پولُسئے کاگد په رومیان 5:15 - هُدائے پاکێن کتاب، بلۆچی زبانا

¹⁵ بله بَکشش و ٹێکی، ناپرمانیئے پئیما نه‌اِنت. اگن یکّ کَسێئے ناپرمانیئے سئوَبا بازێنے مُرت، بله هُدائے رَهمت و ٹێکی چینچُک گێشتر، بازێن مردمێا سر بوت، اے ٹێکی که چه هما یکّێن اِنسانئے رَهمتا رست، بزان چه ایسّا مَسیهئیگا.

پولُسئے کاگد په رومیان 5:15 Referans Kwoze

پولُسئے کاگد په رومیان 6:23

پرچا که گناهئے مُزّ مَرک اِنت بله هُدائے بَکشش نمیرانێن زِند اِنت که چه مئے هُداوند ایسّا مَسیهئے راها رسیت.

پولُسئے کاگد په رومیان 5:12

گڑا هما پئیما که گناه یکّ کَسێئے سئوَبا جهانا آتک و مَرک چه گناها، همے ڈئولا مَرک هم سجّهێن مردمانی نیاما شِنگ و تالان بوت، چێا که سجّهێنان گناه کرت.

یوهَنّائے ائولی کاگد 5:11

آ گواهی اِش اِنت که هُدایا مارا نمیرانێن زِند بَکشتگ و اے زِند چه هُدائے چُکّئے نێمگا اِنت.

یوهَنّائے ائولی کاگد 2:2

آ مئے گناهانی شۆدۆکێن کُربانیگ اِنت، تهنا مئێگ نه، سجّهێن جهانئے گناهانی کُربانیگ اِنت.

یوهَنّا 4:10

ایسّایا آییئے پَسّئوا گوَشت: ”اگن تئو بزانتێن که هُدائے داد و بَکشش چێے و اے کئے اِنت که چه تئو آپَ لۆٹیت، گڑا اَلّما تئو گۆن آییا دَزبندی کرتگ‌اَت که منا آپ بدئے و آییا ترا زنداپ داتگ‌اَت.“

یوهَنّا 3:16

چێا که هُدایا جهانئے مردم همینچُک دۆست داشتنت که وتی یکّ و یکدانگێن چُکّی نَدر کرت تانکه هرکَس که هُدائے چُکّئے سرا ایمانَ کاریت، گار و زیان مبیت و تان اَبد زندگ بمانیت.

مَتّا 26:28

اے منی اَهد و کَرارئے هۆن اِنت، که په بازێنێئے گناهانی بَکشگا رێچگَ بیت.

مَتّا 20:28

همے ڈئولا، انسانئے چُکّ نئیاتکگ که مردم آییئے هِزمتا بکننت، آتکگ که مردمانی هِزمتا بکنت و گۆن وتی ساهئے دئیگا، بازێنێا برَکّێنیت.“

دانیال 12:2

بازێنے که زمینئے هاکانی تها واب اِنت، جاهَ جنت، لهتێن په اَبدمانێن زِندا و لهتێن په پَشَلی و اَبدمانێن کَمشرپیا.

کاسِدانی کار 15:11

اِنّه! مارا باور اِنت، اَنچُش که ما گۆن هُداوندێن ایسّائے مِهر و رهمتئے تُهپَها رَکّێن، همے ڈئولا آ هم رَکّنت.“