اِلهام 15:6 - هُدائے پاکێن کتاب، بلۆچی زبانا

⁶ هپتێن پرێشتگ که هپتێن اَزابِش گۆن اَتنت، چه پرستشگاها ڈنّا در آتکنت. آیان سپا و رُژناێن لیلُمێن گُد و پۆشاک گوَرا اَت و سێنَگا تلاهێن پَٹّی‌اِش بستگ‌اَت.

اِلهام 15:6 Referans Kwoze

اِلهام 1:13

چِراگدانانی نیاما انسانی چُکّێئے ڈئولێنے دیستُن، دْراجێن پَشکے گوَرا اَتی که تان پادان اَت و سێنَگا تلاهێن پَٹّیے بستگ‌اَتی.

اِلهام 15:1

رندا من آسمانا دگه هئیران کنۆک و بلاهێن نشانیے دیست، هپت پرێشتگ که هپتێن گُڈسری اَزابِش گۆن اَتنت، گُڈسری، پمێشکا که گۆن اِشان هُدائے گَزب سَرجمَ بیت.

اِلهام 14:15

دگه پرێشتگے چه پرستشگاها در آتک، په بُرزتئواریا دێم په هماییا کوکّارا اَت که جمبرئے سرا نِشتگ‌اَت: ”وتی داسا دێما بیار و برُن، چێا که رۆن و مۆشئے وهد آتکگ. زمینئے کِشار رَستگ و تئیار اِنت.“

لوکا 24:4

هئیران اَتنت و نزانتِش چے بکننت که اَناگت دو مرد، گۆن دْرپشۆکێن گُد و پُچّان آیانی کَشا اۆشتات.

دانیال 10:5

من وتی چمّ چست کرتنت، تَه دیست مردے لیلُمێن گُدی گوَرا و لانکا چه اوپازی تلاها اَڈّ کرتگێن کمربندے بستگی.

اِلهام 14:17

دگه پرێشتگے چه آسمانی پرستشگاها در آتک. آییا هم تێزێن داسے گۆن اَت.

اِلهام 19:8

آییا لیلُمێن، رُژنا و سپاێن گُد، په گوَرا کنگا دئیگ بوتگ.“ لیلُمێن گُد، هُدائے پَلگارتگێن مردمانی پهرێزکاری اَنت.