په تیتوسا پولُسئے کاگد 2:2 - هُدائے پاکێن کتاب، بلۆچی زبانا

² مزن‌اُمرێن مردێنان تالیم بدئے که گْران و سنگین ببنت، شَرپدار ببنت و داشتِش ببیت. باید اِنت آیان راستێن ایمان و مِهر و سَگّ و برداشت ببیت.

په تیتوسا پولُسئے کاگد 2:2 Referans Kwoze

په گَلاتیان پولُسئے کاگد 5:23

نَرم‌تَبی و داشْت. چُشێن چیزّانی هلاپا هچّ شَریَت و کانون نێست.

پِتْرُسئے ائولی کاگد 4:7

دنیا زوتّ هلاس بئیگی اِنت، پمێشکا گۆن شِهم و رَهداریا وتا گران و سنگین بدارێت تان دْوا کرت بکنێت.

په تیموتاووسا پولُسئے ائولی کاگد 3:11

همے پئیما آیانی جن هم اِزّتمند ببنت، مردمانی باپُشتا هبر مکننت، گْران و سنگین ببنت و هر هسابا ایماندار ببنت.

پِتْرُسئے ائولی کاگد 5:8

گران و سنگین و هُژّار ببێت، چێا که شمئے دژمن، شئیتان، چۆ شێرا گُرّان اِنت و شۆهازا اِنت که کجا شکارے برسیتی تان بدِرّیت و اێری ببارت.

په تیتوسا پولُسئے کاگد 1:13

اے گواهی راست اِنت، پمێشکا په ترُندی سرپدِش کن که راستێن ایمانئے سرا مُهر بۆشتنت و

په تیموتاووسا پولُسئے ائولی کاگد 3:2

باید اِنت کلیسائے کماش انچێنے ببیت که آییا مردمانی مَلامت پِر مبیت، گۆن وتی جَنا وپادار ببیت، گْران و سنگینێن مردمے ببیت و وتا داشت بکنت، مَڑاهدار و مِهمان‌نئواز ببیت و شَرّیا تالیم دات بکنت،

په تِسالونیکیان پولُسئے ائولی کاگد 5:8

بله ما که رۆچئے چُکّ اێن، ما هُژّار ببێن، ایمان و مِهرا چۆ سێنَگ‌پۆشا ببندێن و نجاتئے اُمێتا چۆ جنگی کُلاها سرا بکنێن.

پولُسئے کاگد په رومیان 12:3

گۆن هما رهمتا که منا بَکشگ بوتگ شما سجّهێنانَ گوَشان، همینچک که هستێت وتا بُرزتر مزانێت. وتی بارئوا په شَرّی و راستی شئور ببُرّێت و وتا برابر گۆن همینچک باورا کِساس بکنێت که هُدایا په شما گیشّێنتگ.

پِتْرُسئے ائولی کاگد 1:13

وتی لانکا ببندێت و هُژّار ببێت. زِندا په شِهم و رَهداری بگوازێنێت. وتی اُمێتا په هُدائے هما رهمتان ببندێت که ایسّا مَسیه وتی زاهر بئیگئے وهدا په شما رسێنیتِش.

زَبور 92:14

پیریا هم بَر و سَمرَ دئینت و په اے جارئے جنگا تَرّ و تازگ و سبزَ ماننت که هُداوند راست و آدل اِنت، هما منی تلار اِنت و آییا هچ نااِنساپی و بدی مان نێست.

پِتْرُسئے دومی کاگد 1:6

گۆن شِهم و رَهداریا وتی زانتا، گۆن سبر و اۆپارا وتی شِهم و رَهداریا، گۆن هُدادۆستیا وتی سبر و اۆپارا،

په تیتوسا پولُسئے کاگد 2:7

تئو هر شرّێن کارا په آیان مسالے ببئے. تالیم دئیَگا تچک و راست و گْران و سنگین ببئے و

په تیتوسا پولُسئے کاگد 1:8

کماش باید اِنت مهمان‌نئواز ببیت، شَرّی و نێکیا دۆست بداریت، داشتی ببیت، پهرێزکار، پاک و پلگار و شِهم و رَهدار ببیت.

په تیموتاووسا پولُسئے ائولی کاگد 3:4

آ باید اِنت وتی لۆگئے مردمانی رهشۆنیا شَرّیئے سرا بکنت و په اِزّت وتی چُکّان اَنچۆ برۆدێنیت که آ پرمانبردار ببنت.

په تیموتاووسا پولُسئے ائولی کاگد 1:5

اے هُکمئے مکسد مِهر اِنت که چه سپاێن دل و پاکێن زمیر و دل‌سِتکێن ایمانێا پێدا بیت.

په تِسالونیکیان پولُسئے ائولی کاگد 5:6

گڑا بیاێت ماشُما اے دگرانی ڈئولا نکنێن و وابَ نکپێن، آگهَ مانێن و هُژّارَ بێن.

په پیلیپیان پولُسئے کاگد 4:8

براتان! نون گُڈسرا منَ گوَشان که هرچے که راست اِنت، هرچے که شَرپدار اِنت، هرچے که شَرّ اِنت، هرچے که پاک اِنت، هرچے که دۆستناک اِنت، هرچے که ستا کرزیت، هرچے که نێک اِنت و تئوسیپ کنگَ بیت، هما چیزّانی بارئوا پِگر بکنێت.

کاسِدانی کار 24:25

بله وهدے پولُسا هَکّ و اِنساپ، پهرێزکاری و جُست و پُرسئے آیۆکێن رۆچئے بارئوا هبر کرت، گڑا پیلیکْسا تُرست و گوَشتی: ”انّون تئو برئو، وهدے دَزگٹّ نبوتان، ترا پدا لۆٹان.“

لوکا 8:35

مردم شتنت تان گۆن وتی چمّان اے سرگوَستا بگندنت. ایسّائے کِرّا آتکنت و هما مردِش دیست که جِنّان یله کرتگ‌اَت، ایسّائے پادانی دێما نِشتگ، پُچّ و پۆشاکی گوَرا و په هۆش و سار اِنت. نون تُرسِش دلا نِشت.

مَرکاس 5:15

ایسّائے گوَرا که آتکنت دیستِش، هما مرد که پێسرا جِنّان گنۆک کرتگ‌اَت، همِدا نِشتگ، پُچّ و پۆشاکی گوَرا و په هۆش و سار اِنت. نون تُرسِش دلا نِشت.

په تیموتاووسا پولُسئے ائولی کاگد 3:8

همے پئیما باید اِنت کلیسائے هِزمتکار هم اِزّتمَندێن مردم ببنت، تَچک و راست ببنت، شرابی مبنت و په زَرّ و مالا لالِچ و تماه مکننت.

په تیموتاووسا پولُسئے ائولی کاگد 1:2

په تیموتاووسا، که ایمانئے هسابا منی هکّیگێن چُکّ اِنت. چه هُداێن پت و مئے هُداوندێن ایسّا مَسیهئے نێمگا ترا رهمت و رهم و اێمنی سر بات.

په تیموتاووسا پولُسئے ائولی کاگد 1:10

په سْیَه‌کاران، په لئوات‌کاران، په گُلامانی تاجِران، په درۆگبند و درۆگێن سئوگند ورۆکان و په اے دگه هما مردمان جۆڑ کنگ بوتگ که راستێن تالیمئے هلاپ اَنت.

په تیموتاووسا پولُسئے ائولی کاگد 1:14

هئو، مئے هُداوندئے رهمتان منی سرا بێکساس گوَرت. منا چه هما ایمان و مِهرا سَررێچی کرت که چه ایسّا مَسیهئے نێمَگا رسنت.

په تیموتاووسا پولُسئے ائولی کاگد 5:1

گۆن کماشێن مردێنێا په تْرُندی هبر مکن. آییا اَنچش نسیَت بکن که وتی پتا کنئے، کَسترێن مردێنان چۆ وتی براتا،

په پیلیمونا پولُسئے کاگد 1:9

بله منِ پولُس که پیرمَردے آن و انّون ایسّا مَسیهئے هاترا بندیگ آن، مِهرئے بُنیادا گۆن تئو دَزبندیے کنان.