१ कोरिन्‍थी 16:2 - ह्योल्‍मो

² जा ङ्यिहमा-टाहङमाराङ ख्‍या राहङ-राहङगी कामे ती़क्‍योदी टाङगा लाहमले सिपाज्‍यी डेल्‍बाकी तेहन्‍दाॱलाङ खा फ़ेदोङ। ओ़हठी पेहसीमाना ङाह ओहङगेमु ख्‍याया़गी टाङगा ती़हदे तेह मेहकोहएँ।

१ कोरिन्‍थी 16:2 Referans Kwoze

ल़ेह-पेन 20:7

सातागी तोहङस्‍यो कार्मा ज़ा-ङ्यिहमा कुहङॱसेला चो़वो येशूला यिह-छ्य़े पेहकेन्‍गी स्‍याहप्‍च्‍यीया़ ङ्याम्‍बु चो़वो येशूगी सोह सुङदी का नाङग्‍योकी डेन साहज्‍येला ङ्यिह छो़सीन। ओहले पावलगी खुङया़गी दिनला ताम माज्‍ये छ़ूसीन। ओहले नाहङबार च्‍युङ डो कोहच्‍ये येहकें सोङबे नुहप फे़ थु खुङया़ ताम म़ेदी तेहसीन।

लूका 16:10

ओहले येहपाराङ येशूगी सुङ नाङसीन, “फेमा तामला यिह-छ्य़ेबु ओहङगे मिह, छ्यिम्‍बु तामॱलाङ यिह-छ्य़ेबु ओहङगे। ओ़ह ल़ेहमुराङ फेमा तामला यिह-छ्य़ेबु मेहयोहङगे मिह, छ्यिम्‍बु तामॱलाङ यिह-छ्य़ेबु मेहयोहङगे।

ज्‍याल्‍गा 1:10

चो़वोकी ङ्यिहमाला ङाह नाम्‍पार-ताहक्‍पा थुगी काहङदी येहकें, ओहले रोहवा-लीङती ल़ेहमु छ्यिम्‍बु सुङ-क़ेला ङाहगी क्‍याहप ङो़ले ङाहला दि ल़ेहमु सुङगेनॱराङ जेक्‍यो ङाहगी थ़ेसीन,

यूहन्‍ना 20:19

साताकी तोहङस्‍यो ङ्यिहमा जा ङ्यिहमाकी कुहङॱसे, स्‍याहप्‍च्‍यीया़ यहूदी गोबाया़गी ज्‍यी़सुगी पेहती कोह क्‍याहप्‍ती तेहक्‍यो येहकें। ओ़ह ती़हजीलाराङ येशू याहङमे-याहङ फेप्‍ती खुङया़गी पाहरक्‍यीला ज़्‍याङदी ज़्‍य़ू नाङसीन ओहले येशूगी खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु!”

लूका 24:1

ज़ा-ङ्यिहमा ङाटु क्‍या-ह्राबा-ह्रिबेला ओ़ह पी़हमी-पेहजाया़ राहङ-राहङगी ठाबे पेहक्‍योगी टिहमा स्‍यिहम्‍बुगी नुम दाङ पेगारया़ थो़दी येशूगी कुबुर तो़ह ज़्‍या़क्‍योगी फुक्‍पाला काहल्‍सीन।

यूहन्‍ना 20:26

ङ्यिहमा क्‍ये़ह तिङले येशूकी स्‍याहप्‍च्‍यीया़ येहपाराङ खाङबा नाहङला कोह क्‍याहप्‍ती तेहक्‍यो येहकें। थोमाॱआङ खुङ ङ्याम्‍बुराङ येहकें। कोह क्‍याहप्‍क्‍यो येहकें यिहॱनाङ येशू नाहङला स्‍य़ूह नाङसीन, ओहले खुङया़गी पाहरक्‍यीला ज़्‍याङदी सुङ नाङसीन “ख्‍याया़ ङ्याम्‍बु स्‍य़िहदे ओहङज्‍यु!”

मर्कूस 14:8

मोहगी च्‍यि पेह ख़ूएँ ओ़हदीॱराङ पेहसीन। दि टिहमा स्‍यिहम्‍बु खाएँगी नुम की़ तेर्ती मोहगी ङाहगी ज़ुबुला ङाह स्‍यिएँ म़ेदी तोहङलेराङ तो़हज्‍येला ठाबे पेहक्‍यो यिहन।

२ कोरिन्‍थी 8:10

ता़ह ङाह ख्‍याया़ला दिगी तेहन्‍दाला लोप्‍ताम च्‍यी़ क्‍याहप्‍को येह– नाहनीङ यिहन्‍ज्‍यु तेर्च्‍ये छ़ूक्‍योगी दि ल़ेह ता़ह ख्‍यागी छाङबु पेहतोङ च्‍यिबेमाना दि तेर्केन्‍की ल़ेह तोहङस्‍यो ख्‍याया़गीॱराङ छ़ूक्‍यो येहकें ओहले दि तेर्च्‍येला सेम्‍बा पेहकेन्‍दीॱआङ ख्‍याया़राङ यिहन।