زَبور 9:12 - هُدائے پاکێن کتاب، بلۆچی زبانا

¹² چیا که آ که هۆنانی بێرگیر اِنت، اِشان یاتَ کنت زُلم دیستگێنانی پِریاتانَ نشمۆشیت.

زَبور 9:12 Referans Kwoze

دَرگوَز 3:7

هُداوندا گوَشت: ”منی مهلوک که مِسرا اِنت، من آیانی بزّگی شَرّیا دیستگ. من دیستگ که وتی بیگارگیرانی سئوَبا چۆن پِریاتَ کننت. آیانی دردان شَرّیا زانان.

زَبور 34:6

اے مِسکینا تئوار پِر جت، هُداوندا آییئے تئوار اِشکت و چه سجّهێن سکّیان رَکّێنتی.

اِلهام 16:6

اِشان تئیی پَلگارتگێن مردم و پئیگمبرانی هۆن رێتکگ، پمێشکا تئو اِشانا هۆن په نۆشگا داتگ. اے همِشیئے لاهک اَنت.“

پێدایش 9:5

هرکَس که شمئے هۆنا برێچیت و ساها بگیپت، من چه آییا هسابَ گِران. چه هر هئیوانا هسابَ گِران و چه هر اِنسانا. چه هما مردما هسابَ گِران که دگه مردمێا کُشیت، چێا که مردم برات اَنت.

زَبور 22:24

چیا که آییا چه سِتم دیستگێنئے بزّگیا پُشت نکرتگ و دێمی چه آییا نترّێنتگ. پریاتی که کرتگ آییا اِشکتگ‌اَنت.

زَبور 102:17

آ بزّگانی دْوایان گۆشَ داریت و چه آیانی پریاتان نادلگۆشَ نبیت.

زَبور 10:17

او هُداوند! تئو بزّگانی واهگان گۆشَ دارئے، آیان دلبڈیَ دئیئے و هبرانِش اِشکنئے.

زَبور 10:14

بله اَلبت تئو گندئے. سَکّی و سۆریانَ گندئے، تان کار و اِهتیارا وتی دستا بدارئے. بزّگ و بێچارگ وتا تئیی سپردگَ کننت، چۆرئوانی مَدَت کنۆک تئو ائے.

دَرگوَز 3:9

بچار، بنی اِسراییلیانی پریات منی کرّا سر بوتگ، من هما زُلم هم دیستگ‌اَنت که مِسری آیانی سرا کننتِش.

مَتّا 23:35

گڑا چه هابیلا بگر تان بَرَکیائے چُکّ زَکَریایا، که شما مزنێن پرستشگاه و کُربانجاهئے نیاما کُشت، اے سجّهێن پهرێزکارانی هۆن که جهانا رێچگ بوتگ، شمئے گردنا بیت.

زَبور 68:17

هُدائے اَرّابه هزارانی هزار و لکّانی لکّ اَنت، هُداوند چه سینائے کۆها وتی پاکێن جاگها آتکگ.

زَبور 74:2

وتی کئومئے یاتا بکپ، که تئو چه دێرێن زمانگان په بها زرتگ‌اتنت، که تئو مۆکِتگ‌اَنت تان تئیی کئوم و میراس ببنت. سَهیونئے کۆهئے هئیالا بکپ که اۆدا جهمنند بوتگئے.

زَبور 76:3

آسگوارێن تیری همۆدا پرۆشتنت، زَهم و اِسپر هم، که جنگی سِلاه اَنت. اۆشت...

زَبور 132:13

چێا که هُداوندا سَهیون در چتگ و په وتی منندجاها دۆستی بوتگ، گوَشتگی: