زَبور 86:11 - هُدائے پاکێن کتاب، بلۆچی زبانا

¹¹ وتی راها منا سۆج دئے، او هُداوند، که تئیی راستێن راها برئوان، منی دلا سَرجما گۆن وت کن که چه تئیی ناما بتُرسان.

زَبور 86:11 Referans Kwoze

زَبور 5:8

او هُداوند! په منی دژمنانی سئوَبا، گۆن وتی اَدل و اِنساپا منا رهشۆنی بدئے و وتی راها په من ساپ و تچک بکن.

زَبور 119:33

او هُداوند! وتی هُکمانی راها منا سۆج دئے، که تان آهِرا بدارانِش.

زَبور 25:12

کئے اِنت هما که په دل هُداتُرس ببیت؟ هُداوند آییا هما راستێن راها سۆجَ دنت که باید اِنت گچێنی بکننت.

زَبور 27:11

او هُداوند! وتی راها منا سۆج دئے، دژمنانی سئوَبا منا راست و تچکێن راها رهشۆن بئے.

زَبور 26:3

چیا که تئیی مِهر مُدام منی چمّانی دێما اِنت و تئیی وپاداریئے ساهگا گامَ جنان.

یوهَنّائے دومی کاگد 1:4

گَل و شادان بوتان وهدے زانتُن تئیی لهتێن چُکّ، راستیئے سرا زِندَ گوازێنیت، هما ڈئولا که پتا مارا هُکم کرتگ.

زَبور 119:73

منا تئیی دستان اَڈّ کرت و شِکل و درۆشم دات، منا اَگل و هۆش بدئے که تئیی هُکمان سرپد ببان.

زَبور 119:30

من وپاداریئے راه در چتگ، وتی دل تئیی هُکمانی منّۆک کرتگ.

کاسِدانی کار 2:46

آ، هر رۆچ گۆن همدلی، مزنێن پرستشگاها مُچَّ بوتنت و وتی لۆگان هم په وشّی و دلسِتکی نانِش بهرَ کرت و هۆریگا وراکِشَ وارت.