پولُسئے کاگد په رومیان 14:6 - هُدائے پاکێن کتاب، بلۆچی زبانا

⁶ آ کَس که یکّ رۆچێا هاسێن رۆچے زانت، په هُداوندئیگی چُشَ کنت. آ کَس که وارت هم په هُداوندئیگیَ وارت، پرچا که هُدائے شُگرا گیپت و آ کَس که چه ورگا پهرێزَ کنت، په هُداوندئیگی چُشَ کنت و هُدائے شُگرا گیپت.

پولُسئے کاگد په رومیان 14:6 Referans Kwoze

مَتّا 15:36

گڑا هپتێن نان و ماهیگی زرتنت، هُدائے شُگری گپت، نانی چُنڈ چُنڈ کرت و مریدانی دستا داتنت و مریدان مردمانی سرا بهر کرتنت.

مَتّا 14:19

گڑا آییا مردم سبزگێن کاهانی سرا نندگئے پرمان داتنت، رَندا پنچێن نان و دوێن ماهیگی زرتنت، آسمانئے نێمگا چارتی و هُدائے شُگری گپت، گڑا نانی چُنڈ چُنڈ کرت و مریدانی دستا داتنت. مریدان نان مردمانی سرا بهر کرتنت.

په گَلاتیان پولُسئے کاگد 4:10

شما رۆچ و ماه و مۆسم و سالانی رسمانَ دارێت.

یوهَنّا 6:28

گڑا جُستِش کرت: ”ما چۆن هما کاران سَرجم بکنێن که هُدااِش چه ما لۆٹیت؟“

دَرگوَز 16:25

موسّایا گوَشت: ”مرۆچی اِشان بوَرێت چێا که مرۆچیگێن رۆچ په هُداوندا شَبَّتے. مرۆچی اے وراک زمینا اێر آرگَ نبیت.

دَرگوَز 12:42

اے سجّهێن شپا هُداوندا آیانی نگهپانی کرت که آیان چه مِسرا در بکنت، پمێشکا اے شپ په اِسراییلیان هُداوندئے ناما شَپ‌پاسیے و باید اِنت سجّهێن اِسراییلی اے شَپ‌پاسیا نَسلانی نَسل برجاه بدارنت.

دَرگوَز 12:14

اے په شما یاتگارێن رۆچے ببیت. شما باید اِنت اے رۆچا هُداوندئے ناما جَشنے بکنێت. اے جشنا نَسلانی نَسل اَبدی پرمانێئے هسابا برجاه بدارێت.