زَبور 8:2 - هُدائے پاکێن کتاب، بلۆچی زبانا

² په وت ستا و سنا، چُکّ و شیرمِچێن نُنُّکانی دپا هم داتگ که تئیی دژمنانی سئوَبا ترا ستا بکننت، تانکه دژمن و بێرگیران چُپّ و بێتئوار بکنئے.

زَبور 8:2 Referans Kwoze

مَتّا 21:16

چه ایسّایا جُستِش کرت: ”اِشکنگا ائے اے چُکّ چے گوَشگا اَنت؟“ گوَشتی: ”هئو! اِشکنگا آن. شما هچبر نئوانتگ که: ’تئو وتی ستا و سنا چُکّ و شیرمِچێن نُنُّکانی دپا هم داتگ که ترا ستا بکننت‘؟“

زَبور 46:10

”وتا بدارێت و بزانێت که من، هُدا آن، کئومانی سرا هُکمران و جهانا هاکم.“

مَتّا 11:25

آ وهدا ایسّایا گوَشت: ”او منی پت، زمین و آسمانئے هُدابند! ترا ستا کنان و ساڑایان که تئو اے راز و هبر چه زانتکار و هۆشمندان چێر داتنت و کۆدکانی سرا پَدّر کرتنت.

لوکا 10:21

هما دمانا، گۆن پاکێن روها گَل و شادان، ایسّایا گوَشت: ”او پت، زمین و آسمانئے هُدابُند! ترا سَتا کنان و ساڑایان که تئو اے راز و هبر چه زانتکار و هۆشمندان چێر داتنت و کۆدکانی سرا پَدّر کرتنت. او پت! تئو چه وتی رزا و واهگا اے ڈئولا کرت.

زَبور 44:16

چه بَد و رَد گوَشۆکانی شگانا، چه دژمن و بێرگیرئے دستا.

دَرگوَز 15:16

بیمّ و دَهشَتے دلا کپیتِش. چه تئیی باسکئے زۆرمندیا آ سِنگ و سیاهَ بنت، تان هما وهدا که تئیی مهلوک بگوَزیت، او هُداوند، تان هما وهدا که تئیی مۆکِتگێن مهلوک بگوَزیت.

زَبور 4:4

هِژمئے تها گناه مکنێت. اێشیئے بدلا، وپسگئے وهدا، وتی دلا اے بارئوا پگر کنێت و آرام گرێت. اۆشت...

دَرگوَز 11:7

بله بنی اِسراییلئے سرا کُچِکّے هم نئوَکّیت، نه مردمێئے سرا و نه دَلوَتێئے سَرا.‘ گڑا شما زانێت که هُداوند اِسراییل و مِسرئے نیاما پرک و پێرَ کنت.

زَبور 57:6

منی پادانی دێما دامِش چێر کرت و اَرواهُن سرشکون بوت. راهئے سرا چاتِش کۆتک، بله وت اۆدا شکون بوتنت. اۆشت...

زَبور 148:13

اے سجّهێن، هُداوندئے ناما ستا بکناتنت، چێا که تهنا هماییئے نام مزن‌شان اِنت، هماییئے شان و شئوکت چه زمین و آسمانا بُرزادتر اِنت.