ओ़ह सोङबे ताम साम्बाया़ मास्यीकाला यिह-छ्य़े पेहक्यो मिहया़गी तेहन्दाला मिहम्बा, यिहॱनाङ मास्यीकाला यिह-छ्य़े माहबेबा मिहया़गी तेहन्दाला ता़स्यी यिहम्बा। यिहॱनाङ लुहङदेनती मास्यीकाला यिह-छ्य़े माहबेबा मिहया़गी तेहन्दाला मिहम्बा, यिहॱनाङ मास्यीकाला यिह-छ्य़े पेहक्यो मिहया़गी तेहन्दाला यिहम्बा।
१ कोरिन्थी 14:4 - ह्योल्मो4 साम्बा-साम्बा तामया़ माएँ मिहगी राहङला च्यी़राङ किन्ज्यो ङ्याम्बु क्याप्च्येला सान्दी ज़ोएँ। यिहॱनाङ लुहङदेन स्येकें मिहगीती थाम्ज्यी छेन्छोकला याहरक्यी ख्येर्च्येला रो़हराम पेहकें। Gade chapit la |
१ कोरिन्थी 14:4
12 Referans Kwoze
आदा नो़ह दाङ आज्यी-नुहमुया़, ङाहगी माज्ये छोल्ग्योगी ताम दिराङ यिहम्बा, ख्याया़ छो़गेमु लाहला ङ्याम्बु छ्ये़-लु लेहन्गेन्गी काबाप, लाहला ङ्याम्बु लुहङदेन तेर्केन्गी काबाप, लाहला ङ्याम्बु किन्ज्योगी थु लाहमले स्याहल सुङगेन्गी काबाप, लाहला ङ्याम्बु ताम साम्बा माएँगी काबाप ओहले लाहला ङ्याम्बु ओ़ह ताम साम्बागी तेहन्दा स्येकेन्गी काबापया़ येहबा। दि थाम्ज्यी लाहमले छेन्छोककी याहरक्यी ओहङ कोहएँ।
ख्या थाम्ज्यीगी साम्बा-साम्बा तामया़ माज्यु माएँ ङाहगी सेम्बा येहबा, यिहॱनाङ ओ़ह म़ेदीॱआङ जेन माहङबु ख्याया़गी लुहङदेन स्येच्यु माएँ ङाहगी सेम्बा येहबा। छेन्छोकला याहरक्यी ख्येर्च्येला साम्बा-साम्बा तामया़गी तेहन्दा स्येके मिह मे़हसीमाना साम्बा ताम माएँ म़ेदीनी लुहङदेन स्य़ेकेन्दीॱराङ या़हस्यो यिहम्बा।
ङाह ङ्याम्बु तिङला ओहङगेन्गी तामया़ स्ये ख़ूएँगी ओङॱआङ येहटो, ओहले थाम्ज्यी तिहङ-रिहङबुगी तामया़ ङोह स्य़े खू़रो, थाम्ज्यी येहन्देनया़ॱआङ ङोह स्य़े खू़रो, ओहले लाह काहङदोया़ला ग्या़ च्यी़ले लेहमेन ग्या़या़ला पो ख़ूएँगी थाम्ज्यी यिह-छ्य़े ङाह ङ्याम्बु येहटो, यिहॱनाङ ङाह ङ्याम्बु चेवा मे़हसीमानादी ङाह च्यिॱआङ मिहम्बा।
Piblisite