اِلهام 2:27 - هُدائے پاکێن کتاب، بلۆچی زبانا

²⁷ آ گۆن آسنێن اَساێا اَنچۆ کئومانی سرا هُکمرانیَ کنت که کونزگ پرۆشگَ بنت.

اِلهام 2:27 Referans Kwoze

اِلهام 12:5

جنێنا مردێن‌چُکّے پێدا کرت، هما که آییا سجّهێن کئومانی سرا گۆن آسنێن اَساێا هُکمرانی کنگی اِنت. جنێنئے چُکّ پَچ گرگ و هُدا و آییئے تَهتئے کرّا برگ بوت.

اِلهام 19:15

چه اسپ‌سوارئے دپا تێزێن زهمے در آیگا اِنت تانکه گۆن اِشیا کئومان بجنت و گۆن آسنێن اَساێا آیانی سرا هُکمرانی بکنت. آ، پُرواکێن هُدائے گَزب و هِژمئے شَرابکَشّی هئوزا لَگَت دئیگا اِنت.

مَتّا 11:27

سجّهێن چیزّ، پتا منی دستا داتگ‌اَنت. اَبێد چه پتا، هچکَس چُکّا نزانت. همے ڈئولا، دگه هچکَس پتا نزانت، اَبێد چه چُکّا و هما مردمان که چُکّ بلۆٹیت پتا په آیان پَدّر بکنت.

یوهَنّا 17:24

او پت! منَ لۆٹان که هما مردم که تئو منا داتگ‌اَنت، همۆدا گۆن من یکجاه ببنت که من آن تانکه هما شئوکتا بگندنت که تئو منا داتگ، چێا که چه جهانئے جۆڑ بئیگا پێسر هم تئو منا دۆست داشتگ.

لوکا 22:29

هما ڈئولا که پتا منا بادشاهی بَکشتگ، من هم آییا شمارا بکْشان

زَبور 49:14

پسانی پئیما دێم په مُردگانی جهانا راه دئیگَ بنت، همۆدا که مرک آیانی شپانکَ بیت. بامگواهان، نێکدل آیانی سرا هُکمرانیَ کننت و آیانی جسم و جان کبرا پوسّیت، دور چه بُرزێن ماڑیان.

دانیال 7:22

تانکه هما آتک که چه زمانگان هست‌اِنت و برزێن اَرشئے هُدائے پاکێنانی هَکّا دادرسی‌ای کرت و هما وهد رَسِت که اے پاکێنان بادشاهی وتی مِلکت کرت.‘

دانیال 7:18

بله بادشاهی، بُرزێن اَرشئے هُدائے پاکێن مردمان دئیگَ بیت و اَبد تان اَبد همایانی مِلکتَ بیت.