پولُسئے کاگد په رومیان 15:4 - هُدائے پاکێن کتاب، بلۆچی زبانا

⁴ هر چیزّے که پێسرا نِبیسگ بوتگ، په مئے تالیما بوتگ، تان گۆن پاکێن کتابئے بَکشتگێن سَبر و دِلبڈّیا مارا اُمێت برسیت.

پولُسئے کاگد په رومیان 15:4 Referans Kwoze

پولُسئے کاگد په رومیان 12:12

په اُمێتواری گَل و شادهی بکنێت، سکّیانی تها سبر و اۆپار پێش بدارێت و وتی دْوایان مُهر بۆشتێت.

پِتْرُسئے ائولی کاگد 1:13

وتی لانکا ببندێت و هُژّار ببێت. زِندا په شِهم و رَهداری بگوازێنێت. وتی اُمێتا په هُدائے هما رهمتان ببندێت که ایسّا مَسیه وتی زاهر بئیگئے وهدا په شما رسێنیتِش.

زَبور 102:18

بِلّ که اے په آیۆکێن نَسلێا نبیسگ ببیت و اَنچێن کئومے که اَنگت اڈّ نبوتگ، هُداوندا ستا و سنا بکنت.

زَبور 119:50

سکّی و سۆریان منی تسلّا همِش اِنت، تئیی کئول منا زندگَ داریت.

په تِسالونیکیان پولُسئے ائولی کاگد 1:3

ما وتی هُداێن پتئے دێما مُدام شمئے باوَرمندی کاران و پُرمِهرێن زهمتان و سَگّ و برداشتا یاتَ کنێن که آیانی سرچمّگ هما اُمێت اِنت که شمارا مئے هُداوندێن ایسّا مَسیهئے سرا هست‌اِنت.