Biblia Todo Logo
Bib sou entènèt

- Piblisite -




१ कोरिन्‍थी 1:11 - ह्योल्‍मो

11 च्‍यिबेमाना ङाहगी आदा-नो़ह दाङ आज्‍यी-नुहमुया़, ख्‍याया़गी पाहरक्‍यीला ठुक्‍पा स्‍योर दु माएँ ताम आज्‍यी क्‍लोएकी खाङबा मे़हमेया़गी ङाहला स्‍येती येह।

Gade chapit la Kopi




१ कोरिन्‍थी 1:11
19 Referans Kwoze  

खो छ्य़ेन्‍दो तेन्‍गे, ओहले खोगी च्‍यिॱआङ स्‍य़ेक्‍यो मेहयोहङगे। खोगी स्‍यिती काम्‍बुगी तामया़ला स्‍येपा तुहर्के, ओहले ओ़ह ताम ऱेह-ऱेह थो़दी मिह ङ्याम्‍बु जिङज्‍येला डोएँ। दि तामया़गीनी ठादो, ठ़ूस्‍यी सिहङदा, स्‍ये़हन्‍डील दाङ चोक्‍पा सेम ङ्येहम्‍बाया़ च्‍यी़राङ क्‍ये च्‍य़ूएँ।


ओहराङगी च्‍यी़गी च्‍यी़ला छ्य़ेन्‍दो तेन्‍गेन्‍की ल़ेहया़ पेहच्‍ये मेहयोहङगे, मिहला स्‍यिहताङ लाहङ च्‍य़ूज्‍ये मेहयोहङगे ओहले ठादो पेहच्‍ये मेहयोहङगे।


तोहरोङॱआङ ख्‍या जाम्‍बुलीङकी सेम्‍बाया़ लाहमले राहङगी मिहजी ताङगो दु। ओहले ख्‍या राहङ नाहङदुङ ठादो पेहकेन दाङ ठ़ूस्‍यी सिहङदा पेहकेन्‍की केच्‍याया़नी येहॱराङ येहबा। च्‍यि ओ़हठी यिहन्‍सीमानानी ख्‍या राहङगी ज़ुबुकी च्‍यि पेहच्‍ये सेम क्‍येएँ ओ़हठीॱराङ डोलु-तेहलु पेहकेन जाम्‍बुलीङकी लेहमेन मिहया़ ल़ेहमुराङ माहकाहल ले?


कुया़ला छ्येपा फुल्‍गेन, ङ्येहन क्‍याहप्‍केन, मिहला टाह पेहकेन, ठुक्‍स्‍यी सिहङदा पेहकें, ठादो पेहकेन, स्‍यिहताङ ङाहर्क्‍याल पेहकें, राहङ च्‍यी़राङ गो़ थेन्‍ज्‍ये छोल्‍गे, मिहया़ला ठू़ च्‍य़ूएँ, छो़बा ज़ोएँ,


यिहॱनाङ ख्‍या च्‍यी़गी च्‍यी़ला आ़-ताप्‍के दाङ ङ्यिहप्‍के पेहसीन मानानी जेम्‍बु पेह, ख्‍या राहङ नाहङदुङ लाहमलेॱराङ तोहङदी डो माहकोह-च्‍यु।


च्‍यिबेमाना ङाह ख्‍याला थु ओहङगेमु ङाहगी ने़क्‍यो ल़ेहमु ख्‍या मेहयोहङडो ओहले ख्‍यागी ने़क्‍यो ल़ेहमु ङाह मेहयोहङडो म़ेदी ङाहला ज्‍यी़सु येहकें। ख्‍याया़गी पाहरक्‍यीला ठ़ूस्‍यी, ठादो, स्‍यिहताङ, राहङदी च्‍यी़राङ ख्‍येप्‍साङ ताएँ, ख्‍येर क्‍याहप्‍कें, मिहदाम च्‍येहके, छ्य़ेन्‍दो तेन्‍गे दाङ मिहला गो़ थोम च्‍य़ूगेन्‍गी तामया़ॱआङ ओहङडो।


च्‍यि ल़ेह पेहॱनाङ ङ्येहर्स्‍यी माहबेबा पेहती ओहले लोहङडी माहबेबा पेहती पेहतोङ,


च्‍यिबेमाना थाम्‍ज्‍यी म़ेदी तोहङस्‍योनी ख्‍या छेन्‍छोकला छो़गेमु ख्‍यागी पाहर्कीला खा फ़ेदी डोएँगी तामया़ ओहङगु दु माएँ ताम ङाहगी थ़ेसीन, लाहला तामया़नी तेहन्‍दामॱआङ यिहन्‍डो।


आदा-नो़ह दाङ आज्‍यी-नुहमुया़, ओहराङगी चो़वो येशू मास्‍यीकाकी छेनला ङाह ख्‍याया़ला ओहर-छ्य़े स्‍युहउ येह, ता़हनी ख्‍याया़ राहङ नाहङदोङ थिम्‍बु पेह! ख्‍या राहङ नाहङदोङराङ ठ़ूदी खा फ़ेदी माहन्‍डो। ओहले ख्‍याया़ सेम च्‍यी़, लो च्‍यी़ पेहती तेहन्‍दा च्‍यी़लाॱराङ डी़दी तेहतोङ!


ङाहगी माज्‍ये छोल्‍ग्‍योकी ताम दिराङ यिहम्‍बा ख्‍या नाहङले लाहलागी “ङाह पावलती यिहम्‍बा” लाहलागी “ङाह अपोल्‍लोसती यिहम्‍बा” लाहलागी “ङाह केफासती यिहम्‍बा” ओहले लाहलागीती “ङाह मास्‍यीकाती यिहम्‍बा” म़ेदी माउ दु लो।


यिहॱनाङ तेहन्‍दा म़ेहबागी तामला स्‍येपा तुहर्केन दाङ गो़ रिङ म़ेहबागी ताहङबो चावाया़की पेतामया़, मिहया़ला ठू़ च्‍य़ूगे दाङ छ्य़े-ठिमकी तेहन्‍दाकी ठू़स्‍यीया़ ङो़ले ख्‍या था़-रिहङबुराङ तेह च्‍यिबेमाना दि तेहन्‍दा म़ेहबागी फेन मे़हथोएँगी तामया़ यिहम्‍बा।


Swiv nou:

Piblisite


Piblisite