Biblia Todo Logo
Bib sou entènèt

- Piblisite -




१ कोरिन्‍थी 2:7 - ह्योल्‍मो

7 यिहॱनाङ ङ्यिह किन्‍ज्‍योगी पे़हदी ज़्‍या़ नाङग्‍यो दाङ साङदे ज़्‍या़ नाङग्‍योकी रिहक्‍स्‍यीगी तेहन्‍दाला प्रा साल्‍गो येहबा। ओ़ह काल्‍बा-काल्‍बा तोहङ यिहन्‍ज्‍युराङ ओहराङगी ज़िज्‍यिदकी तेहन्‍दालाराङ ठाबे जे नाङग्‍यो येहकें।

Gade chapit la Kopi




१ कोरिन्‍थी 2:7
21 Referans Kwoze  

नाम्‍पार-ताहक्‍पा पेहती मिहजी ताङज्‍येला कोहकेन्‍गी ना थाम्‍ज्‍यीराङ से़हया़ किन्‍ज्‍योगी ओङ लाहमलेॱराङ ज़्‍योरक्‍यो यिहम्‍बा च्‍यिबेमाना राहङदी ज़िज्‍यिद दाङ वाङज्‍या छ्यिम्‍बु लाहमले क़े क्‍याहप नाङगे किन्‍ज्‍योला ओहराङगी ङोह स्‍य़ेदी येह।


ओहले दि ल़ेहमु पेहती लुहङतेम्‍बागी सुङ नाङग्‍योकी दि स्‍याहल तेहन्‍दा डुप्‍सीन– ङाह खुङया़ला पे ज़्‍या़दी ताम माज्‍ये येह ओहले जाम्‍बुलीङ छ्या़गे यिहन्‍ज्‍यु पे़हदी ज़्‍या़क्‍योगी तामया़ ङाहगी स्‍येच्‍ये येह।


ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।


थाम्‍ज्‍यी काटीनकी किन्‍ज्‍योगी मास्‍यीकाला यिह-छ्य़े नाङदी राहङदी नाहमॱआङ मिहसीहन्‍गेन्‍गी ज़िज्‍यिद नाङज्‍येला ख्‍याया़ला क़े क्‍याहप नाङदी येह। ख्‍यागी ङ्यिहमा तोबाज्‍यी तुहक्‍पु खुर फान्‍ज्‍यो मिहरोगीॱराङ ख्‍याया़ला येहपाराङ साम्‍बा ज़ो नाङज्‍ये येह, ओहले ख्‍यागी सेम थिक-चिला ज़्‍या़दी ओङज्‍या छ्यिम्‍बु ज़ो नाङज्‍ये येह ओहले ब्राम सान्‍दी तिङग्‍यो ग्‍या़ला ज़्‍या़ नाङज्‍ये येह।


किन्‍ज्‍योगी जाम्‍बुलीङ छ्या़ च्‍य़ू नाङगे म़ेदी तोहङलेराङ मास्‍यीका लाहमले ओहराङला मिहरोगी दिनला नाम्‍पार-ताहक्‍पा दाङ च्‍यिॱआङ क्‍येन म़ेहबा ओहङ ख़ूज्‍यु म़ेदी दाम नाङदी येहकें।


सेक्‍यो ल़ूह स्‍ये़बुकी मिहलीकी छ्य़ेला जाम्‍बुलीङ छ्या़ नाङगे म़ेदी तोहङलेराङ किन्‍ज्‍योगी मिहन प्रुह नाङग्‍यो मिहया़गी च्‍यी़राङ ओ़ह सेम्‍ज्‍येनला छ्येपा फुल्‍ज्‍ये म़ेह यिहॱनाङ ओ़ह म़ेदी लेहमेन, जाम्‍बुलीङला तेहकें थाम्‍ज्‍यी मिहया़गीनी ओ़ह सेम्‍ज्‍येनला छ्येपा फुल्‍ज्‍ये येह।


लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।


किन्‍ज्‍योगी ओहराङला थार च्‍य़ू नाङसीन, ओहले नाम्‍पार-ताहक्‍पा मिहलीगी तेहन्‍दाला क़े क्‍याहप नाङसीन। ओहराङगी पेहक्‍योगी ल़ेहला ज़ी़दी मिहम्‍बा यिहॱनाङ किन्‍ज्‍यो राहङगी थु दाङ काटीन लाहमले जे नाङग्‍यो यिहम्‍बा। जाम्‍बुलीङ छ्या़गे म़ेदी तोहङलेराङ ओहराङला मास्‍यीका येशूगी दि काटीन नाङग्‍यो यिहम्‍बा।


ङाहॱआङ छेन्‍छोककी एल्‍डर यिहन्‍गे सोङबे ङाह ख्‍या एल्‍डरया़ला ओहर-छ्य़े स्‍युहउ येहबा च्‍यिबेमाना मास्‍यीकागी तुहक्‍पु खुर नाङग्‍यो ङाहगी थोङदी येह ओहले मास्‍यीकाकी राहङगी ज़िज्‍यिद तेन नाङगे ङ्यिहमाला ङाहॱआङ मिहरो ङ्याम्‍बु ओहङज्‍ये येह।


किन्‍ज्‍योगी राहङगी मिहया़ला तोहङलेराङ ङोह ख्‍येन नाङसीन ओहले राहङगी स़ेबु ल़ेहमुराङ डोज्‍येला दाम नाङसीन च्‍यिबेमाना मिहरोगी स़ेबु आदा-नो़ह दाङ आज्‍यी-नुहमुया़ नाहङला थाम्‍ज्‍यी म़ेदी छ्येस्‍यो ओहङ ख़ूज्‍यु।


सु सुला किन्‍ज्‍योगी तोहङलेराङ दाम नाङबा, खुङया़ला मिहरोगी क़ेॱआङ क्‍याहप नाङसीन, ओहले सु सुला मिहरोगी क़े क्‍याहप नाङबा, खुङया़ला मिहरोगी टाहङबुॱआङ सी़ह च्‍य़ू नाङसीन, ओहले सु सुला मिहरोगी टाहङबु सी़ह च्‍य़ू नाङबा, खुङया़ला मिहरोगी ज़िज्‍यिदॱआङ नाङसीन।


आदा-नो़ह दाङ आज्‍यी-नुहमुया़, ख्‍यागी तिहङ रिहङबु केच्‍या च्‍यी़ ङोह स्‍ये़ज्‍यु माएँ ङाहती सेम्‍बा येहबा। ओ़ह ख्‍याला क्‍यी़ह ज्‍योर्सीन माना ख्‍यागी राहङगी तेहन्‍दाला छ्य़ेन्‍दो तेन्‍ज्‍ये म़ेह। दि तिहङ रिहङबु केच्‍या दि ल़ेहमु येहबा, ओहङ कोहएँगी लेहमेन क्‍यिहपाकी मिहया़ मास्‍यीकाला माहयोहङ थु च्‍यी़राङ इस्राएलीया़गी यिह सान्‍दी ओहङज्‍ये येह।


आदा-नो़ह दाङ आज्‍यी-नुहमुया़, ङाह ख्‍यासाला किन्‍ज्‍योदी तिहङ-रिहङबुगी स्‍याहलया़ स्‍य़े ओहङगेमु छ्यिम्‍बु-छ्यिम्‍बु ताम म़ेदी रिहक्‍स्‍यीकी छ्य़ेन्‍दो माहतेन।


दि ल़ेहमु पेहती छेन्‍छोक लाहमले किन्‍ज्‍योकी नामे-नाजो येहन्‍देनया़ स्‍यिहङगामकी ग्‍या़या़ला ठिम तेन्‍गेया़ दाङ ओङ ज्‍योरक्‍योया़की पाहरक्‍यीला तेन ख़ूज्‍यु।


यिहॱनाङ ता़ह दि तिङस्‍यो ङ्यिहमाया़ला मिहरो राहङगी स़ेबु लाहमले ओहराङ ङ्याम्‍बु स्‍याहल सुङ नाङदी येह। स़ेबुलाॱराङ मिहरोकी रेबेॱराङ से़हया़दी ताहक्‍पु ओहङज्‍येला दाम नाङसीन, ओहले स़ेबु लाहमलेॱराङ मिहरोगी रेबेॱराङ से़हया़ छ्या़ च्‍य़ू नाङसीन।


तेहपा लाहमलेॱराङ ओहराङगी ह्‍अ कोह ख़ूएँ किन्‍ज्‍योगी सुङ लाहमले जाम्‍बुलीङ रेबेॱराङ छ्या़ च्‍य़ू नाङसीन ओहले मिहरोगीॱराङ थोङगेन से़हया़, मेहथोङगेन से़हया़ लाहमले छ्या़ च्‍य़ू नाङसीन।


Swiv nou:

Piblisite


Piblisite