اِلهام 19:1 - هُدائے پاکێن کتاب، بلۆچی زبانا

¹ چه اے چیزّان و رند من اَنچێن مزنێن تئوارے اِشکت، گوَشئیگا آسمانا سکّێن بلاهێن مُچّیێئے تئوار اَت، گوَشگا اَتنت: ”هُداوندا بنازێنێت، هَلّێلویا. رَکّێنگ و شئوکت و زۆر مئے هُدائیگ اَنت،

اِلهام 19:1 Referans Kwoze

اِلهام 11:15

هپتمی پرێشتگا وتی کَرنا جَت. آسمانا بُرزێن تئوار اَتنت که گوَشگا اَتنت: ”دنیائے بادشاهی مئے هُداوند و آییئے مَسیهئے بادشاهی جۆڑ بوتگ و آ اَبد تان اَبد بادشاهیَ کنت.“

مَتّا 6:13

مارا آزمائِش و چَکّاسا دئور مدئے و چه شئیتانا برَکّێن.‘

اِلهام 19:6

پدا من اَنچێن تئوار اِشکت که چۆ مزنێن مُچّی و بازێن آپ و تْرندێن گْرندانی تئوارا اَتنت که گوَشتِش: ”هُداوندا بنازێنێت، هَلّێلویا. چێا که مئے پُرواکێن هُداوندێن هُدا هُکمرانیَ کنت.

اِلهام 12:10

پدا من بُرزێن تئوارے چه آسمانا اِشکت که گوَشگا اَت: ”نون مئے هُدائے رَکّێنگ و زۆر و بادشاهی و آییئے مَسیهئے اِهتیار رَستگ، چێا که مئے براتانی بُهتام جنۆک، هما که رۆچ و شپ آیانی سرا مئے هُدائے دێما بُهتام جنَگا اَت، گلّێنگ بوتگ.

زَبور 148:1

هُداوندا بنازێنێت، هَلّێلویا. چه آسمانان هُداوندا بنازێنێت، برزێن جاگهان آییا ستا کنێت.

زَبور 150:1

هُداوندا بنازێنێت، هَلّێلویا. هُدایا آییئے پاکێن اَرشا ستا کنێت، آییئے زۆر و واکئے آسمانان.

زَبور 146:1

هُداوندا بنازێنێت، هَلّێلویا. او منی ارواه! هُداوندا بنازێن.

زَبور 115:18

اے ما اێن که هُداوندا ستا دئیێن، انّون تان اَبد. هُداوندا بنازێنێت، هَلّێلویا.

زَبور 106:1

هُداوندا بنازێنێت، هَلّێلویا. هُداوندئے شُگرا بگرێت که نێک اِنت و مِهری اَبدمان.

زَبور 3:8

رَکّێنۆک هُداوند اِنت، تئیی برکت تئیی کئوما برسات! اۆشت...

زَبور 149:1

هُداوندا بنازێنێت، هَلّێلویا. په هُداوندا نۆکێن سئوتے بجنێت و آییا، آییئے وپادارانی مُچیا بنازێنێت.

زَبور 111:1

هُداوندا بنازێنێت، هَلّێلویا. چه دلئے جُهلانکیا هُداوندئے شُگرا گران، نێکدلانی دیوانا، مُچّیئے نیاما.

زَبور 62:11

هُدایا یک هبرے گوَشتگ و من دو اِشکتگ که زۆر و کدرت هُدائیگ اِنت و

زَبور 104:35

بله گُنهکار چه زمینا گار و گُمسار باتنت و بَدکار پَشت مکپاتنت. هُداوندا بنازێن، او منی اَرواه! هُداوندا بنازێنێت، هَلّێلویا.