پولُسئے کاگد په رومیان 8:23 - هُدائے پاکێن کتاب، بلۆچی زبانا

²³ تهنا هستی نالگا نه‌اِنت، ما وت هم که چه روهئے ائولی بَر و سَمرا شریکدار بوتگێن، وتی درونا نالگا اێن، همے وهدا که په بێسبری وَدارا اێن که مارا په چُکّی بزوریت، تانکه مئے جِسم و جان آزات کنگ ببیت.

پولُسئے کاگد په رومیان 8:23 Referans Kwoze

په گَلاتیان پولُسئے کاگد 5:5

بله ایمانئے سئوَبا، ما چه پاکێن روهئے برکتا هما پاکی و پلگاریئے ودارا اێن که مارا آییئے اُمێت هست.

پولُسئے کاگد په رومیان 7:24

اُه که من چۆنێن سیَه‌رۆچێن مردمے آن. کئے منا چه اے مَرکیگێن جِسما رَکّێنیت؟

پولُسئے کاگد په رومیان 8:19

چێا که سجّهێن هستی، په بێسَبری همے وَدارا اِنت که هُدائے چُکّ کدێن زاهر کنگَ بنت.

لوکا 20:36

آ هچبر پدا نمرنت و پرێشتگانی ڈئولا اَنت، هُدائے چُکّ اَنت، چێا که نمیرانێن زِندئے چُکّ اَنت.

یوهَنّائے ائولی کاگد 3:2

او دُردانگان! انّون ما هُدائے چُکّ اێن، بله اَنگت زانگ نبوتگ که ما چے جۆڑ بئیگی اێن، همینچُکَ زانێن، وهدے آ زاهرَ بیت ما هم هماییئے ڈئولا بێن، پرچا که آ وهدی ما آییا هما پئیما گِندێن که آ هست.

لوکا 21:28

وهدے اے جاوَرَ کاینت و رسنت، گڑا وتی سرا بُرز کنێت و تچکاتچک بۆشتێت که شمئے رَکّێنگئے وهد نزّیکّ اِنت.“

پِتْرُسئے ائولی کاگد 1:7

اے چَکّاس پمێشکا کاینت که شمئے مُهر و مُهکمێن باور ایسّا مَسیهئے زاهر بئیگئے وهدا ستا کنگ و ساڑایگ و اِزّت دئیگ ببیت. شمئے باور چه زئوال بئیۆکێن سُهر و تلاها باز گێشترَ کرزیت، بِلّ تُرے سُهر چه آسا گوَستگ.

په تیموتاووسا پولُسئے دومی کاگد 4:8

نون پاکی و پلگاریئے تاج په من اێر اِنت، هما تاج که هُداوند، بزان آدلێن دادرس وتی آیگئے رۆچا منا دنتی، تهنا منا نه، هما سجّهێن مردمان هم دنتی که آییئے زاهر بئیَگئے لۆٹۆک بوتگ‌اَنت.

پولُسئے کاگد په رومیان 5:5

اُمێت مارا دلپرۆش بئیگا نئیلیت، چێا که هُدائے مِهر مئے دلا اێر رێچگ بوتگ، چه هما پاکێن روهئے راها که مارا بَکشگ بوتگ.

پولُسئے کاگد په رومیان 5:3

تهنا اِشیئے سرا نه، وتی سکّیانی سرا هم گَل و شادهیَ کنێن، چێا که زانێن سکّیئے بَر و سَمر سبر و اۆپار اِنت.

پولُسئے کاگد په رومیان 5:11

بله نه تهنا په همینچُکا، ما چه وتی هُداوند ایسّا مَسیهئے راها هُدائے سرا پَهرَ بندێن، هما ایسّا که آییئے سئوَبا اَنّون مارا سُهل و وشّانی رَستگ.