زَبور 90:17 - هُدائے پاکێن کتاب، بلۆچی زبانا

¹⁷ مئے هُداوندێن هُدائے مهربانی په ما سر بات، مئے دستانی کاران برکت بدئے، هئو، مئے دستانی کاران برکت بدئے.

زَبور 90:17 Referans Kwoze

په تِسالونیکیان پولُسئے دومی کاگد 2:16

مئے هُداوندێن ایسّا مَسیهئے جند و مئے هُداێن پت که مارا دۆستَ داریت و وتی رهمتئے برکتا مارا ابَدی دلبڈّی و شَرّێن اُمێتی داتگ،

زَبور 118:25

او هُداوند! مارا برَکّێن. او هُداوند! مارا سۆبێن کن.

زَبور 80:3

او هُدا! گۆن ما وشّان بئے وتی دێما گۆن ما رُژنا کن که ما برَکّێن.

زَبور 68:28

تئیی هُدائے پرمان اِنت که تئو زۆراور ببئے. او هُدا! اَنچش که پێسرا کرتگِت، وتی زۆر و واکا مارا پێش بدار.

زَبور 80:7

او لشکرانی هُدا! گۆن ما وشّان بئے وتی دێما گۆن ما رُژنا کن که ما برَکّێن.

زَبور 110:3

آ رۆچا که تئو وتی لشکرا مُچَّ کنئے، تئیی مردم په شئوکے گۆنَ بنت. گۆن پاکیئے شان و زێباییا تئیی ورنا تئیی گوَرا کاینت، چۆ که نۆد چه بامگواهئے باتِنا.

زَبور 50:2

هُدا چه سَهیونا که زێباییئے کمال اِنت، وتی نورا دْرپشانَ کنت.

زَبور 27:4

چه هُداوندا یک چیزّے لۆٹتگُن و همِشیئے پد و رندا بان، که وتی زِندئے سجّهێن رۆچان هُداوندئے لۆگا جهمنند ببان، تانکه هُداوندئے زێباییا بگندان و پرستشگاها چه هماییا رهشۆنی بلۆٹان.

یوهَنّائے ائولی کاگد 3:2

او دُردانگان! انّون ما هُدائے چُکّ اێن، بله اَنگت زانگ نبوتگ که ما چے جۆڑ بئیگی اێن، همینچُکَ زانێن، وهدے آ زاهرَ بیت ما هم هماییئے ڈئولا بێن، پرچا که آ وهدی ما آییا هما پئیما گِندێن که آ هست.