پولُسئے کاگد په رومیان 1:2 - هُدائے پاکێن کتاب، بلۆچی زبانا

² هما وشّێن مِستاگ که هُدایا پێسرا وتی نَبیانی وَسیلها، پاکێن کتابانی تها وادَه داتگ‌اَت.

پولُسئے کاگد په رومیان 1:2 Referans Kwoze

په تیتوسا پولُسئے کاگد 1:2

اے زانت مارا ابدمانێن زندئے اُمێتا دنت و هُدا که درۆگَ نبندینت، آییا هم چه اَزلا اے ابدمانێن زندئے واده کرتگ.

لوکا 1:70

اَنچُش که آییا بازێن وهدێا پێسر، چه وتی پاکێن نبیانی زبانا کئول داتگ.

پولُسئے کاگد په رومیان 16:26

بله نون پاشک و پَدّر بوتگ و گۆن اَبدمانێن هُدائے هُکم و پرمانا چه نَبیانی نبشتانکان دَرکئومانی نیاما پَجّارێنگ بوتگ، تان سجّهێن کئوم باور بکننت و بمَنّنت.

پولُسئے کاگد په رومیان 3:21

بله نون چه شَریَتا ڈنّ، هُدائے بَکشتگێن پاکی و پَلگاری زاهر بوتگ که شَریَت و نَبیان په آییا گواهی داتگ.

پولُسئے کاگد په رومیان 3:2

هر پئیما که بچارێن، اِشانی پائدگ باز اِنت. ائولی گپّ اِش اِنت که هُدایا وتی هبر یَهودیانی سپرده کرتگ.

کاسِدانی کار 10:43

سجّهێن پئیگمبر، ایسّائے بارئوا گواهیَ دئینت، هرکَس آییئے سرا ایمان بیاریت، گناهی آییئے ناما بَکشگَ بنت.“

کاسِدانی کار 26:6

نون، پمێشکا هَکدیوانا آرگ بوتگان که هُدائے هما لَبز و کئولئے سَرجم بئیگا دلجم و سَدّک آن که آییا گۆن مئے پت و پیرُکان کرتگ.

مَتّا 1:22

اے سجّهێن کار پمێشکا چُش بوتنت تان هُداوندئے هما هبر راست و پَدّر ببنت که آییا چه نبیئے زبانا گوَشتگ‌اَنت:

کاسِدانی کار 13:32

انّون ما په شما همے مِستاگا دئیگا اێن، آ کئول که هُدایا گۆن مئے پت و پیرُکان کرتگ‌اَت،