१ कोरिन्‍थी 13:3 - ह्योल्‍मो

³ का़हलेॱआङ ङाहगी राहङगी रेबेॱराङ क्‍युहया़ क्‍य़ेहदी तेर्सीन, ओहले ङाहगी ज़ुबु सा़ज्‍येला तेर्सीन, यिहॱनाङ ङाह ङ्याम्‍बु चेवा मे़हसीमाना ङाहला च्‍यिॱआङ ख्‍येप्‍साङ मेहयोहङगे।

१ कोरिन्‍थी 13:3 Referans Kwoze

यूहन्‍ना 15:13

राहङ रो़हया़गी तेहन्‍दाला राहङगी मिहजीराङ तेरक्‍यो ल़ेहमु छ्यिम्‍बु चेवानी लेहमेन च्‍यिॱआङ मिहन।

मत्ती 23:5

खुङगी दि थाम्‍ज्‍यीराङ मिहया़ला तेन्‍ज्‍येला च्‍यी़राङ पेहकें। खुङ राहङगी प्राला दाङ लाहक्‍पा पुङबागी छ्य़े लू़क्‍योगी खुमाया़ छ्यिम्‍बु-छ्यिम्‍बु ज़ोएँ ओहले टाहङबु यिहन म़ेदी तेन्‍ज्‍येला राहङगी योल्‍सेनया़ला रिहङबु-रिहङबु फेन्‍जार ज़ोएँ।

गलाती 5:26

ओहराङगी च्‍यी़गी च्‍यी़ला छ्य़ेन्‍दो तेन्‍गेन्‍की ल़ेहया़ पेहच्‍ये मेहयोहङगे, मिहला स्‍यिहताङ लाहङ च्‍य़ूज्‍ये मेहयोहङगे ओहले ठादो पेहच्‍ये मेहयोहङगे।

लूका 18:28

ओहजेला पत्रुसगी, “ज़ी़दोङ लोबेन ला़ह, ङ्यिहगीनी खाङबाराङ क्‍युर ज़्‍या़दी लोबेनकी तिङदा तिङ ओहङग्‍यो येह” म़ेदी स्‍युहसीन।

हिब्रू 13:9

यिहन्‍जेराङ याहम्‍जेम्‍बाकी लोप्‍च्‍युङया़गी ख्‍याया़ला तेहन्‍दामकी लाहमलेगी चोक्‍पा लाहम ङो़ले माह-ठिच्‍यु। च्‍यिबेमाना साहएँ दाङ थुङगे ठिमगी मिहम्‍बा, यिहॱनाङ किन्‍ज्‍योगी काटीनगीॱराङ सेम सान्‍दी काहल्‍ग्‍योदी या़हबु यिहम्‍बा। दि ल़ेहमु पे-ठिम ची़दी नाहमॱआङ सुज्‍यीलाॱआङ फेन्‍दोप काहल्‍दी म़ेह।

१ तिमोथी 4:8

च्‍यिबेमाना ज़ुबुगी तेहन्‍दाला च्‍याहङदार पेहक्‍योदीॱआङ या़हबु यिहम्‍बा यिहॱनाङ किन्‍ज्‍योला क्‍याहप्‍च्‍येला च्‍याहङदार पेहक्‍योदीनी च्‍यी़ला माना खेप्‍साङ ओहङगे यिहम्‍बा च्‍यिबेमाना दिगी ताहन्‍दा दाङ तिङमागी मिहली ङ्यिकाराङकी तेहन्‍दाला ताहम्‍ज्‍या ज़्‍या़क्‍यो ओहङगे।

यूहन्‍ना 12:43

खुङया़गी किन्‍ज्‍यो लाहमले म़ेदीॱआङ मिहया़गी क्‍या़क्‍योदी या़हबु ने़उ येहकें।

लूका 18:22

दि सेन्‍दी येशूगी खोला सुङ नाङसीन, “ओ़ह ल़ेहमु यिहन्‍सीमाना, ख्‍येगी येहपाराङॱआङ पेह कोहएँगी ल़ेह च्‍यी़ येहबा। ख्‍ये राहङगी का़ह येहकेन्‍दी क्‍युह थाम्‍ज्‍यीराङ चोङदी प्राङबुया़ला के़ह तेर, ओहले ख्‍येला स्‍यिहङगामकी क्‍युह ज्‍योर्च्‍ये येह ओहले ङाहगी तिङदा तिङ स्‍यो।”

ल़ेह-पेन 21:13

ओहजेला पावलगी, “च्‍यिबे ख्‍यागी दि ल़ेहमु पेहती ङी़हदी ङाहगी सेम सुह क्‍याहप च्‍य़ूएँ? ङाह यरूशलेमला ताहम्‍ज्‍येज्‍यीराङ मिहम्‍बा, चो़वो येशूगी तेहन्‍दाला स्‍यि कोहॱनाङ स्‍यि ख़ूएँ” म़ेदी मासीन।

यूहन्‍ना 13:37

ओहले पत्रुसगी येशूला मासीन, “चो़वो, ङाह च्‍यिबे ताहन्‍दाॱराङ राहङला तिङ ङ्यादी ओहङ मी़हखुएँ ले? ङाह राहङगी तेहन्‍दाला स्‍यि कोहॱनाङ स्‍यिएँ।”

यूहन्‍ना 6:63

मिहली नाङगेन्‍दीनी थुराङ यिहन, ज़ुबु लाहमलेनी च्‍यिॱआङ खेप्‍साङ मेहयोहङगे। ङाहगी ख्‍याया़ला माक्‍योगी ताम थु दाङ मिहली यिहन।

लूका 19:8

यिहॱनाङ जखायसगी ह्‍ओप लाहङदी मासीन, “सेन नाङदोङ चो़वो ला़ह, ता़ह ङाह राहङगी क्‍युहगी बो फे़ प्राङबुया़ला के़हदी तेर्कें, ओहले लो़हलो मिहती टाङगा साहक्‍यो येहना खुङला बो ज़्‍यि ल्‍हा़मा पेहती लो़ तेर्कें।”

फिलिप्‍पी 2:3

ख्‍या राहङला च्‍यी़राङ ख्‍येप्‍साङ ओहङगे दाङ छ्य़ेन्‍दो तेन्‍ज्‍येला च्‍यिॱआङ ल़ेहया़ माहबे यिहॱनाङ स्‍यिहवा पेहती राहङ म़ेदी लेहमेन छ्यिम्‍बु यिहन म़ेदी सेमला ने़दोङ।