१ कोरिन्थी 14:1 - ह्योल्मो1 ओ़ह सोङबे ख्याया़गी चेवा पेहच्येला ज्यिबुराङ निङरु पेहतोङ, ओहले नाम्पार-ताहक्पा थुगी काबापया़ ज्योर्च्येला ज्यिबुराङ चा़ पेहतोङ, ओ़हॱलाङ लुहङदेन स्येकेन्गी काबाप ज्योर्च्येला स्युक पेहतोङ। Gade chapit la |
१ कोरिन्थी 14:1
29 Referans Kwoze
ओहले मोहगी या़हबु ल़ेहया़ पेहक्यो ओहङ कोहकें, पुह पोहमोया़ला या़हबु पेहती चारा पेहक्यो ओहङ कोहकें, टोहम्बोया़ला ता़हनाङ-ताहम्जी पेहक्यो ओहङ कोहकें, किन्ज्योला यिह छ्य़ेक्यो नाम्पार-ताहक्पा मिहया़ती काङबा ठी़ तेरक्यो ओहङ कोहकें, तुहक्पुला छ्यिक्यो मिहया़ला रो़हराम पेहक्यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्यो ओहङ कोहकें।
ङाह ङ्याम्बु तिङला ओहङगेन्गी तामया़ स्ये ख़ूएँगी ओङॱआङ येहटो, ओहले थाम्ज्यी तिहङ-रिहङबुगी तामया़ ङोह स्य़े खू़रो, थाम्ज्यी येहन्देनया़ॱआङ ङोह स्य़े खू़रो, ओहले लाह काहङदोया़ला ग्या़ च्यी़ले लेहमेन ग्या़या़ला पो ख़ूएँगी थाम्ज्यी यिह-छ्य़े ङाह ङ्याम्बु येहटो, यिहॱनाङ ङाह ङ्याम्बु चेवा मे़हसीमानादी ङाह च्यिॱआङ मिहम्बा।
ओ़ह सोङबे ताम साम्बाया़ मास्यीकाला यिह-छ्य़े पेहक्यो मिहया़गी तेहन्दाला मिहम्बा, यिहॱनाङ मास्यीकाला यिह-छ्य़े माहबेबा मिहया़गी तेहन्दाला ता़स्यी यिहम्बा। यिहॱनाङ लुहङदेनती मास्यीकाला यिह-छ्य़े माहबेबा मिहया़गी तेहन्दाला मिहम्बा, यिहॱनाङ मास्यीकाला यिह-छ्य़े पेहक्यो मिहया़गी तेहन्दाला यिहम्बा।
Piblisite