१ कोरिन्‍थी 12:4 - ह्योल्‍मो

⁴ नाम्‍पार-ताहक्‍पा थुगी काबापया़ ना माहङबुराङ ओहङगे यिहॱनाङ काबाप नाङगे नाम्‍पार-ताहक्‍पा थुनी च्‍यी़राङ यिहन।

१ कोरिन्‍थी 12:4 Referans Kwoze

१ पत्रुस 4:10

किन्‍ज्‍योगी काटीनला ख्‍या रे़ह-रे़हगी नामे नाजोकी काबापया़ ज़्‍योरक्‍यो येहबा ओ़ह काबाप ख्‍या थाम्‍ज्‍यीगी मिहया़ला रो़हराम पेहच्‍येगी तेहन्‍दाला या़हबु पेहती चाल तिदोङ।

१ कोरिन्‍थी 12:28

किन्‍ज्‍योगी छेन्‍छोकला तोहङस्‍यो ल़ेह-पेनया़, ङ्यिपाला लुहङतेम्‍बाया़, सुम्‍बाला लोबेनया़, याहम्‍जेम्‍बागी छ्या़ले पेहकेनया़, नेहपाया़ला टा़ह च्‍य़ूगेन्‍गी काबाप ज्‍योरक्‍योया़, रो़हराम पेहकेनया़, गोबाया़, नामे नाजो ताम साम्‍बा माएँगी काबाप ज़्‍योरक्‍यो मिहया़ ज़्‍या़ नाङदी येहबा।

हिब्रू 2:4

किन्‍ज्‍योगीॱआङ ताक्‍छेनया़ तेन नाङदी माहङबुराङ याहम्‍जेन छ्यिम्‍बु दाङ वाङज्‍या छ्यिम्‍बुकी छ्या़लेया़ जे नाङसीन ओहले राहङ थु-सेम जे-नाङदी क्‍य़ेहदी नाङग्‍यो नाम्‍पार-ताहक्‍पा थुगी काबापया़ लाहमले दि केच्‍यागी तेहन्‍दाला पाङबु नाङसीन।

एफिसी 4:11

ओहले मिहरोगी मिहया़ला– लाहलाला ल़ेह-पेनया़, लाहलाला लुहङतेम्‍बाया़, लाहलाला या़हबु लेहङगु स्‍येकेन्‍गी मिहया़, लाहलाला पास्‍टरया़ ओहले लाहलाला लोबेनया़की काबापया़ नाङसीन।

१ कोरिन्‍थी 7:7

यिहन्‍ज्‍येनी मिह थाम्‍ज्‍यीराङ ङाह ल़ेहमु पा़हमा माहबेबा पेहती तेहच्‍यु माएँ ङाहती सेम्‍बा येह। यिहॱनाङ मिह थाम्‍ज्‍यीगी किन्‍ज्‍यो लाहमले नामे नाजो काबापया़ ज्‍योर्ती येहबा। च्‍यी़ ङ्याम्‍बु ना च्‍यी़गी काबाप येहबा मासीमाना लेहमेन ङ्याम्‍बु लेहमेनॱराङ काबाप येहबा।

१ कोरिन्‍थी 12:1

आदा-नो़ह दाङ आज्‍यी-नुहमुया़, नाम्‍पार-ताहक्‍पा थुगी काबापकी तेहन्‍दाला ङाह ख्‍याया़ला तेहन्‍दामकी तामया़ प्रा साल्‍गो येह।

१ कोरिन्‍थी 12:5

चो़वोला स्‍याहप्‍तो स्‍युहएँगी ल़ेहया़नी यिहन्‍जेराङ ओहङगे, यिहॱनाङ चो़वोनी च्‍यी़राङ यिहन।