زَبور 90:13 - هُدائے پاکێن کتاب، بلۆچی زبانا

¹³ دێم په ما پِر تَرّ، او هُداوند! تان کدێن چُشَ بیت؟ وتی هزمتکارانی سرا رَهم کن.

زَبور 90:13 Referans Kwoze

زَبور 106:45

گۆن آیان وتی اَهد و کراری یات کرت و چه وتی بازێن مِهرا، چه آیانی بدیان سر گوَست.

زَبور 135:14

چێا که هُداوند وتی مهلوکئے دادرسیا کنت و په وتی هزمتکاران رهمَ کنت.

زَبور 80:14

او لشکرانی هُدا! مئے گوَرا پِر ترّ، چه آسمانا دلگۆش کن و بچار، اے انگورئے دلگۆشا بدار،

زَبور 89:46

تان کدێن، او هُداوند! وتا تان اَبد چێرَ دئیئے؟ تان کدێن تئیی هِژم چۆ آسا رۆکَ مانیت؟

زَبور 74:10

او هُدا! تان کدێن دژمن تئیی سرا بکندیت؟ دژمن تان اَبد تئیی ناما بَد و رَد بکنت؟

دَرگوَز 32:14

هُداوندا اِراده کرتگ‌اَت که وتی مهلوکئے سرا بلاهے دئورَ دئیان، بله اِرادهی بدل کرت.

دَرگوَز 32:12

چێا مِسری بگوَشنت: ’اے مردمی چه مِسرا په بدنیّتی در کرتنت که کۆه و گیابانان ببارت و بکُشیتِش و چه جهانا گارِش بکنت‘؟ وتی هِژمئے آسا کُش. وتی اِرادها بدل کن و اے بلاها وتی مهلوکئے سرا دئور مدئے.

زَبور 6:5

چیا که مُردگ ترا یات کرتَ نکننت، کئے اِنت که چه مُردگانی جهانا تئیی شُگرا بگیپت؟

زَبور 80:15

همے انگورئے که تئیی راستێن دستا کِشت، همے چُکّئے که تئو په وت رۆدێنت و زۆرمند کرت.