१ कोरिन्‍थी 2:2 - ह्योल्‍मो

² च्‍यिबेमाना ङाह ख्‍या ङ्याम्‍बु येहकेंमु ङाहगी येशू मास्‍यीका दाङ मिहरोला क्‍याहङस्‍यीङला च्‍याङग्‍योकी तामया़ मिहम्‍बानी लेहमेन थाम्‍ज्‍यी तामया़ला आहन्‍डाराङ टेहम्‍बा च्‍येहती ताङगे म़ेदी ङाहगी सेम पेहसीन।

१ कोरिन्‍थी 2:2 Referans Kwoze

गलाती 6:14

यिहॱनाङ ङाहदी येशू मास्‍यीकाकी क्‍याहङस्‍यीङ म़ेदी लेहमेन का़हन्‍दीॱआङ से़हला छ्य़ेन्‍दो मेहतेन। मिहरोकी क्‍याहङस्‍यीङगी पेहती ङाहगी तेहन्‍दाला जाम्‍बुलीङ स्‍यि सिहन्‍ग्‍यो येह ओहले जाम्‍बुलीङकी तेहन्‍दाला ङाह स्‍यि सिहन्‍ग्‍यो येह।

यूहन्‍ना 17:3

राहङ च्‍यिमे च्‍यी़राङ तेहन्‍दामकी किन्‍ज्‍यो ओहले राहङगी ताङ नाङग्‍योकी येशू मास्‍यीकाला ङोह स्‍य़ेगेन्‍दीॱराङ था़ म़ेहबा मिहली ज़ाङबु यिहम्‍बा।

गलाती 3:1

ए उल्‍दुम्‍बा गलातीया़, ख्‍याला सुगी मोह क्‍याहप्‍पा? ख्‍यागी मी़गी दिनलाराङ येशू मास्‍यीकाला क्‍याहङस्‍यीङला च्‍याङग्‍योकी ताम थिउ-निहउ पेहती प्रा साल्‍ग्‍यो येहकें।