍ये येह” म़ेदी मिखाएलगी मासीन।

१ तिमोथी 4:10

ओ़ह सोङबे ङ्यिह ला़ खाॱनाङ मे़हखाॱनाङ कादुप च्‍येती ल़ेह पेहकें च्‍यिबेमाना ङ्यिहगी रेहवा सोम्‍बो ज़्‍य़ू नाङगेन किन्‍ज्‍यो थो़ला ज़्‍या़दी येह। ओहले मिह-रो़हराङ मिह थाम्‍ज्‍यीला थार्पा नाङगेन्‍गी किन्‍ज्‍यो यिहम्‍बा खास पेहतीती मिहरो थो़ला म़ेहबा पेहकेनया़ला थार्पा नाङगेन्‍गी किन्‍ज्‍यो यिहम्‍बा।

२ थेसलोनिकी 3:8

ङ्यिहगी सुज्‍यीदीॱआङ आहन्‍डाराङ खुरा मा़हसेह। यिहॱनाङ ख्‍या फ़ेबे-म़ेहमेया़ला तुहक्‍पु माहयोङज्‍यु म़ेदी ङ्यिहगी ङ्यिहन-नुहपराङ कादुप च्‍येती ल़ेह पेहसीन।

१ थेसलोनिकी 2:9

ए आदा-नो़ह दाङ आज्‍यी-नुहमुया़, ङ्यिहगी तुहक्‍पु दाङ कादुप च्‍येक्‍यो राहङ फ़ेबे-म़ेहमेया़ला टेहम्‍बा येहॱराङ येह। ख्‍या फ़ेबे-म़ेहमेॱया सुज्‍यीलाॱआङ तुहक्‍पु माहयोहङज्‍यु म़ेदी ङ्यिहगी ङ्यिहन-नुहप ल़ेह पेहती किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍य़ेसीन।

१ कोरिन्‍थी 9:6

च्‍यि बारनाबास दाङ ङाहगी च्‍यी़राङ ल़ेह पेहती राहङगी फोवा सो कोहएँ ले?

ल़ेह-पेन 20:34

राहङ फे़बेया़ला थुयी़ येहबा, दि लाहक्‍पागीॱराङ ल़ेह पेहती ङाह दाङ ङाहगी रो़हया़ला कोहकेन्‍गी से़हया़ ज्‍योर्सीन।

१ पत्रुस 4:19

ओ़ह सोङबे किन्‍ज्‍योगी थु ङ्ये़बाकी तुहक्‍पु खुर्केनया़गी ल़ेह या़हबु पेहच्‍यु ओहले खुङया़गी राहङगी सेम साज्‍या-नाम्‍ज्‍या छ्या़ नाङगेन यिह-छ्य़ेबु किन्‍ज्‍योला चि क्‍याहप्‍च्‍यु।

रोमी 8:35

ता़ह सुगी ओहराङला मास्‍यीकाकी चेवालेगी खा फे़ ख़ूज्‍ये? च्‍यि छे म़ेहबा तुहक्‍पु दाङ खेन्‍दा का़हबुया़गी, च्‍यि मिहया़गी ङ्येन्‍ज्‍येनगी, च्‍यि मुहयीगी, च्‍यि ओहराङ ज़ुबुला केहन्‍ज्‍येला काप्‍च्‍या म़ेहबा सोङबे, च्‍यि ज्‍यिक्‍पा छ्यिम्‍बुला छ्यिटो म़ेदी, च्‍यि पादाङगी?

२ कोरिन्‍थी 11:8

ख्‍याया़ला स्‍याहप्‍तो स्‍य़ूहज्‍येला लेहमेन छेन्‍छोकया़ यिहन्‍ज्‍यु टाङगा ती़हदे ङाहगी ओ़ह छेन्‍छोकया़लाती लुट ती़सीन।

एफिसी 4:28

कुमेन क्‍याहप्‍केन्‍गी ता़ह यिहन्‍ज्‍यु कुमेन माह-क्‍याहप्‍च्‍यु खोगी टाहङबु पेहती राहङ लाहक्‍पागीॱराङ कादुप च्‍येती ल़ेह तुहक्‍पु पेहच्‍यु, ओहले खोगी कोम्‍बु काहल्‍ग्‍योया़ला तेर ख़ूज्‍ये येह।