پولُسئے کاگد په رومیان 7:8 - هُدائے پاکێن کتاب، بلۆچی زبانا

⁸ بله گناها چه هما هُکما سوتّ و پائدگ زُرت و منی دلا هر پئیمێن تَماه‌ای پێدا کرت. چێا که چه شَریَتا ڈنّ، گناه مُرتگ.

پولُسئے کاگد په رومیان 7:8 Referans Kwoze

پولُسئے کاگد په رومیان 7:11

گناها چه اے هُکما سوتّ و پائدگ زُرت، منا رَدی دات و چه همے هُکما کُشتی.

پولُسئے کاگد په رومیان 4:15

چێا که شَریَت کَهر و گَزبَ کاریت. بله اۆدا که شَریَت نێست‌اِنت، شَریَت پرۆشگ هم نبیت.

پولُسئے کاگد په رومیان 7:13

گڑا آ چیزّ که نێک اِنت، منی مَرکئے سئوَب بوت؟ هچبر! چه آ شَریَتا که وت نێک اِنت، گناها منا دێم په مَرکا برت تان گناه، گناه زانگ و پجّارگ ببیت و چه شَریَتئے هُکما آییئے شِرّی و گَندگی بێهِساب ببیت.

پولُسئے کاگد په رومیان 5:20

نون، شَریَت آتک که ناپرمانی گێشتر ببیت، بله جاهے که گناه گێش بوت، رهمت هم سررێچتر بوت،

یوهَنّا 15:22

اگن من مئیاتکێنان و گۆن آیان هبرُن مکرتێن، آ بێمئیار اَتنت. بله نون آیان په وتی گناهان هچّ اُزر و نیمّۆنے نێست.

پولُسئے کاگد په رومیان 7:17

نون، چه اِد و رَند، اے من نه‌آن که آ کارا کنت، اے هما گناه اِنت که منی دلا نِشتگ.

یوهَنّا 15:24

اگن آیانی دێما من آ کار مکرتێننت که دگه کَسّا نکرتگ‌اَنت، بێمئیار اَتنت. بله نون وَه آیان اے کار دیستگ‌اَنت و اَنگت چه من هم نَپرتَ کننت و چه منی پتا هم.

مَرکاس 7:22

لالچ و تَماه، بَدواهی، مَندْر، وئیلانکی، هَسَدّ، کُپر، تَکبّر و اَهمکی.

پولُسئے کاگد په رومیان 3:20

پرچا که هچکَس چه شَریَتئے کار بندگا هُدائے دێما پهرێزکار زانگَ نبیت، چێا که شَریَت مردما سرپدَ کنت که گناه چێے.

پولُسئے کاگد په رومیان 7:9

یکّ وهدے من چه شَریَتا ڈنّ زِندَ گوازێنت، بله اَنچُش که شَریَتئے هُکم آتک، گناه زِندگ بوت و من مُرتان.