१ कोरिन्‍थी 2:8 - ह्योल्‍मो

⁸ दि काल्‍बाला ओङ छ्य़ेएँ का़हन्‍दीॱआङ क्‍याहल्‍बुया़गी ओ़ह तामया़ ङोह स्‍य़े मा़हखु। का़हलेॱआङ ङोह स्‍य़े ख़ूबा यिहनानी ज़िज्‍यिदकी चो़वोला खुङया़गी क्‍याहङस्‍यीङला च्‍याङज्‍येॱराङ म़ेहबा येहकें।

१ कोरिन्‍थी 2:8 Referans Kwoze

याकूब 2:1

ए ङाहगी आदा-नो़ह दाङ आज्‍यी-नुहमुया़, ज़िज्‍यिदगी काहङग्‍यो चो़वो छ्येवा येशू मास्‍यीकाला ख्‍याया़गी तेहपा पेहक्‍यो सोङबे ख्‍यागी फिगी छ्यालु त़ेदी सुलाॱआङ ङ्येम्‍बा-ङ्य़ेहरी माहबे।

ल़ेह-पेन 13:27

ओहले यरूशलेमगी मिह दाङ पोम्‍बोया़गी येशूॱराङ थार्पा नाङगेन्‍गी किन्‍ज्‍यो यिहन म़ेदी ङोह स्‍य़े मा़हखु। थाङ सोएँ साता टाहङमाराङ लुहङतेम्‍बाया़गी छ्य़ेला प्री़हदी ज़्‍या़क्‍योगी लुहङदेनया़ टा़हॱनाङ खुङया़गी ङोह मा़हस्‍ये। ओहले खुङगी येशूला सेत्‍ती छ्य़ेला किन्‍ज्‍योगी तेहन्‍दाला प्रुहक्‍योगी लुहङदेन तेहन्‍दा डुप च्‍य़ूसीन।

ल़ेह-पेन 7:2

ओहले स्‍तिफनासगी ल़ेहन क्‍याहप्‍ती मासीन, “ए आदा-नो़ह दाङ आबाया़, ङाहगी माक्‍योगी ताम या़हबु पेहती सेन नाङदोङ! ङ्यिहगी चावा अब्राहाम हारान माएँ ग्‍या़ला तेहके म़ेदी तोहङले मेसोपोटामिया क्‍याहल-खापला ज़्‍य़ू नाङगेमु ज़िज्‍यिदगी किन्‍ज्‍योगी खोला ज्‍याल्‍गा नाङदी येहकें।

१ कोरिन्‍थी 2:6

यिह-छ्य़ेला चार्ङ्यी तिहङ रिहङबु सू़ह सिहन्‍ग्‍योया़ ङ्याम्‍बु ङ्यिह रिहक्‍स्‍यीकी तामया़ प्रा साल्‍गे, यिहॱनाङ दि काल्‍बाकी रिहक्‍स्‍यी मिहम्‍बा। दि काल्‍बाला ओङ छ्येएँया़की रिहक्‍स्‍यीॱआङ मिहम्‍बा। दिया़नी ङ्यिहमा च्‍यी़ तोङदी डोज्‍ये येह।

१ तिमोथी 1:13

यिहन्‍ज्‍येनी ङाहगी तोहङले चो़वो येशूला ङ्याप्‍च्‍यु पेहसीन, तुहक्‍पु तेर्सीन ओहले स्‍ये़हन्‍डील पेहसीन। ओ़ह ती़हजीला ङाहगी चो़वो येशूला यिह मा़हछ्येबा येहकें ओहले दि थाम्‍ज्‍यी तामया़ ङाहगी ङोह मा़हस्‍येबा पेहती पेहक्‍यो सोङबे किन्‍ज्‍योगी ङाहला थुज्‍यी ज़ी़ नाङसीन।

२ कोरिन्‍थी 3:14

यिहॱनाङ खुङगी सेम ज्‍यिबुराङ सान्‍दी काहल्‍दी येहकें, च्‍यिबेमाना ताहन्‍दा ङ्यिहमा थु निङबा छ्य़े टा़हगेमु ओ़ह योल्‍सेनगी खुङया़गी नावा का ज़्‍या़दी येहबा, ओहले मास्‍यीकाला यिह-छ्य़े पेहती च्‍यी़राङ ओ़ह योल्‍सेन खा फे़ ख़ूएँ।

यूहन्‍ना 16:3

मिहया़गी याहप दाङ ङाहला ङोह मा़हस्‍येबा सोङबे ख्‍याया़ला दि रोहवा पेहच्‍ये येह।

यूहन्‍ना 8:19

खुङया़गी येशूला स्‍युहसीन, “ख्‍येती याहप का़हला येहबा ले?” येशूगी सुङ नाङसीन, “ख्‍याया़गी नाह ङाहला ङोह स्‍य़ेगे नाह ङाहती याहपला। ख्‍याया़गी ङाहला ङोह स्‍य़ेक्‍यो येहसीमानानी ङाहती याहपॱलाङ ङोह स्‍ये़ज्‍ये येहकें।”

यूहन्‍ना 7:48

च्‍यि ओहराङगी गोबाया़ दाङ फरिसीया़ नाहङले सुज्‍यीगीॱआङ ओ़ह मिहला यिह छ्य़ेक्‍यो येहबा ले?

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

मत्ती 13:22

येहपाराङ काहजे मिहगी सेमदी छेर्मा चेहरेप ल़ेहमुराङ ओहङगे। खुङया़गी किन्‍ज्‍योगी लोप्‍च्‍युङ ङ्यिहन्‍दीॱआङ दि जाम्‍बुलीङगी तेहन्‍दाला तुहङाल पेहकें ओहले क्‍युह-नोहर थो़ला सेम च्‍याङगे। ओ़ह सोङबे खुङया़गी ङ्यिहन्‍ग्‍योगी लोप्‍च्‍युङ तोर्ते डोएँ ओहले च्‍यिॱआङ सेदो मे़हयाहएँ।

१ कोरिन्‍थी 1:20

रिहक्‍स्‍यी छ्यिम्‍बु येहकेनया़ का़हला येहबा? छ्य़ेकी खेम्‍बुया़ का़हला येहबा? दि काल्‍बाकी तेहन्‍दाला स्‍येपा तुहर्केया़ का़हला येहबा? च्‍यि किन्‍ज्‍योगी दि जाम्‍बुलीङकी रिहक्‍स्‍यीला उल्‍दुम्‍बा ज़ो माहनाङ ले?

एफिसी 1:17

ओहराङ चो़वो येशू मास्‍यीकाकी किन्‍ज्‍यो, ज़िज्‍यिदकी याहपगी ख्‍याया़ला मिहरोगी तेहन्‍दाला येहन्‍देनला रिहक्‍स्‍यी दाङ ङोह स्‍य़े ख़ूएँगी थु नाङज्‍यु म़ेदी ङाह नाहम्‍माॱनाङ सोल्‍वाङ ताप्‍को येह।

एफिसी 4:18

खुङया़गी नावा ना़-जुबे काहल्‍दी येह। खुङगी किन्‍ज्‍योला ङोह स्‍ये़ज्‍ये माहछोल्‍बा सोङबे खुङ किन्‍ज्‍योलेगी था़-रिहङबु काहल्‍दी येह। ओ़ह सोङबे खुङया़गी सेम सान्‍दी काहल्‍सीन ओहले ङोह मे़हस्‍येगे काहल्‍सीन। ओहले खुङया़गी नावा ना़-जुबेगी काहङदी येह।