१ कोरिन्‍थी 4:11 - ह्योल्‍मो

¹¹ ताहन्‍दा थुॱआङ ङ्यिहनी साह माहङ्युहङबा, थुङ माहङ्युहङबा पेहती टेहपा तो़बाराङ डोउ येह, काप्‍च्‍या बान्‍दा-बिन्‍दुया़ केहन्‍दी डोउ येह, ग्‍या़ ग्‍या़ला मिहया़गी ङ्यिहला तुहङदा तेर्के ओहले ङ्यिहती खाङसा-स्‍यिहङसाया़ च्‍यिॱआङ म़ेह।

१ कोरिन्‍थी 4:11 Referans Kwoze

रोमी 8:35

ता़ह सुगी ओहराङला मास्‍यीकाकी चेवालेगी खा फे़ ख़ूज्‍ये? च्‍यि छे म़ेहबा तुहक्‍पु दाङ खेन्‍दा का़हबुया़गी, च्‍यि मिहया़गी ङ्येन्‍ज्‍येनगी, च्‍यि मुहयीगी, च्‍यि ओहराङ ज़ुबुला केहन्‍ज्‍येला काप्‍च्‍या म़ेहबा सोङबे, च्‍यि ज्‍यिक्‍पा छ्यिम्‍बुला छ्यिटो म़ेदी, च्‍यि पादाङगी?

फिलिप्‍पी 4:12

कोहपु डोॱनाङ, बोलो-छ्योलो येहॱनाङ, टेहपा काहङग्‍यो येहॱनाङ, तो़क्‍यो येहॱनाङ, माहङबु येहॱनाङ, ङ्ये़हमु येहॱनाङ काहन्‍डुमु ती़हजीला माॱनाङ ङाहगी सेम सेन्‍दोक पेहकेन तिहङ-रिहङबुकी ताम लोप्‍ती येह।

२ तिमोथी 3:11

एन्‍टिओखिया, आइकोनियन दाङ लुस्‍त्रा लुहङबाला मिहया़गी ङाहला तुहक्‍पु तेरक्‍यो दाङ सताई-तिक्‍योगी तामया़ ख्‍येगी या़हबु ङोह स्‍य़ेदीॱराङ येहबा। यिहॱनाङ चो़वोगीॱराङ ङाहला ओ़ह थाम्‍ज्‍यी तुहक्‍पुया़ ङो़ले थार च्‍य़ू नाङसीन।

मत्ती 8:20

येशूगी खोला ल़ेहन क्‍याहप नाङसीन, “ते़, लिहन्‍दीया़दी यिहप्‍केन्‍गी फुक्‍पा येह, च्‍याह-च्‍यिहवाया़दी छाङ येह, यिहॱनाङ मिहगी स़ेबुदीनी गो़ ज़्‍या़सा ग्‍या़ च्‍यिॱआङ म़ेह!”

२ कोरिन्‍थी 4:8

ङ्यिह छ्यो़ ज़्‍यिलेराङ ज्‍यिबुराङ तुहक्‍पु ङ्युहङदी येहबा, यिहॱनाङ ङ्यिहला ओ़ह तुहक्‍पुया़गी नेम्‍दी लाहङराॱआङ मी़हखुएँनी काहल्‍दी म़ेह। ङ्यिह गो़ थोम्‍दी येहबा यिहॱनाङ का क्‍याहल्‍दी म़ेह।

१ कोरिन्‍थी 9:4

च्‍यि ङ्यिहला साहज्‍ये थुङज्‍येला ओङ म़ेहबा?

ल़ेह-पेन 23:2

दिठी माएँमु पूजाहारी गो-छ्येवा हननियागी पावल पोहला लाहङदी तेहक्‍योगी मिहया़ला, “ओ़ह मिहगी खाला क्‍याहप्‍तोङ!” म़ेदी का तेर्सीन।

ल़ेह-पेन 16:23

ओहले खुङगी पावल दाङ सिलासला तुहङदा या़हबु तेर्ते चोन-खाङला क्‍याल्‍दी चोन-खाङगी स्‍युहङ-पेनला, “ता़ह खुङ ङ्यी़ थेन्‍दी डो मी़हखुएँ पेहती ल़ू ज़्‍या़दोङ” म़ेदी म़े ज़्‍या़सीन।

ल़ेह-पेन 14:19

ओहले एन्‍टिओखिया दाङ आइकोनियन क्‍याहसाले यहूदी बा़ल च्‍यी़ ओहङदी मिह मिह-माहङया़ला ख्‍येर क्‍याहप्‍ती पावलला तोहगी क्‍याहप च्‍य़ूसीन, ओहले ता़ह पावल स्‍यि येहटो म़ेदी खुङगी पावलला टिहते ख्‍येर्ती क्‍याहसाकी फिला क्‍युर चाहङसीन।

२ कोरिन्‍थी 11:20

च्‍यिबेमाना सु मिह च्‍यी़गी ख्‍याया़ला योक्‍पु ज़ोॱनाङ, ख्‍या ङ्याम्‍बु येहकेन्‍गी थाम्‍ज्‍यीराङ से़हया़ फ्रो़नाङ, ख्‍या लाहमले खेप्‍साङ लेहनॱनाङ, ख्‍या थो़ला ओङ छ्ये़नाॱआङ, ख्‍याती डाम्‍बाला थाल्‍ज्‍या क्‍याहपॱनाङ ख्‍याया़नी थाम्‍ज्‍यीराङ ना़गु दु।