زَبور 86:13 - هُدائے پاکێن کتاب، بلۆچی زبانا

¹³ که په من تئیی مِهر سکّ مزن اِنت، تئو منا چه جُهلانکیان رَکّێنتگ، چه مُردگانی جهانا.

زَبور 86:13 Referans Kwoze

لوکا 1:58

آییئے چِلّگیئے هال که سیاد و همساهگان سر بوت و اِشکتِش هُداوندا آییئے سرا مزنێن مِهر و رهمتے کرتگ، گڑا گۆن آییئے وشّیا هۆر و شریکدار بوتنت.

زَبور 56:13

چیا که تئو، او هُدا، منا چه مرکا رَکّێنئے و منی پادان چه لَکُشَگا دارئے، که زِندئے رُژنا تئیی بارگاها گام بجنان.

زَبور 116:8

او هُداوند! تئو منی اَرواه چه مَرکا رَکّێنت، منی چمّ چه ارسان و پاد چه لَکُشَگا

زَبور 57:10

چیا که تئیی مِهر باز اِنت، تان اَرشا رسیت و تئیی وپاداری تان جمبران.

په تِسالونیکیان پولُسئے ائولی کاگد 1:10

آییئے چُکّئے ودارا ببێت، هما که چه آسمانا کئیت، هما که هدایا چه مُردگان زندگ کرت بزان ایسّا که مارا چه آیۆکێن گزَبا رَکّێنیت.

زَبور 30:3

منی اَرواه چه مُردگانی جهانا در آورت و چه آیانی نیاما که کَلّ و کبر بوتنت زندگ کرت.

زَبور 16:10

چیا که تئو منا مُردگانی جهانا یلهَ نکنئے و وتی دۆستدارا سَڑَگ و پوسّگا نئیلئے.

زَبور 88:6

تئو منا جُهلترێن کَنڈا دئور داتگ، تهارێن جُهلانکیا.

زَبور 108:4

که تئیی مِهر باز اِنت، چه آسمانان بُرزتِر، تئیی وپاداری تان جمبران اِنت.

زَبور 30:4

او هُداوندئے دۆستداران! په هُداوندا نازێنک بجنێت، آییئے پاک و پَلگارێن نامئے شُگرا بگرێت.