پولُسئے کاگد په رومیان 14:9 - هُدائے پاکێن کتاب، بلۆچی زبانا

⁹ مَسیه پمێشکا مُرت و پدا زِندگ بوت که مُردگانی هم هُداوند ببیت و زِندگێنانی هم.

پولُسئے کاگد په رومیان 14:9 Referans Kwoze

اِلهام 1:18

من زندگێن آن. من مُرتگ‌اَتان و بچار، نون زندگ آن، اَبد تان اَبد. مرک و مُردگانی جهانئے کِلیت منا گۆن اَنت.

لوکا 24:26

مَسیها په وتی شان و شئوکتئے رَسگا، اے سکّی و سۆری سگّگی نه‌اتنت؟“

په تیموتاووسا پولُسئے دومی کاگد 4:1

من ترا هُدا و ایسّا مَسیهئے دێما سئوگِندَ دئیان، هما ایسّا مَسیه که رۆچے نه رۆچے پدا کئیت. کئیت و بادشاهیَ کنت و زندگێن و مُرتگێنانی دادرسیا کنت،

کاسِدانی کار 10:42

آییا هُکم کرت که ما اے مِستاگا په مردمان جار بجنێن و گواهی بدئیێن که آ هُدائے گچێن کرتگێن اِنت تان زندگ و مُردگانی کازی ببیت.

مَتّا 28:18

ایسّایا گۆن آیان گوَشت: ”آسمان و زمینئے سجّهێن زۆر و واک منی دستا دئیگ بوتگ.

پِتْرُسئے ائولی کاگد 4:5

بله اے مردمان هماییئے دێما جواب دئیگی اِنت که په سجّهێن زندگێن و مُرتگێنانی دادرسیا تئیار اِنت.

پِتْرُسئے ائولی کاگد 1:21

چه آییئے وَسیلها، شمارا هُدائے سرا باور هست، هما هُدائے سرا که مَسیهی چه مُردگان زِندگ کرت و شان و شئوکتی دات. پمێشکا، شما هُدائے سرا باوَرَ کنێت و چه هماییا اُمێتوار اێت.

کاسِدانی کار 10:36

شما زانێت که هُدایا په بنی اِسراییلیان وتی کُلئو راه دات و چه ایسّا مَسیهئے راها، که سجّهێنانی هُداوند اِنت، سُهل و اێمِنیئے مِستاگ دات.

اِلهام 2:8

په سَمورنائے کِلیسائے پرێشتگا نبشته کن: اے هما ائولی و آهریئے هبر اَنت که مُرتگ‌اَت و پدا زندگ بوت. آ چُشَ گوَشیت:

یوهَنّا 12:24

شمارا راستێنَ گوَشان، اگن گَندُمئے دانَگ هاکئے چێرا مرئوت و ممِریت، هچبر چه یکّ دانَگێا گێشترَ نبیت، بله اگن بمریت، بازێن دانَگے پێدا کنت.

پولُسئے کاگد په رومیان 10:9

اگن گۆن دپا بمَنّئے که ایسّا هُداوند اِنت و په دل باور بکنئے که هُدایا آ چه مُردگان جاه جناێنتگ، رَکّێنگَ بئے.

په تِسالونیکیان پولُسئے ائولی کاگد 4:14

اگن مارا باور اِنت که ایسّا مرت و پدا زندگ بوت، گڑا مارا اے هم باور اِنت که ایسائے هما باوَرمند که مرکئے وابا وپتگ‌اَنت، هُدا آیان ایسّائے همراهیا پدا کاریت.

په تِسالونیکیان پولُسئے ائولی کاگد 5:10

آ په ما مُرت که ما، تُرے زندگ ببێن یا مرکا واب، گۆن آییا زندگ بمانێن.