१ कोरिन्‍थी 3:11 - ह्योल्‍मो

¹¹ च्‍यिबेमाना किन्‍ज्‍योगी तिङ नाङग्‍योकी ब्राम च्‍यिमी च्‍यी़राङ येहबा ओ़ह येशू मास्‍यीका यिहम्‍बा, ओ़ह म़ेदी लो़हलो सु मिह च्‍यी़गीॱआङ लेहमेन ब्राम तिङ मी़हखुएँ।

१ कोरिन्‍थी 3:11 Referans Kwoze

एफिसी 2:20

ओ़ह ज़िम्‍गाङदी ल़ेह-पेनया़ दाङ लुहङतेम्‍बाया़की ब्राम थो़ला छ्या़दी येहबा, ओ़ह ब्रामकी चा छ्येवा तोहदी मास्‍यीका येशू राहङराङ यिहम्‍बा।

२ तिमोथी 2:19

यिहॱनाङ, किन्‍ज्‍यो राहङगी तिङ नाङग्‍योकी मिहरोकी ब्राम नाहम-माना सान्‍दीॱराङ ओहङज्‍ये येह। ओ़ह ब्रामला दि ल़ेहमु सुङदी पार क्‍याहप नाङदी येह, “चो़वोगी राहङगी क्‍यिपाया़ला ङोह ख्‍येन नाङगे,” ओहले “चो़वोकी छेन लेहन्‍गेया़गी ना थाम्‍ज्‍यीगी ल़ेह चोक्‍पाया़ ङो़ले था़-रिहङबुराङ तेहच्‍यु।”

मत्ती 16:18

ता़ह ङाह ख्‍येला माएँ, ख्‍ये पत्रुस यिहम्‍बा। ङाह राहङगी छेन्‍छोक दि तोह-पा़रा थो़ला ज़ोएँ ओहले ङ्याल्‍वागी कोहया़गी ओ़ह थो़ला क्‍याहल ख़ूज्‍ये म़ेह।

१ कोरिन्‍थी 3:10

किन्‍ज्‍योगी ङाहला नाङग्‍यो काटीनगी पेहती ङाहगी गो-छ्येवा चिक्‍सो-खे़बागी ल़ेहमुराङ पेहती खाङबाकी ब्राम तिङ ङ्युहङसीन, ओहले लेहमेनगीती ओ़ह थो़ला खाङबा ज़ोएँ। खाङबा ज़ोएँ थाम्‍ज्‍यीगी काह-ठि पेहती ज़ो कोहएँ यिहम्‍बा, ओ़ह या़हबु पेहती साम्‍लु ताङ कोहएँ।

१ कोरिन्‍थी 3:12

का़हलेॱआङ सु मिह च्‍यी़गी दि ब्राम थो़ला सेर, ङुल दाङ निङबु तोहया़ ख्‍योङदी चिक्‍पा ची़ ओहङ, ओहले लाहलागीती स्‍यिङ, सो़मा दाङ सोवागी चा ख्‍योङदी दि खाङबा ज़ो ओहङ।

१ पत्रुस 2:4

चो़वो साला स्‍यो। मिहरोनी सोम्‍बो तोह-पा़रा यिहम्‍बा। मिहया़गी मिहरोला मा-लोक पेहक्‍यो येहकें, यिहॱनाङ किन्‍ज्‍योगी ज़ी़लुलानी मिहरो दाम नाङग्‍यो दाङ ज्‍यिबुराङ चा़ छ्यिम्‍बु ज़्‍य़ू नाङदी येह।